عنوان الموضوع : نصيحه(كريم جونسون لليدين يكوي) للعناية بالبشرة
مقدم من طرف منتديات العندليب

نصيحه(كريم جونسون لليدين يكوي)



بسم الله الرحمن الرحيم

السلام عليكم ورحمة الله وبركاته ..

وكل عام والجميييع بالف خيييييير

حدخل في الموضوع

ابغى حل وفي نفس الوقت اعتبروها نصيحه مني

كريم جونسون لليدين يكوي الجلد T_T

شوفو مشكلتي زواجي قرب مره وتعرفو دحين فترة اجازه

والناس تخرج تتمشا المهم كنت في جده وتعرفو عاد رطوبة جده

وكنت رايحين نستاجر في الكباين ونسيت اخد معايا الفزلين

المهم وماكان معايا الا جونسون لليدين الوردي المهم ورحنا الكباين

ومشينه كتير حسيت انه حيجيني سلخ قومة وحطيت كريم جونسون في المنطقه الحساسه

وطبعا جلست يومين احط منو وبعد اليومين جاتني الدوره وسرت احس انه السلخ بيزيد

اتوقعت من الفوطه الصحيه ومازلت احط من الكريم جونسون تقريبا دا ثالث يوم

ولمن رجعت البيت سرت مااقدر امشي من السلخ والحساسيه والحكه الزايده

كل المنطقه حمرا بعد كدا وقفت وسرت احط فازلين لمدة يومين ثلاثه ولا في اي تغير

مع اني دايمن بستخدم الغسول بس مافي فايده والمنطقه مهتمه فيه جداااااا

المهم اكمل وطبعا مافاد شي ومازالت الحكه والالتهاب والاحمرار فستخدمة الزيت الزيتون

والمويه والملح واسستخدمة كريم ضد الحكه ولكن مافي فايده المهم لمن انتهيت من الدوره

وشوفت المنطقه انصدمة المنطقه سودة وسار فيها تجاعيد و زي اللي اتحرقت السطح

الجلده الرقيقه مقهوووره جدا وندمانه ونفسيتي سايره زفت علشان زواجي قرب

ومو حابه تكون المنطقه زي كدا

ياريت اللي عندها حل تفيدني ولا تنسوني بدعواتكم وان شاء الله تتحسن المنطقه قبل الزواج


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

89 شخص قري وﻻ احد رد وﻻ حتى دعالي دعوه حلوه
يالله اهم شي تستفيدو من النصيحه

__________________________________________________ __________

>>>> الرد الثاني :

الله يفرج همك وينولك اللي تتمنيه
انا ما عندي اي فكره عن تبييض هالمنطقة لاني اعاني منها

__________________________________________________ __________

>>>> الرد الثالث :

حبيبتي والله ما بعرف مع انه انا احطه ع وجهي قبل البودره لانه ما بحب احط كريم اساس والحمدلله اموري منيحه كتير روحي ع الدكتور بلاش بسير شي مو منيح لا سمح الله

__________________________________________________ __________

>>>> الرد الرابع :

تلفزيوني .. نورتي ياقلبي . وتسلمي على الدعوه الحلوه وان شاء الله نلقى احد يفيدنا .

__________________________________________________ __________

>>>> الرد الخامس :

المشاركة الأصلية كتبت بواسطة majodti
حبيبتي والله ما بعرف مع انه انا احطه ع وجهي قبل البودره لانه ما بحب احط كريم اساس والحمدلله اموري منيحه كتير روحي ع الدكتور بلاش بسير شي مو منيح لا سمح الله

ايوه ممكن عليكي ماياثر بس انا بشرتي حساسه مره وغير كدا انا حطيت الكريم في المنطقه الحساسه ودي المنطقه احس من الوجه .
وبس حبيت اقولك ان الكريم دا لو حطيتيه وجلستي في الشمس يحرق الوجه دي نصيحه . ومنوره ي عسل