عنوان الموضوع : حسافة على دراهمي ياحبوب التبييض لبشرة بيضاء
مقدم من طرف منتديات العندليب

حسافة على دراهمي ياحبوب التبييض



السلام عليكم ورحمة الله وبركاته
كيف الحال عزيزاتي
حبيت اكتب هالموضوع للأسف عن كل وحده تتاجر بحبوب التبييض والله هالموضوع عني أنا شخصيا مو منقول ولاهو بأي منتدى آخر
انا مراح اقول عنها شي سيئ أو غلط لا والله بالعكس ولله الحمد إنها حبوب إن مانفعت ماتضر يعني رآيتها بيضاء
انا لي تقريبا شهر ونص استعمل حبوب التبييض والله والله والله يا اخواتي إن لون بشرتي مثل ماهو تخيلوا!
أنا مستغربة
وحزينة
ومقهووووووووووورة على فلوسي اللي رميتها بهالحبوب اللي مافرحتني
للعلم إن بشرتي لونها حنطي فاتح يعني المفروض تكون النتيجه مبهره
لكن للأسف.........
انا اتمنى من كل وحده استعملت حبوب التبييض أو تاجرة باعتها إن ترد على موضوعي وتحلف بالله العلي العظيم إنها تجيب مفعول لو 1%
أنا مو مصدقة ياجماعة أنا صرفت آآآآلآف على هالحبوب والمشكله باقي للحين منها ماخلصت والنتيجه بح
طيب وين احطها؟
وألا أرميها؟
والله مايصير ياجماعة
تبون تنصبون أنصبوا لكن مو بهالمبالغ
أنا أشوف احلى سعر للنصب لهالحبوب هو إن سعر الحبه مع الفيتامين مايتجاوز ال35ريال
مو تتعدون الآلآف والآف
أنا داخله هنا ومتحديه وأبي أي وحده أستخدمتها تدخل وتقول والمفروض ياتاجرات انتم شخصيا تستخدمونها قبل الزبائن عشان الحلف بالله مايصير بالكذب
آآآآآآآآآآخ ياربي على دراهمي
نصيحه ياحريم لاتضعفون مثلي والله لو شريت بنص القيمه اللي راحت خلطات من أطرف عطار كان الحين أنا ألق من البياض مو مثل هالوقت اللي أقسم بالله العظيم ماتغير فيني شي حسآآآآفه
بليز بليز خفضوا السعر حتى ماتطيحون بوحده مثلي تدعي عليكم ليل نهار


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حبيبتي انصحك اتركيها والله مضره حتى لو بيضت ويذات من هالحريم الي ياخذونه برخص التراب ويبيعونه مثل ما قلتي واقولك بعدانو في اخصائيه بشره على قناة بدايه تقول مستحيل مافي حبوب لتبيض واذا فيه فهي غير مخصه من وزارة الصحه وهوني على نفسك الدراهم تروح وتجي

__________________________________________________ __________

>>>> الرد الثاني :

المشاركة الأصلية كتبت بواسطة دعواتكم
حبيبتي انصحك اتركيها والله مضره حتى لو بيضت ويذات من هالحريم الي ياخذونه برخص التراب ويبيعونه مثل ما قلتي واقولك بعدانو في اخصائيه بشره على قناة بدايه تقول مستحيل مافي حبوب لتبيض واذا فيه فهي غير مخصه من وزارة الصحه وهوني على نفسك الدراهم تروح وتجي

فعلا اختي الدراهم تروح وتجي وجزاك الله كل خير

__________________________________________________ __________

>>>> الرد الثالث :

أختي الله يعطيك العافية امكن لو استمريتي عليها تعطي نتيجة لانه حسب نوع البشرة

ووش اسمها الحبوب ومن وين اشتريتيها؟

__________________________________________________ __________

>>>> الرد الرابع :

اسمه حبوب التبييض "سوبر وايت" الأمريكية
واشتريتها من نفس المؤسسة بالرياض وجتني طلبيه على جده عن طريق الشحن
وهذاني استخدمها رغم اني ما اعتقد بتجيب نتيجه والله العظيم اتمنى تجيب لو شي بسيط من التفتيح اقلها احلل فلوسي اللي كني رميتها بالشارع وانا في اشد الحاجه لها
الله كريم

__________________________________________________ __________

>>>> الرد الخامس :

مناكير بكم شريتي الحبوب عذرا براحتك اذا بتقولي