عنوان الموضوع : مشكلتي في عملي تم الاجابة
مقدم من طرف منتديات العندليب

السلام عليكم اخواني واخواتي
انا قعدت مدة طويلة من دون عمل حتى تعبت نفسانيا وبعد وقت وجدت عمل وكنت بزاف فرحانة بصح يافرحة ماتمت انانخدم في مصنع مع البنات والله الزمان تغير والناس تبدلت وانا والله لوكان ماجيتش محتاجة دراهم والله مانخدم في وسطهم المهم البنات هذوك الطفلة لي تكون متربية وتحشم وتخدم من قلبها يضحكو عليها وايلا ماكانش عندها صاحبها وتحكيلهم عليه مارايحينش يحكو معاها و حنا نخدمو كامل في طابلة وحدة تسما لازم نحكو مع بعضانا والنميمة والغتبة والكلام الزائد الحرب الباردة معاهم لازم نكون كيفهم باش نتفاهم معاهم ولا كيفاش وبلا مانحكيلكم على المسؤولة ياودي وشمن سبان ومعايرات وخلي وخلي والله غير نخدم من كل قلبي واحسن منهم والله لا ضلم كبير انا راني اختصرت لكم بزاف حوايج نحاول نخدم خدمتي وربي يفوتلي الستة اشهر تع العقد والله غير ربي يهديهم يا رب فرج علينا يارب حكيتلكم باش تصبروني وربي يرزقكم ماتتمناو ان شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يهديهم

وكلي امرك لله

__________________________________________________ __________

>>>> الرد الثاني :

تزوجي وأريحي نفسك

لمادا تتعبين نفسك الحل موجود بيدك

توكلي على الله وتزوجي

__________________________________________________ __________

>>>> الرد الثالث :

ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك


__________________________________________________ __________

>>>> الرد الرابع :

أختي الفاضلة حسب توقيعك أنت إختصاص إعلام الي، إن كنتي مهندسة أو تقنية وتتقنين الكمبيوتر، تصميم المواقع أو تصميم الشعارات والخدمات المعلوماتية لماذا لا تعملي عبر الأنترنت وتجنين أضعاف ما تجنيه من عملك في مصنع السوء هذا !!! بالتوفيق يا بنت الأكابر


__________________________________________________ __________

>>>> الرد الخامس :

المشاركة الأصلية كتبت بواسطة الحلم الجميل
ربي معاك
كملي خدمتك و ما دخليش روحك فيهم ما تهدري ما والوا
اعلم انك او لم تكوني محتاجة لما عملت في مكان مثل هذا ربي يصبرك
و يرزقك

شكرا لك اختي وربي يحفضك ويهنيك ان شاء الله