عنوان الموضوع : ماتضحكوش عليا مسابقة جديدة
مقدم من طرف منتديات العندليب

السلام عليكم أنا راني خدامة في إطار الادماج يعني تاع 1500في التعليم أنا خريجة جامعية و بديت من مارس 2015 الى الان حبيت نسقسي الا كاين عندنا عطلات و لا لا يعني الحق في العطلة كيما قاع الخدامين ولا لا شكرا :d



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مساء الخير
اولا نباركلك على الخطوبة لعقوبة تكون دريتك صالحة يا رب
بخصوص سؤالك نورمالمون عندك الحق تدي عطلة وزيدي سقسي المدير تاع المؤسسة
الا حبيتي قوليلي وش التخصص تاعك
وعقبتي لكونكور تاع التعليم ولا لا

=========


>>>> الرد الثاني :

بيلسان شكون قالك بلي هي مخطوبة

=========


>>>> الرد الثالث :

المشاركة الأصلية كتبت بواسطة نسرين22
بيلسان شكون قالك بلي هي مخطوبة


عرفت بلي مخطوبة بارسكو مالفة نتوانس معاها فقسم دردشة البنات
وانتي علاه حايرة كما هك

=========


>>>> الرد الرابع :



المشاركة الأصلية كتبت بواسطة بيلسان91
مساء الخير

المشاركة الأصلية كتبت بواسطة بيلسان91
اولا نباركلك على الخطوبة لعقوبة تكون دريتك صالحة يا رب
بخصوص سؤالك نورمالمون عندك الحق تدي عطلة وزيدي سقسي المدير تاع المؤسسة
الا حبيتي قوليلي وش التخصص تاعك
وعقبتي لكونكور تاع التعليم ولا لا



المشاركة الأصلية كتبت بواسطة نسرين22
بيلسان شكون قالك بلي هي مخطوبة

أهلااااااااااااااااا أختي بيلسان الله يبارك فيك إن شاء الله آمين يا رب صح رانا موالفين نتوانسوا في دردشة البنات أنا تخصصي إعلام ألي ليسانس و ندير دروس دعم للخامسة ابتدائي و جامي عقبت كونكور


=========


>>>> الرد الخامس :

المشاركة الأصلية كتبت بواسطة Mima Imene






أهلااااااااااااااااا أختي بيلسان الله يبارك فيك إن شاء الله آمين يا رب صح رانا موالفين نتوانسوا في دردشة البنات أنا تخصصي إعلام ألي ليسانس و ندير دروس دعم للخامسة ابتدائي و جامي عقبت كونكور

صباح الخير
انا التخصص تاعي لغة فرنسية
علابالك كي مالفة نشوف عروض العمل نلقا بلي يطلبوا ياسر الاعلام الالي منعرف كفاش مطرتلكش خدمة بصح ام يجيبوا 1 بوست ولا كترت 3
انا السمانة الي فاتت جات جرتنا قتلي بش ندير ليكور لولدها يقرا فالمتوسط انا قبلت بصح ماما محبتش قاتلي ولادها طايرين بزااف ام يشيطوك وفراات تسمى محكمتوش
الا قدرتي قوليلي بقداه ديري ليكور بش لا صلحتلي فرصة وحكمت الولاد نعرف قداه نطلب منهم السومة
انا جامي قريت ليكور من قبل
قريت يامات فسكولة ويامات برك فليسي

=========


تقرعيج تاع بنات


المشاركة الأصلية كتبت بواسطة toufikmagister
تقرعيج تاع بنات

انا قرعاجة ونتا وش دخلك فحكايات البنات كون مجيتيش متطفل ونسوي

المشاركة الأصلية كتبت بواسطة بيلسان91
صباح الخير
انا التخصص تاعي لغة فرنسية
علابالك كي مالفة نشوف عروض العمل نلقا بلي يطلبوا ياسر الاعلام الالي منعرف كفاش مطرتلكش خدمة بصح ام يجيبوا 1 بوست ولا كترت 3
انا السمانة الي فاتت جات جرتنا قتلي بش ندير ليكور لولدها يقرا فالمتوسط انا قبلت بصح ماما محبتش قاتلي ولادها طايرين بزااف ام يشيطوك وفراات تسمى محكمتوش
الا قدرتي قوليلي بقداه ديري ليكور بش لا صلحتلي فرصة وحكمت الولاد نعرف قداه نطلب منهم السومة
انا جامي قريت ليكور من قبل
قريت يامات فسكولة ويامات برك فليسي


صباح النور والله حنا التخصص تاعنا مازال مش مدكور أصلا في الوظيف العمومي خاتش جديد مزال مي أنا راني ادماج في التعليم يعني اتخلصني الدولة فهمتيني يعني تابعة للبيرو منديفر و في ما يخص دروس الدعم أني سقسيتلك وحدة حداناتاني هي دير دروس الدعم دايرة 1000 دينار للشهر و تقريهم السبت الصباح من 9 ل 11 و الثلاثاء المساء تاني


المشاركة الأصلية كتبت بواسطة Mima Imene



صباح النور والله حنا التخصص تاعنا مازال مش مدكور أصلا في الوظيف العمومي خاتش جديد مزال مي أنا راني ادماج في التعليم يعني اتخلصني الدولة فهمتيني يعني تابعة للبيرو منديفر و في ما يخص دروس الدعم أني سقسيتلك وحدة حداناتاني هي دير دروس الدعم دايرة 1000 دينار للشهر و تقريهم السبت الصباح من 9 ل 11 و الثلاثاء المساء تاني

شكرا على الاجابة

عند ك الحق في العطلة