عنوان الموضوع : ادخلو رجاءااااااااااااا تجارب منزلية
مقدم من طرف منتديات العندليب



حابة تعطيوني طريقة لتنظيف الكارلاج باش يلمع بالتفصيل و المنتجات لي تستخدموها بالسعر و واش لازم نتجنب
انا نظفو عادي بالماء و الجافيل لكن مايلمعش بالعكس يشهاب .
و ايضا حابة معطر الملابس لي تخدمو بيه مع الغسيل و السعر تاعو و ان امكن صورة
و بالنسبة للمنظف السحري ( غسول الاواني + الخل ) في واش تستخدموه و هل يلمع و لا لالا

في الانتظار


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

صباح الخير اختي انا نستعمل لتلميع الارضية ان كانت كارلاج قرانيتو مسحوق الاومو تاع الملابس ندير شوية في بيدون الماء ونحك الزليج بالبالي الخشينة ومن بعد انشلله بالماء الصافي ونشفه ومن بعد جفافة ناشفة وفنظيفة وفوتي على كامل واش سيقتي وشوفي وجهك في الارض ملاحظة الجفافة كي تكون قديمة على العكس توسخ ماشي تنقي دائما غيري الجفافة انا كل اسبوعين نرجع تاع الديار للكوزينة ونشري وحدة جديدة للغرف والصالة اما بخصوص معطر الملابس انا نستعمل كومفورت ونسيت سعرو لكن ماراهوش غالي بزاف والمنظف السحري اللي حكاو عليه جربته على فايونس تاع الكوزينة اللي فريب من الكوزينيار لكن مادارلي والو احسن نطليه بازيس ننتركه شوية ومن بعد بحبيلة السلك ونحك وراح ارجع نو ريلك صورة معطر الملابس دورك راني نغسل في الحوايج كي نخلص نصوره ونوريهلك

__________________________________________________ __________

>>>> الرد الثاني :

مشكورة حبيبتي ربي يحفظك

__________________________________________________ __________

>>>> الرد الثالث :

فيه ملمع اراضي تلقايه عند محلات بيع مواد التنظيف اسمو جل العملاق لونو اخضر. وانا نستعمل معطر ملابس اسمو سوبلين هاااايل ويجي شكاير وقارورات انا نشري تاع الشكاير مركز نحط الشكارة في قارورة ونضيف عليه لتر ماء وفيه باللافندر والازرق وتاع الورد هاااايل .انا جربتهم كلهم هايلين وخصوصا الازرق ونتاع الورد.نستعملو كي نشلل الملابس يطلق ريحة رووووعه وتدوم بزاف.سبحان الله وبحمده اللهم ارضى عنا وارزقنا رزقا طيبا

__________________________________________________ __________

>>>> الرد الرابع :

مرسي حبوبات ربي يحفظكم

__________________________________________________ __________

>>>> الرد الخامس :

عزيزتي لومو و جافال و شلي و تشوفي