عنوان الموضوع : الى ماذا يعود اسمرار كامل جسمي هل من النحافة
مقدم من طرف منتديات العندليب

السلام عليكم
كيف الحال
حابة نسقسيكم و ما دابيا يكون بيناتنا طبيب او طبيبة نفسانية
انا بيضاء البشرة غالبا
بصح هاد الايام وليت كحلة ماتقولوليش من الشمس لاخاطرش جسمي قاع
و اللي يشوفني في الدار يتنخلع و يقولي واش بيك كاش مرض راه فيك
المهم انا كنت نوزن 64 كغ و طولي 171 سم يعني مليحة مي هاد العام راني 49 كغ ماعلاباليش علاه نقصت و المشكلة عرسي راه قريب و الله وليت مانتشافشش و الماكلة مانيش ناكل و اللي يكلمني نلصق فيه
راني حاسة روحي نفسيا مانيش مليحة اللي نتلاقا بيه يقولي وش بيكي ضعفتي وليتي تخوفي
راني نتخبى من خطيبي مانيش حاباتو يشوفني و كي يجونا ضياف نتخبى
قولولي واش ندير
ممكن فيا كاش مرض
انا رحت لطبيبة خرجتلي دواء القلقة قاتلي راكي مقلقة بزاااف و درت التحاليل ماكاين والو
و زيد في الدار ماما تبدى تقارن فيا بخواتاتي و تعاير فيا
و الله كرهت هاد الحالة
عاونوني في وجه ربي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يرفد عليك اختي اكيد معظم الامراض تكون ناتجة عن القلق
شوفي انصحك بتناول السكريات بزاف
وشرب الماء بكثرة وكاين وصفة قالت عنها اخت عن ماء الورد ملعقتين في 2 لتر ماء وتشربيهم على مدى يوم كامل
تسمن ةتبيض
وخميرة البيرة ايضا تسمن وتبيض
انا صرالي كيما راكي تحكي في رمضان من السخانه والقلق حتان ريحت ووالفت الصيام رجعت انتيك
ربي يعينك ونتمنى الاخوات يفيدوكي

__________________________________________________ __________

>>>> الرد الثاني :

ارقي روحك بروحك اختي ممكن تكون اصابتك عين حاسد ربي يشافيك

__________________________________________________ __________

>>>> الرد الثالث :

السلام عليكم

أختي كان الله في عونك وفرج عنك

أنصحك بالرقية أختي كما ذكرت عرسك قريب والحساد كثر، شاهدت مثل هذه الحالات في أناس لي بهم علاقات

وكان حلهم الرقية . جربي رقي عند شخص يعتمد القرآن ( أي رقية حسب السنة) وان شاء الله تشفين

تحياتي لحضرتك

عادل


__________________________________________________ __________

>>>> الرد الرابع :

شوفى اختى انتى لم توضحى كم نقصتى فى الميزان وكم المدة اللى نقصتى فيها
يعنى هل نقصتى بسرعة ومرة واحدة ولا نقصتى بالتدريج
هل عندك اى اعراض اخرى مثلا ولا هذا ماكان
شوفى قد تكون اسباب عضوية اما ان كنتى سليمة عضويا ممكن تكون مجرد حالة نفسية
اولا من الناحية العضوية
انصحك ان تراجعى الطبيب وشوفى الامور التالية
مثلا نقص الفيتامينات لان نقصها احيانا قد يؤدى الى تدهور فى نظارة البشرة والشعر
اعملى تحاليل للغدد الصماء ==خاصة الغدة فوق الكلوية ==
تحاليل الكبد ==اتوقع نورمالمون درتيها وقلتى سليمة تاكدى ==
الانيميا والمشاكل الهضمية لان معروف ان الجهاز الهضمى يؤثر على الجسم ==المعدة مثلا والقولون ==
شوفى اذا كنتى تشربى كاش دوا ==بعض الادوية تغير اللون ==
اذا كانت كل هذه التحاليل سليمة
الطبيب ممكن يعطيك على كل حال مجموعة فيتامينات ومكملات غذائية
ويبقى الناحية النفسية
ممكن يكون بسبب القلق اللى سببلك النحافة وهذه التغيرات وهنا المشكل مش كبير
ومتقلقيش روحك مش مشكل مكملات غذائية وترجعى المهم الصحة
ربى يوفقك

__________________________________________________ __________

>>>> الرد الخامس :

اختي راكي تخممي بزاف في المستقبل خليها علي الله وصلي وقراي القرءان فان قراءة القرءان استرخاء للبدن وراحة للنفس هناك وصفة مليحة باش تسمني جربناها ونجحت قارورة ..................................