عنوان الموضوع : يا ليتني كنت رجلا.....ناقشو معنا تم حل المشكلة
مقدم من طرف منتديات العندليب

السلام عليكم

كيراكم يا سيدات ؟؟



خطرت في بالي هذه الفكرة عدة مرات و اخيرا طرحتها عليكن يا سيدات
بما اننا نعيش في مجتمع عربي مسلم و جزاااااائري الا ما تكوني وقعتي في مواقف عانيتي المنع و الحرمان بعكس اندادك و اقرانك من البنين

و الا ما تكوني سمعتي هاد العبارة
(انتي لا و هو ايه)
و لما تقولي علاش...لانه ولد و انتي بنت...

يعني شيء خارج عن مجال النقاش و ما يتطلبش منهم الهدرة بزاف

noway باش تزيدي تهدري

احنا البنات تربينا على هاد العقلية للولاد مسموح للبنات لالا
ما تركبيش في البسكلات ما تلعبيش برا و غيرها من الممنوعات هههه

و لما كبرنا و اصبحنا شابات زاد الامر تعقد اكثر و اصبح مسموح الغلط عند الاولاد و انتي بنت لالا

مسموح الابن يهدر مع البنات في التلفون..اشكال الوان بعلم الجميع من الاهل
و يقول لاخته..
انتي لوكان نلقى عندك بورطابل نقتلك هههه


مسموح يخرج و يجي نص ليل

انتي تفوتي المغرب نقتلك


مسموح يلبس كما يبغي يمشط كما يبغي يصاحب الي يبغي انتي اديريها نقتلك....


يسمح في قرايته و يهملها و يرجعوه و يرجعوه حتى يملو منه الاساتذة و العاملين

البنت تغلط تريح ف الدار و لو كانت ممتازة.......


لما تقولي حاجة يقولو باغية تعانديه
هو راجل............


etttt oui


ثم لما تولي زوجة ..واش ما يدير زوجك يقولولك اااه راجلك..احكمي دارك و ولادك خليه يدير كما يبغي

ما يخليكش تخدمي....اهههه راجلك اسمعي
كلامه
ما يخليكش تخرجي اهههه راجلك

يخونك و لا يحقرك و لا يضربك
اههه راجلك

هادا ردهم في كل الاحوال

هاد الوضع كاين في كااامل البيوت ..الا ما كانش بزااف كاين شوية..


انا تمنيتها بزاف تمنيت لو كنت ذكر في مجتمعنا احسن
ماشي باش يسمحولي نغلط
لكن باش نحقق ذاتي و ناخذ قراراتي

و في اكثر من موقف

الان لما حبيت زوجي المستقبلي راني نقول الله يخليه هكا باش نبقى دايما ممنونة اني انثى



كل وحدة تقولي رايها في هاد وجهة النظر و تحكيلنا الظرف الي خلاها تتمنى لو كانت راجل و لو كانت ولد

و متى؟
و السادة الكرام يعطونا رايهم

و يجاوبو بصراحة

هل تمنيت ان تكون انثى يوما؟؟؟؟

لكم مني احلى تحية انا anna
ردودكم تهمني و ااراؤكم تشجعني


دمتم ساالمين



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اين نقاشاتكم؟؟؟

__________________________________________________ __________

>>>> الرد الثاني :

للاسف هده عقلية الكبير من الحزائريين او العرب بصفة عامة يعطون اهمية كبيرة للرجل او الولد حتى ولو خرج لص او خرجي سجون ببقى راجل ام البنت لو تغلظ غلظة صغيرة الدار على طول وبعد شهر يزوجها على اساس المرأة تجلب العار طبعا انا لا اتحدث عن الجميع لان في البعض متفتح
والله بعض الاحيان نشفق على هدو الاهل لحرسهم الزائد على بناتهم لدرجة يشوفو شويه ضوء يديرو رايهم والسبب انهم ماشفوش الحرية تلقي واحدة داير بورتابل بلا دارهم ولي تروح الحمام وتلقي صديقها وغيرهم كتير الى ضيعهم تزيار الوالدين
عندك الحق الي قالت الوحدة ياريت كنت راجل لتخرج من الحبس ولكن كاين بنات اعطاوهم والديهم الحرية وما عرفوش يتصرف وانحرفوا فلا الحرية الزائدة مليحة بالنسبة للولد ولا للبنت ولا تزيار زائد مليح لازم الوالدين يربحوا ثقة ابناءهم يراقبهم بلا ما يحسوهم بلي مارهمش دايرين الثقة فيهم
اتمنى انك فهمتي قصدي

__________________________________________________ __________

>>>> الرد الثالث :

صدقا لم أتمن ولم أفكر سابقا في الأمر
أظن حتى الرجال غير مرتاحين


__________________________________________________ __________

>>>> الرد الرابع :



السلام عليكم

أرى ان في هذا الموضوع مغالطة لم تنتبه لها صاحبته

مادام الشباب مسموح لهم بالتكلم بالهاتف مع البنات ويصادقون البنات

على حريتهم كما تقولين

فمقابل كل شاب فتاة او أكثر حسب كلامك إذن فليس الأمر ممنوعا عنهن

كما تقولين لأنه لولا وجود من ترضى الهاتف والصداقة مع الشباب لما فعلوا ذلك ؟؟

صحيح كلامي أم أنا غلطان ؟؟؟؟؟؟؟؟



__________________________________________________ __________

>>>> الرد الخامس :

أنا لا أتمنى أن أكون رجلا...............
لكني لما أحتاج من يقدم لي خدمه لاأستطيع تحقيقها بمفردي بحكم أني أسكن في منطقة محافظة.. وأكون بحاجة إلى مساعدة إخوتي الذكور وهم يكونون مشغولين سا عتها ماذا أفعل؟؟؟؟؟؟؟
أمزح مع أمي كي أغيظها قليلا:
لماذا لم تتركي أبي يتزوج بثانية على الأقل كان لي إخوة كثر يخدمونني................ههههههههههههههههههههه.
وتصوري ردة فعلها .............ههههههههههههههههههههههههههههههههه