عنوان الموضوع : الى جماعة الاغواط ..الضباط مسابقة جديدة
مقدم من طرف منتديات العندليب

السلام عليكم ورحمة الله تعالى وبراكته

انا كنت ثم في سبتمبر اللى فات والحمد لله هزيت العفو وتهنيت والعاقبة اليكم
نعطيك نظرة خفيفة على الثكنة
1- دير في بالك انك رايح تعقب عام ونص في العسكر والدينا كلها بالمكتوب
1- بالنسبة للمعاملة معاملة مليحة وحتى العسكر اللى ثم ربي يبارك عليهم وانا كي روحت ثم ماسمعتش كلمة ماشي مليحة
2- الى عنهم رتب ( اللى بالغراد انتاعه) والله متواظعين ياسر
3- الاكل ماكلة عسكر في الغداء مليح وفي العشاء شوي شوي ...تولي وتوالف
4- الطبيب مزير وصعيب تفوت هاله ورهو يلعب على مورال اللى عنده دوسي
5- اللى عنده دوسي يديه معاه حتى 2 والا 3 دواسا
6- اكبر مدة ممكن تبقها ثم 19 يوم
7- اللى راح الى ورقلة تقدر تقول عنده العفو بنسبة 95 بالمئة

ونقلكم ادا كتبتلك تعقب العام ونص راك تعقب وادا ماشي كاتبة راك تهنيت وقل الحمد لله
وربي يسهلها عليكم
ســـــــــــــــــلام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكور خويا
في رايك واش احسن وقت يروح الواحد فيه


=========


>>>> الرد الثاني :

هل الليي جاء مع 10 الاوائل ولبس

يخرج فائض مع النهاية

=========


>>>> الرد الثالث :

حتا انا الحمد الله خرجت من سبتمبر مي مزال مهزيتهاش كلى ما نروح يزيدولي سورسي

=========


>>>> الرد الرابع :

شكرا اخي على معلومات

=========


>>>> الرد الخامس :

المشاركة الأصلية كتبت بواسطة عمر الجامعي
مشكور خويا
في رايك واش احسن وقت يروح الواحد فيه

ادا كان عندك دوسي ماذبيك تروح من الاولين وادا ماعندكش روح روطار شوي لانه كي تعقب على الطبيب كي قلوك مابيك والو تلبس ديريكت ا بالصح قبل 1 افريل والدنيا بالمكتوب
ربي يسهل

=========


عندي ملف تاع ربو و عندي دواء نشربو بانتظام شحال تقريبا عندي حظوظ علما أن الرتبة ط ظ إ و شحال نقعد تقريبا خويا


المشاركة الأصلية كتبت بواسطة mahdi81
هل الليي جاء مع 10 الاوائل ولبس

يخرج فائض مع النهاية

والله ياصديقي الدفعتين اللى فاتت انتاع مارس وسبتمبر يخرجو ديما الاولين فائض بعد مايلبسو كيما في سبتمبر اللى فات 140 الاولين الكل خرجوهم فائض بعد مالبسو وعوضوهم بالاخيرين
عول على ربي واللى فيها الخير ربي يجيبها

المشاركة الأصلية كتبت بواسطة dj star
حتا انا الحمد الله خرجت من سبتمبر مي مزال مهزيتهاش كلى ما نروح يزيدولي سورسي

الكل مازلنا صديقي مع سورسي المهم تهنيت وربي يسهل

المشاركة الأصلية كتبت بواسطة amine eco
شكرا اخي على معلومات

العفو اخي الكريم

أخي بشير من فضلك اجابة على سؤالي نظرا لخبرتك

المشاركة الأصلية كتبت بواسطة mehdi_dz16
عندي ملف تاع ربو و عندي دواء نشربو بانتظام شحال تقريبا عندي حظوظ علما أن الرتبة ط ظ إ و شحال نقعد تقريبا خويا

اخ مهدي اذا كان الملف نتاعك صحيح الطبيب نتاع المدرسة بعد ما تفوت عليه راح يبعثك لتونزيت نتاع وقلة كل 5ايام ولا 6 ايام تروح مجموعة للترونزيت اصحاب الملفات الطبية تقعدوا في ورقلة 4 ايام حتي 6 ايام ومبعدا يرجعوكم للمدرسة...... تقريبا 80% منهم يتم اعفائهم والباقي يؤهلون يعني اذا ذهبت مبكرا للمدرسة احتمال كبير تكون من الدفعة الاولي التي تحول لطبيب الترونزيت وتعفي كلها 10 ايام يبانكل شي يا إما معفي يا إما مؤهل

المشاركة الأصلية كتبت بواسطة mehdi_dz16
عندي ملف تاع ربو و عندي دواء نشربو بانتظام شحال تقريبا عندي حظوظ علما أن الرتبة ط ظ إ و شحال نقعد تقريبا خويا

اتكل على ربي وان شاء الله فيها خير حتى كي تروح ماولش ادا كان قعدت تبقى 20 يوم على الاكثر
ربي يجيبلك الخير