عنوان الموضوع : عصاة الخدمة الوطنية دفعة مارس 2015
مقدم من طرف منتديات العندليب

السلام عليكم ورحمة الله وبركاته
اليوم رحت نسقسي على الاستدعاء نتاع الخدمة الوطنية عند الدرك قالولي بلي ماكش مسجل عندنا في دفعة مارس 2015 قلتلهم راني حاب نسوي الوضعية نتاعي على خاطر كرهت اعطوني اللوردابال والا الاعفاء قالولي روح مركز التجنيد كي رحت للمركز فوجئت اني عاصي اعطاوني رسالة قالولي اديها للمحكمة العسكرية.
قولولي خاوتي واش معناها وواش دير في هذي الحالة
علما اني مواليد 1987 انهيت دراستي في الثالثة ثانوي 2017 درست في التكوين المهني اعلام الي الى غاية 2016...عاونوني جزاكم الله الف خير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليك اخي

اولا وقبل كل شئ

ايلا عندك ملف كفالة

ولا ملف طبي

ولا راك مازال تقرا

ادي معااك الحاجة لي عندك

روح وسوي الوضعية

ايلا كفالة ولا ملف طبي هاك تدي الروفورم

ايلا مازلك تقرا في كاش تكوين

يعطوك سورسي

وايلا ماعندك والو من هاذم كامل المذكورين

ننصحك والله غير ماكلاه تروح بويسك

يحكمووك في البلاصة

ويدوك ديركيت تعــــggــب الخدمة الوطنية

انا شخصيا مجرب ..

ربي يسرلك اومورك نشالله

بالتوفيق ♥




=========


>>>> الرد الثاني :

من المفترض في حالتك أنهيت الدراسة قبل 2010 أن يتم إعفاءك لا يحتاجونك
مع ذلك كن حذر واسأل وتأكد قبل الذهاب، وإن كان عندك ملف طبي أو كفالة كما قال الأخ فعليك أخذه
وإلا لك خيار أخذ الدبلوم والذهاب ففي كل الأحوال لا يجب أن تبقى معلق

=========


>>>> الرد الثالث :

بارك الله فيكم يا إخوتي

ربي يفرج علينا إن شاء الله من هذي المحنة

=========


>>>> الرد الرابع :

الأخ حسان 1987 انا او انت رانا نفس الوضعية ممكن نحكي في الهاتف او ال***** zoheir1477

=========


>>>> الرد الخامس :

الحمد لله أنا كنت عاصي و رشارش و رحت للمحكمة العسكرية دفعت دوسي كفيل عائلي و جريت معاهم وحد 6 ولا 7 أشهر نروح و نجي دوسي ناقص زيد جيب هاذي المهم أعطوني البراءة و جواب أديتوا للناحية العسكرية قالولي جيب لينا شهادة الميلاد و صور و وحد الملف تع كفيل عائلي بش يخدمولي العفوا لاكن مش عارف روحي مزال راني رشارش ولا لا اليوم عادلي شهر و نصف منين هزيت البراءة من المحكمة العسكرية

=========


[quote=عين امناس;3991849837]الحمد لله أنا كنت عاصي و رشارش و رحت للمحكمة العسكرية دفعت دوسي كفيل عائلي و جريت معاهم وحد 6 ولا 7 أشهر نروح و نجي دوسي ناقص زيد جيب هاذي المهم أعطوني البراءة و جواب أديتوا للناحية العسكرية قالولي جيب لينا شهادة الميلاد و صور و وحد الملف تع كفيل عائلي بش يخدمولي العفوا لاكن مش عارف روحي مزال راني رشارش ولا لا اليوم عادلي شهر و نصف منين هزيت البراءة من المحكمة العسكرية[/q

مبروك عليك اخي والعاقبة لي مازالو حبيت نسال ماهو مستواك التعليمي ولاي ناحية عسكرية تابع يرجى التواصل وشكرا