عنوان الموضوع : إختر كلامك
مقدم من طرف منتديات العندليب

السلام عليكم يا جماعة رمضان مبارك كيف احوالكم؟
اليوم يا ريت لو نتناقشو حول موضوع مهم ممكن اغلبيتكم مرو بيه او يمرو بيه او ممكن ساهمو بيه ولو غير مباشرة
الإنسان المريض مرض خطير او مرض مزمن او معاق فئة من الناس مهما تكون شجاعتهم اما المرض يحسو أنفسهم نافصين على الناس
نكتبلكم الموضوع لانو كما تعلمون انا مريضة وعايشت المرضى فالمستشفى ونعرف واش يحس الإنسان المريض لكن الناس العاديين اللي ربي اعطاهم الصحة حتى المريض كان بصحتو علاه نتعاملو مع المريض على إنو عاهة كأنو هذا الشخص من المريخ ما عندوش إحساس ألم المريض ليس بصداع فمكان مرضو او وجع يروح ببعض المسكنات الم الرميض منكم يا ناس راعو شعور واحد ربي إبتلاه وإبتلاه إلا لأنو يحبو
نظرة المجتمع والبنات للشاب المعوق او الشباب للبنت المريضة او المعوقة إحنا البنات لما نبورو نستاهلو علاه نحبو الشباب مول الطوموبيل والفيلا واللي لما يجي للحومة البنات يتغمو لكن ما يهمش يدير علينا عشرة برا وإلا نتاع خمر او مخدرات المهم الهيئة قدام الناس ولكن لو يجي واحد ممكن معاق لكن راجل وراجل نتاع الصح وقادر يعيشنا اروع عيشة بالبساطة إيه لكن حنين بزاف ويخاف ربي وراحا تكون المرا معاه ملكة لالا إحنا نشوفو للمظهر وننساو إنو إنسان فقط فيه حاجة ميزاتو على الناس
راعو كلامكم يا ناس في عباد ربي يحبهم شعال فيكم من معوق في قلبو وفي عقلو شعال فيكم من مريض من نفسيتو تجرو مور المال ومور الحرام كأنو راحين تخلدو
كلامي قلتو لأني مريضة من المرضى وألف ألف الحمد ربي خيرني قلبي وعقلي صحاح ما يهمش المرض الآخر ويا رب نتزوج بشخص معاق نزيد ندي الاجر معاه ويا ويحكم ويا شعال راكم غايضيني يا المعاقين من القلب والعقل
شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي مريم

أولا من خلال كلامك بظهر ان أجد ما جرحك بكلام أو تصرف بسبب حالتك


لكن صدقني أختي مريم الإنسان اللي عندو ثقة في الله ثن في نفسه مش راح يتزعزع لأنه عارف أنه الدنيا إبتلاءات وإمتحان من عند الله


كذالك نقطة اخرى هناك صورة ذاتية انت تصنعيها لنفسك لازم تحافظي عليها يعني :

الصورة الذاتية يعني الفكرة الي انت تأخذينها عن نفسك أمام الناس إذا مثلا تري ان الناس تشفق عنك أو يرو أنك معاقة

راح الناس يتصرف بما انت تشعري بيه لأنه يحس بما انت تحس به


وهناك من لديه ثقة بالنفس ولا يهمتم يتأثر بنظرة المجتمع في هذه الحالة راح الناس يحترموه لأنه لا نظر إلى نفسه

بنظرة النقص في نسفه أو خلقه


أتمنى ان تكوني فهمتي قصدي عن الصورة الذاتية علما أني قد كتبت عنها موضوع فيما سيق


أما عن معاقي القلوب والعقول والله عجبني هذا التعبير لأن هناك من هو معاق وهو لا يدري


أما عن الزواج بمن عنده مرض ما .......... انا عن نفسي لو تعجبني أخلاق بنت واردتها للزواج والله لا يمهني أي مرض بها

المهم تكون سليمة القلب والنفس ولا تكون مريضة بالمعاصي

وبارك الله فيك أختي مريم وصح فطوركم

__________________________________________________ __________

>>>> الرد الثاني :

مشكلتنا انو ماوليناش نحسو و لينا قاسيين بزاف تقول علينا الات يا ليليا مي والله كاين ناس صح ربي نقصلهم شي حاجات مي والله كي تريحي معاهم تحسي روحك انتي الي ناقصة ماشي هوما والله كاين ناس مايشوفوش مي والله خيرمن ناس ربي مدلهم عينين كيما تاع الهامة مي هوما عميين من قلوبهم المرض ماشي عيب لانو راه ابتلاء من عند ربي و الي جا من عند ربي كامل مليح المشكل في المرض الي نديروه حنا برواحنا و كيما قلتي انتي اذا الوحدا دات واحد عندو مال قارون و هو يجري من وحدا لوحدا و يشرب و ماراه طالق حتا وحدا هذا واش دير بيه هذا راه مريض اصلا و مرضو مرض مستعصي و ديجا هوما ماشي مستحقين باه نعاملوهم معاملة خاصة و ماشي شرط لازم كل مانشوفو واحد انوغمال نشوفو فيه تحسب جا من المريخ لانو حنا الي انوغمال و حناالي رانا عاهات في المجتمع .حنا مانحسوش بالحاجة الا اذا توشاتنا حنا و لا توشات واحد عزيز علينا مي الله غالب عقلياتنا هاك و باه تبدليها شوية صعيب الواحد المهم يبدل هو عقليتو و الغاشي لاخر ربي يسهل على كل واحد .ربي يرزقك براجل يا ليليا الي يحطك في عينيه و تكوني ليه و يكون ليك جنة في الدنيا

__________________________________________________ __________

>>>> الرد الثالث :

كلام في الصميم ...................بارك الله فيكم ............................والله المستعان

__________________________________________________ __________

>>>> الرد الرابع :

سلام عليكم الاخت مريم الانسان المريض او المعاق هو انسان كا اى انسان خالقو الله تعالى كا الاسودا والابيض ربى كامل يحسبنى فى هدى الدنياء . وربى ما يحاسب الى من رفع عنه القلم . والاخت مريم انا ما عندى اشكل هدا معاق او مريض او اسود . الاخت كان عندى صاديق والان راه متوافى الله يرحم عندوا شهرين من اتوفى كان عندوا مرض خطيرا هو مريض به 5 سنوات والله كان انسان طيب وخلوق ومتربيه اعمله تشهدا اعله وانا ما عندى افضل منه ربى يرحموا

__________________________________________________ __________

>>>> الرد الخامس :

بارك الله فيك اختي مـــــــــــــــــريم..........ناس ولات قاسية بزاف............الله يهدينا للخـــــــــــــير .......والله يثبتنا على طاعته.....شكرا لك