لاارى لااسمع لااتكلم حتى اكون صالحه مشكلة

[سحر البوغديري]

عنوان الموضوع : لاارى لااسمع لااتكلم حتى اكون صالحه مشكلة
مقدم من طرف منتديات العندليب

السلام عليكم ورحمة الله وبركاته
مشعارفه ابدا ازاى ولا منين
المهم انى موظفه بشتغل فى مكان كويس بس الناس الى فيه مش كويسين
دايما خناق وكلام فاضى عشان المراكز وبيحاربوا بعض بشكل رهيب
المهم انى فى حالى مليش علاقه بيهم
واشتغلت والحمدلله وبديت الم بقسمين من الاعمال
ولما اتعلمت الشغل وخلاص بديت افهمه فى واحد فيهم من الموظفين الكبار كان عايزينى اشتغله كاتبه وبس يعنى اكتبله شغله فقط لاغير بدون ابداء راى ولاشئ
وكتبت وقلت ادينا بتعلم من الشغل وانا بكتبه المهم لما حس انى بديت اتعلم الشغل بدا يبعدنى لانه مش بيحب الى بيشتغل معاه يكون بيفهم
يعنى عايز حد لايرى لايسمع لايتكلم عايز حد غبى مش بيفهم
عشان لايعرف دا ايه ولاليه خصوصا ان الشغل فى حجات كثير بتدخل فلوس
والمديره بتاعنا باه روحت اقلها انا ليه مرحتش معاه وانا اسمى هناك راحت قالتلى انا تانى يوم هرد عليكى وهراضيكى جات تراضينى راحت بعدانى خالص من لشغل الى فيه فلوس لشغل نظرى كل شهر على ماييجى فيه شئ
وباقى الشهر نايمين وهيا عرافه انى بحب الشغل جداجدا ومش بحب القعده كدا حتى ايام الاضراب كنت بشتغل لانى الحمدلله بعامل ربنا وبحاول احلل القرش الى بقبضه
المهم انى سمعت الناهرده انها هتجيب واحد تانى من بره الاداره تشغله مكان شغلى الاصلى الى انا كنت شغلاه ودا معناها انى هفضل فى المكان الى انا فيه على طول
يعنى هيا والاستاذ الى مش عايز حد بيفهم معاه بيدمرونى وظيفيا
دا كله عشان انا بحب شغلى وبحاول اتعلم فيه كثير وبفهمه بسرعه ودا كله عشان قلتلها اسمى فى اللجنه ومرحتش
بالله لعيكم دا يرضى ربنا انا فكرت اقلها
بس قلت انى هعمل انتداب لمدة سنه وابعد عنهم واسيبلهم الجمل بما حمل بس مش مسامحه فى حقى خصوصا انى لسه تعيين جديد
يعنى تعيين اوائل خريجين وبعد 9 شهور تعمل فيا كدا انا معملتش اى حاجه غلط بالعكس وربنا شاهد
قوليلى اعمل ايه اعمل انتداب واقلها انى هبعد عنهم عشان يرتاحوا لانى عمرى ماهعمل نفسى غبيه عشان ارضيهم
ولا اعمل ايه
انا زعلانه اوى لانها غدرت بيا بعد ماشتغلت معاها كل المده دى
حسبنا الله ونعم الوكيل فيهم الى يوم الدين
حسبنا الله ونعم الوكيل



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كان الله في عونك ..
إذا كان ضمير الانسان حي يعيش غريبا ويبقى وحيدا .. لأن أهل الفساد ينتصرون لبعضهم ..
أعجبني صمودك وموقفك ، استعيني بالله واثبتي فلن يخذلك .
صلي استخارة واستعيني بخبرة ناصح أمين ينصحك ماذا تفعلي ، فإن كان الحل في الانتداب فتوكلي على الله
حفظك الله ورد كيد كل من أراد بك شرا في نحره

__________________________________________________ __________

>>>> الرد الثاني :

