عنوان الموضوع : مشكلة مع اخوتي تم الحل
مقدم من طرف منتديات العندليب

السلام عليكم
انا فتاة عمري 17 سنة ادرس سنة ثانية ثانوي مشكلتي مع اخوتي
عندي 4 اخوة ذكور "25 سنة ,23 سنة ,20 سنة و الاصغر 18 سنة " و انا
خاوتي كاع يكرهوني و انا في الدار خدامة عليهم ديما يحقروني مايخلونيش نتفرج فالتيفي ولا مانلمسش الميكرو كي يكونو فالدار زيد على هكدا كل واحد يرجع للدار في وقت و يحب ياكل وحدو و يرقد في شمبرا وحدو و يحبو ديما حوايجهم واجدين ولوكان تنقص حاجة يقتلوني. امي مريضة و ماتقدرش عليهم وكي تدافع عليا يقولولها ماعندك مادخلك و خويا معايا فالثانوية مايخلينيش نحكي لامع طفلة ولا طفل مالقري هو ديما فلاكور مع صاحبتو الصباح لازم يوصلني و كي نخرج نعدي عليه واحد مايحكي معايا ولا يوقف معايا راني منبوذة اكل على جال انا اختو فالصيف ينزلوني نرقد وحدي فالصالو و هما يحكو شمبرا كل واحد وحدو فالشتا يبرد الجو يطلعوني لفوق و يرقدوو فالصالو على جال السخانة و كي نقولهم علاه يقولولي ارقدي فالكوزينة ولا ماعجبكش الحال الباب يخرج مايخلونيش نصاحب حتى وحدة كي نحب نخرج لازم نشاورهم في 4 و امي الخامسة و لازم يوصلني واحد فيهم و يقعدو يتقابضو "وصلها انت ...لالا وصلها انت...مانيش قاعد وصولوها انتوما " كي مانلقى حد يوصلني يقولولي مالا اقعدي ماتروحيش و ديما مايخلونيش نلبس واش نحب بابا يخدم فالكويت و مايروحش بزاف و
ديما يقابضهم بصح ماشي حل
مرة عطيت لواحد يقرى معايا كتاب تاعو فلاكور شاقني رجعت للدار ضربني للموت و كي جا خويا الاخر قالو علاه قالو تحكي مع الذكورة قالو راهي ليك اقتلها
موالفة فالمتوسط نجيب 18 كي طلعت للثانوية صعيبة شوي جبت 17 اللي يدخل يضربني يقولي تتبعي فالبنات الخاسرات ذرك نبطلوك
و يزيدو يقولولي صدق رسول الله في قوله "كل شقراء خبيثة " و يقولو لأمي عندك 4 ذكروة علاه زدتيلنا الهم هاذي ..و يقولولي علابالك بللي البلوندا راهم حركى
كرهت منهم والله ماني قادرة نتحملهم اكثر خصوصا زوج الصغار مانقدرش نخدم عليهم في 4 ماتتصوروش كل واحد يخلي الشمبرا تاعو الصباح كارثة مانجي ننظفها حتى نطيح و ديما روطار على القراية على جالهم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مع أن الإسلام كفل للمرأة حقوقها إلا أن الكثيرين لا يزالون يضطهدونها أزواجا و آباء و إخوانا
و مازاد الطين بلة غياب الأب ففي غيابه يجد الذكور مجالا واسعا ليستقووا على النساء ، سبحان الله و عندما يتزوجون يخدمون نساءهم !!!
ثم لم الكذب على رسول الله عليه الصلاة و السلام فهو لم يقل هذا الحديث أبدا "كل شقراء خبيثة "
الله يفرج عليك يا أختي لا نملك لك سوى الدعاء


__________________________________________________ __________

>>>> الرد الثاني :

انا ايضا البنت الوحيدة لكن ابي لا يترك لاخوتي مجالا ليظلموني بل بالعكس
الله يكون في عونك اختي

__________________________________________________ __________

>>>> الرد الثالث :

والله أمر محزن جدا ومؤسف غاية الأسف

ما عليك إلا بالدعاء

ما لقيت ما نقول عندك الحق بالصح ما لازمش تكرهي خاوتك هوما من لحمك ودمك صح ظالمينك بالصح ادعي ربي يهديهم

ادعي ربي واصبري وربي يوفقك أختي

__________________________________________________ __________

>>>> الرد الرابع :

لا حول والاقوة الا بالله
والله يا اختي عجز لساني عن النطق
نحن بشر نعجز اكيد
لكن سبحانه عز وجل رحمته واسعة لا تياسي ولا تقنطي
انصحك بالاكثار من الدعاء وقراءة القران وقابلي اساءة اخوتك بالحسنة وان لم تكوني محجبة انصحك عزيزتي بارتدائه
ادعو الله ان يفرج كربك ويزيل عنك همك

__________________________________________________ __________

>>>> الرد الخامس :

rabi inchallah yekoune me3ak
rabi yekaderek
inchallah rabi yehdihom