عنوان الموضوع : تمنيت ان اكون صماء مشكلتي
مقدم من طرف منتديات العندليب

السلالالام عليكم

اعرف انني يجب ان احمد ربي على هذه النعمه هناك من يتمناها لكنني حقا تمنيت ان اكون صماء

كل يوم مشاكل و صراخ في البيت اصبحت ارى البيت جحيم

البلوك مالفوق لتحت يسمع واش كاين و الجوارين يستشفاو

15 سنه من حياتي (من يوم ما ولدت) مشفتش ابي و ماما تفاهمو دايما دبزه على اتفه اتفه الاشياااااااااااااء

دايما مشااكل و حنا لي نبقو نتعذبو

والله راني نكتب و نبكي

انا تعقدت مبقيتش عايشه حياتي كيما لبنات لي قدي

مين كنا نقرو نبقى نشوف في لبنات تاع الكلاصه تاعنا و نبكي و نقول انا علاش انا ماشي كيفهم

علاش انا عندي اب ما يستاهلش كلمة اب

السب بكل انواعه في البيت لا احترام ولا هم يحزنون

خطره كنت نغسل في مواعين و طيحت حاجه فليل قاعد يدعي عليا و قالي الله يهرسلك القلب مع العلم اني مهرستهاش

انا جامي ابي في حياتي قالي روحي بنتي الله يحفظك ولا ينجحك

لوكان يصيب الماكله يقطعها علينا

يعايرنا بيها

مقديتش

ركبوني لي ناغ و ركبتني الحبوبه الكحله

ربي يجيبلي موت و لا نزيد نعيش حياتي هاك

و سمحولي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قوليلي راك تصلي

__________________________________________________ __________

>>>> الرد الثاني :

اضن ان احسن حل هو الصبر وتاكدي سياتي الفرج باذن الله * ان مع العسر يسرا *

__________________________________________________ __________

>>>> الرد الثالث :

لي يشوف هم الناس ينسا همو

اختي ربي اعطاك الصحة و الخلقة التامة الحممممممممممممممممممممممممممممممممممممممممممممممم د لله

ناس ما لاقية لا صحة لا مال

ناس يتيمة تتمنى اب يدخل يضرب يخرج يضرب المهم يشموا ريحتوا

ناس متمنية تقول كلمة امي و تحس بحنان الام

ناس متمنية منزل يسترها من برد و حر الجو و من كلاب الطرقات البشرية


معظم العائلات الجزائرية هاذا هو حالها صرااااااااااااااااااااااع دائم

ادعي ربي ليل و نهار يفرج عليك قولي في كل دقيقة و ثانية يا رب يا رب

كلنا عندنا مشاكل فالمنزل و المثل يقول ماكانش من تزوجت و داك كيما بوها او خوها المرأة لما تتزوج تدي عدوها و هاذا الشيء لي رانا نشوفو فيه حقيقة

كانت عندي صديقة فالثانوي كانت انسانة بشوشة و مرحة رغم انها فقيرة لكنها قنوعة

مرة كانت عندي مشكل فتحتلها قلبي و قاعدة نبكي ما قدرتش حتى هي فتحتلي قلبها و بكات جبتها ساعة و انا نبكي علاجالها

حسيت المشاكل لي في دارنا تااااااافهة و اني اتفه

تصوري والدها كان لما يلقاهم يغسلو فالملابس و ما يحطولوش الاكل منين يهدر يجي يقلب هاداك القش فالتراب و يعاودو يغسلوه
اتصوري انو كمرة اختها قلاتلو طراف لحم و حرقت واحدة شوية اعطاه للقطة لحساتو و قالها درك تاكليه " حسبي الله و نعم الوكيل "
و رغم هاذا كانت متفائلة

ربي يفرج عليك و يهدي سركم

ديريسورة البقرة و رقيو دارك لانو المنزل لي يكثر فيه العياط تكثر فيه المصائب و تسكنه الشياطين

ما تزيديش خلاااااااااااااااااااااااااااااص تتمني الموت لانو لي شايفها ربي ما شافهاش العبد

مازالك صغيرة و على قد ما تكبري رح تعرفي انو هاد المشاكل تافهة

تااااااااااااافهة جدا

حاولي تقنعي امك بالصمت مهما يقول والدك او يعمل تسكت عليه مع الوقت رح يكره المشاكل

ربي يفرج علىيك

__________________________________________________ __________

>>>> الرد الرابع :

المشاركة الأصلية كتبت بواسطة عداب_2013
قوليلي راك تصلي

ايه و خطرات نتهاون

ربي يهديني

شكرا على المرور
المشاركة الأصلية كتبت بواسطة bayzi
اضن ان احسن حل هو الصبر وتاكدي سياتي الفرج باذن الله * ان مع العسر يسرا *

اميييين يا ربي

شكرا على المرور

__________________________________________________ __________

>>>> الرد الخامس :

ادعي لابيك بصلاح الحال فهو في كل الاحوال والدك