عنوان الموضوع : مشكلة نتاع بنت اختي
مقدم من طرف منتديات العندليب

خير الكلام من بدأ بالتحية وخير تحية تحية الاسلام وتحية الاسلام السلام
خواتي وخواتاتي حبيت نسقسيكم في واحد الموضوع
عندي بنت اختي مستواها الدراسي الله يبارك ماستر 1 في الرياضيات ومازالت تسعى ..يتقدمولها غير الرجال الي لباس بيهم والحمد لله بصح المشكلة فيها انها ترفض والسبب قالته لي انا برك هي تبغي واحد يخدم دهان يبنتر يعني
يعني هي رايحة تضيع حياتها على جال الحب هاد الي يبنتر اكيد راه نهار يخدم و10 لا وزيد ماهوش موجد روحو قع
واش تنصحوها والله ماعرفت كيفاش ننصحها
انتي ايتها الطالبة الجامعية لو يتقدملك واحد دهان هل تقبلين ؟؟اجيبو بصدق متقولوليش عادي نقبل وين راه المشكل
والي يخدم دهان يقدر يعيش ولا لا
بصفة عامة اهدرولي على حياة الدهان كيفاش راهي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي انا خالتي متزوجة من دهان والحمد لله عايشة لباس عليهاوكي يكون قاعد يخدم خدمة وحدوخرا لكن راجل خالتي يشد الباتيمات متعاقد مع شركات البناء ومرة مرة يخدم للناس والله اعلم

__________________________________________________ __________

>>>> الرد الثاني :

ايه اختي وين راه المشكل لو تزوجت بدهان انا تان عندي ليسانس اعلام ولتصال وقبلت نتزوج بحلاق ونزيدك معرفتوش بصح الاخلاق و التربية وكل شئ فيه جذبني ليه على عكس لي حوسو علي بمستواهم بصح عقلية عيانة وذرك راني عايشة ملكة والحمد لله موفرلي كل شئ ميبخل عليا والو ربي يخليهولي

__________________________________________________ __________

>>>> الرد الثالث :

السلام عليكم اختي
زوجوها بيه علاه واشبيه الدهاّن كوني هانية تعيش معاه خير من تكن مرت وزير عندبالك اللي لاباس عليهم هذو راحا تكن مليحة معاه ممكن عندو الدراهم ويظل فالملاهي ونتاع نسا واش ينفعوها دراهمو انا من رأي تدي الدهاّن لانها تحبو وربي يفقوهم اما
اما حياة الدهاّن والله يدخلو المال مليح ما يطيروش الناس كلها تدهن بيوتها وعندو صنعة في يدو ربي كتبلو يكون دهاّن ويزيد اختي هي حاباتو وقابلاتو انا من رأي عاونيها ما تعذبوهاش واهدري مع ختك يقبلو الطفلة حاباتو إنتوما ما شفتوش الألوان اللي هي شافتهم فيه هههههه امزح
ربي يوفقها غاضتني مسكينة عاونيها وما توقفوش في طريقها











__________________________________________________ __________

>>>> الرد الرابع :

ماشي المشكل فالدهان المهم خدام خدمة شريفة وهي ماهيش مراهقة لي يلعب بعقلها راجل .. بصح وين راهو هذا ؟؟ تقدملها ؟؟ ولا راهي رابطة روحها بيه غير بالهدرة ؟

( لكن كون جيت فبلاصتها - يعني راي الشخصي واحد ما يعلقلي - نضرب جد الحب عرض الحائط و نتزوج بواحد لاباس عليه لانو بكل صراحة قليل الي يستاهل مثل هاذ التضحيات )


__________________________________________________ __________

>>>> الرد الخامس :

يا اختى الدهان مهوش عيب بالعكس اذا كان ناجح في مهنته وعندو تقنيات مليحة ومعروف راح يكون من الاغنياء لانها مهنة مطلوبة وكي يكون خدام مليح الناس كامل توثق فيه
لكن بغض النظر عن هذا الامر انا ضد انها تعرف شخص في الخفاء والسؤال المطروح ما هى اخلاق هذا الدهان قبل ما تفكري اذا كان واجد وخدام فكرى اذا كان راجل وخلوق
يا حبيبتى لا يهم شحال يخطبوها الناس المهم تغير طريقة تفكيرها وتحوس على واحد راجل صح تتكل عليها وخلينا من الحب والبطيخ يهديها ربي