فهوني راهو راسي جمد مشكلتي

[سحر البوغديري]

عنوان الموضوع : فهوني راهو راسي جمد مشكلتي
مقدم من طرف منتديات العندليب

السلام عليكم
ههههههههه
والحمد لله قربت خلاص خطبتي بعد المواضيع اللي طرحتها هنا ان خالة زوجي كل ساعة يتأجل الشوفة اولا وثانيا الخطبة وهذا على حسب سفرياتها ؟ في آخر هدرة هي ماش مفهمة روحا وحماتي قاتلك على حساب وقت اختي المهم بدون ان ادخل في سوء الظن عندما رسى الموضوع على موعد قالت لا ميساعدش خالتك؟ هنا لخطيبي كان موقف وقالهم خلاص حددنا موعد وخلاص الشيء اللي زاد وغطى كي جايين قالت عجوزتي نجيب معايا 12 مرا و نفس العدد رجال
برك فهموني راهي خطبة ؟ والا عرس ؟ امي ما قالت واله كي هدرت معاها قاتلي يا بنتي واش ندير
الصالون كبير لكن لا يتسع لهم ولنا بل لا يتسع لي كي نجي يعني نقعد في الارض احسن باش الحماة تفرح هذا ماكان
مخي جمد ياك هاذي خطبة ودايرتها خفيفة يعني تلبيس خواتم وطارطة وخلاص

قولولي انتم كيفاش تشوفه في هاد لحكاية

انا تبانلي راهم يديره في العقبات باش احنا نقلقه ونفركشوها او ماذا يعني yaprovikiw
هههههههههه ملقيت منقول صراحة
هل هذا طبيعي يجيو يخطبه في قرابة 30 ؟ ام انا من زمن آخر
نهار رحنا خطبنا لخويا خطبة وجرية كيما نقوله في قسنطينة يعني اكثر من الخطبة داولها الفاليزات وحناو بالرجال والنساء 15 والصغار البنات مداوهمش
هل هذا يعقل


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :


ههههههههه ربي يهنيك اختي و يكملك ما يبروفكيو فيك ماولو فكرتيني في روحي
اني لحتى لذرك راني مزوجة و كي يجبدوها نقولهم لي درتولي يعني ما نسميها نقولهم لاه ماعندهاش اسم
حنا نسميوها شوفة و عماتي يقولو جرية و هما ( اهل زوجي( ماش مسيينها خلاص و السبب ان حنا حطينها حنا فحنا
لا غناء و لا هم يحزنون قلنا شوفة برك يا ختي فالليلة لي تسبق الحادثة عيطتلي سلفتي و قالتلي حنا جايين نزهاو و حطيلنا الغناء
و ماعرف واش و خلصت انو بلاطارط و دخل لبسلي الخاتم و فرحو و جابو معاهم 15 مراة و 15 راجل هههههههههه هذاك النهار ما ننساهش
الناس كامل خارو واش هذه واش اسمها مع العلم انا عقدت و فتحت قبل هذه الحادثة

كلش يجوز حبيبتي المهم الهناء

__________________________________________________ __________

>>>> الرد الثاني :

المشاركة الأصلية كتبت بواسطة maiar ههههههههه ربي يهنيك اختي و يكملك ما يبروفكيو فيك ماولو فكرتيني في روحي اني لحتى لذرك راني مزوجة و كي يجبدوها نقولهم لي درتولي يعني ما نسميها نقولهم لاه ماعندهاش اسم حنا نسميوها شوفة و عماتي يقولو جرية و هما ( اهل زوجي( ماش مسيينها خلاص و السبب ان حنا حطينها حنا فحنا لا غناء و لا هم يحزنون قلنا شوفة برك يا ختي فالليلة لي تسبق الحادثة عيطتلي سلفتي و قالتلي حنا جايين نزهاو و حطيلنا الغناء و ماعرف واش و خلصت انو بلاطارط و دخل لبسلي الخاتم و فرحو و جابو معاهم 15 مراة و 15 راجل هههههههههه هذاك النهار ما ننساهش الناس كامل خارو واش هذه واش اسمها مع العلم انا عقدت و فتحت قبل هذه الحادثة كلش يجوز حبيبتي المهم الهناء

مي هادي ماش جرية راهي خطبة simple هههههههههههههههههههههههههه

__________________________________________________ __________

>>>> الرد الثالث :

ربي يكملك ويهنيك

__________________________________________________ __________

>>>> الرد الرابع :

ههههههههههه حتى و انتي راكي مخلطة في الكتبة بالاك من كترت ماراه راسك جامد

يا اختي انتي تعرفي العادات والتقاليد نتاعكم وواش هو الشي لي تقدري عليه كيما قلتي حابة تديري حاجة خفيفة اهدري مع خطيبك ولا يماه قوليلها حنا هدا واش نقدروا نديروا وحاولوا تتفاهمو بالعقل
ربي يهنيك

__________________________________________________ __________

>>>> الرد الخامس :

المشكل عايلتنا في زوج راهم ولاد بلاد يعني نعرفه للاصول وهاد الشيء واضح ماهوش حاجة قال معلابالهمش بيها يعني في عاداتنا تعيط الحماة تهدر مع الام تقولها راني نجيب العدد الفلاني هل يساعدك الاخرى تقولها هيه والا لا
هادي عيطت قاتلها ديروا ف يحسابكم نجيب العدد الفلاني مع العلم راهي خطبة خويتم وطارطة يعني مافيهاش كيما يديروه وحايد فاتحة