السلام عليك اختي واقول لك كان الله في عونك

ذركتيني أختي بحديث رسول الله صلى الله عليه وسلم

قال رسول الله صلى الله عليه وسلم(من كتم علم الجمه الله لجام من نار يوم القيامه)


أما عملك أختي انت تعملي مع أناس انانيين عليك بالصبر إذا كنت تستطيع أن تغيري عملك إلى مكان آخر

فهذا اريح لك وإذا كان لا فأنصحك بالصبر لأن لست أنت الوحيدة التي تعاني في عملها فهناك من تعد حدود هذا

الحمد لله انت ابتلتي فقط في الأنانية من معك في العمل

فرج الله عليك أختي كربتك

__________________________________________________ __________

>>>> الرد الثالث :

المشاركة الأصلية كتبت بواسطة رجاء الخير كان الله في عونك .. إذا كان ضمير الانسان حي يعيش غريبا ويبقى وحيدا .. لأن أهل الفساد ينتصرون لبعضهم .. أعجبني صمودك وموقفك ، استعيني بالله واثبتي فلن يخذلك . صلي استخارة واستعيني بخبرة ناصح أمين ينصحك ماذا تفعلي ، فإن كان الحل في الانتداب فتوكلي على الله حفظك الله ورد كيد كل من أراد بك شرا في نحره

تسلمى يارب اختى
كان فى واحد معانا فى الشغل اتحول للنيابه الاداريه
والسبب انه وقف قدامهم وهما مش بيحبوا حد يقف قدامهم
لدرجة ان فى زميله قالتلى وقوفك ادامهم اما هيحولك نيابه اداريه بتهمه ملفقه
او هتتجننى فشوفى باه انتى عايزه ايه
وانا عارفه نفسى مش بسكت
مش بشوف غلط واسكت عليه
فالاحسن ابعد سنه


__________________________________________________ __________

>>>> الرد الرابع :

المشاركة الأصلية كتبت بواسطة z.abdo السلام عليك اختي واقول لك كان الله في عونك ذركتيني أختي بحديث رسول الله صلى الله عليه وسلم قال رسول الله صلى الله عليه وسلم(من كتم علم الجمه الله لجام من نار يوم القيامه) أما عملك أختي انت تعملي مع أناس انانيين عليك بالصبر إذا كنت تستطيع أن تغيري عملك إلى مكان آخر فهذا اريح لك وإذا كان لا فأنصحك بالصبر لأن لست أنت الوحيدة التي تعاني في عملها فهناك من تعد حدود هذا الحمد لله انت ابتلتي فقط في الأنانية من معك في العمل فرج الله عليك أختي كربتك

وعليكم السلام ورحمة الله وبركاته
المشكله اخى الكريم ان شغلى بيمثل اعلى سلطه اداريه
ودى المشكله اننا التوب يعنى احنا جهه رقابيه واشرافيه على الجهات
ودا معناه اننا لازم نبقى قدوه مش بالشكل ده
انا تعبت منهم بجد واتخنقت منهم



__________________________________________________ __________

>>>> الرد الخامس :

المشاركة الأصلية كتبت بواسطة مصريه جدا تسلمى يارب اختى كان فى واحد معانا فى الشغل اتحول للنيابه الاداريه والسبب انه وقف قدامهم وهما مش بيحبوا حد يقف قدامهم لدرجة ان فى زميله قالتلى وقوفك ادامهم اما هيحولك نيابه اداريه بتهمه ملفقه او هتتجننى فشوفى باه انتى عايزه ايه وانا عارفه نفسى مش بسكت مش بشوف غلط واسكت عليه فالاحسن ابعد سنه

إذن الأفضل الابتعاد , واستعيني بالدعاء وستتغير الأحوال .
سابقا مررت بمحنة شبيهة نوعا ما لمشكلتك تضرعت لله كثيرا أن يزيل همي ويأخذ بيدي ، فأبدلني عملا خيرا من عملي الأول ورزقا أكثر الحمد لله على نعمه الظاهرة والباطنة