عنوان الموضوع : زوجي يخونني 2 مشكلتي
مقدم من طرف منتديات العندليب

انا صاحبة موضوع https://www.djelfa.info/vb/showthread.php?t=1370196
البارح قبل اذان المغرب ب 20 دقيقة خرج زوجي و نسى الفيس بوك محلول رحت نطفي الميكرو و لقيت ميساجات دمرتني و دمرت نفسيتي مثلا تقولو نحبك ليا وحدي و ما نحبش تهدر على مرتك و موجدين و مخططين واش يديرو مور رمضان من معاصي و العياذ بالله تمالكت نفسي و شديت اعصابي و تسدت نفسي عن الاكل و انا صائمة ما قدرتش نزيد نصبر معولا يفوت رمضان و نقولو على واش شفت راني غير نبكي و نفسيتي تعبانة واش ندير حتى اهلي عمري ما حكيتلهم العكس نهدر عليه غير الخيرو بالمقابل شوفو كاش ردهولي بالنسبة للي قالو اهتمي بيه انا مهتمة بيه بزاف لانو يتيم و عاطيتلو الحنان و كلما يتمناه اي زوج بصح هو ما حمدش ربي اسمحولي الا طولت انصحوني نتكلم ولا نشوف الظلم و المنكر بعيني و نسكت.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قلنالك من قبل


الطلاق

__________________________________________________ __________

>>>> الرد الثاني :

اختي لا انصحك بالتسرع والله زيدي اصبري ومتوجهيهش

لا تتركي المجال لهذي الفتاة بش تديلك زوجك وتحقق هدفها

المرأة الحكيمة هي من تكون سيدة الموقف.

عامليه بحب أكثر احتويه أكثرعامليه معاملة طيبةاغمريه بحبك وحناك ويحس بحقارة فعله.حسيسة بتانيب الضمر دون ان تنطقي بحرف

هو سيستحي من طيبتك له

كوني حكيمة.كوني عاقلة.كوني ذكية...وخلي تفكيرك إيجابي..

حاولي أن تقوي ايمان زوجك.بطريقة أو بأخرى.

مثلا تذكريه بوقت الصلاة,,تحثينه على أداء الصلاة في وقتها...تحبيبينه في النوافل.

شجعيه على أن يقرأ ولو جزءا من القران يوميا ويتلوه علك.

واذا متبدلش فعليك بالمووواجججهة

واكثر من الدعاء والاستغفااااااااااااااااااااااار

هذا ابتلاء من ربناا

حاوي تتصدقي بصدقة بش يرفع عليك ربي هذا البلاء

__________________________________________________ __________

>>>> الرد الثالث :

المشاركة الأصلية كتبت بواسطة مراد12345
قلنالك من قبل


الطلاق

بالله هذا حل

حاولي تشغلي زوجك على النت ما تخليلوش فرصة او وقت يقعد على الميكرو

عندي حل بسيط و هو اختبار مدى تمسك زوجك بك

يعني حاولي تخلقي مشكل اللي تعاقبيه انك متكلميهش و شوفي الا جاتو في العسل

او بدا يتقلق

و صدقيني هذي مجرد علاقات عابرة تشبه الزلزال تهدد الحياة الزوجية لكن لما

تجي للصح و تخيريه اكيد راح يختارك انت ببساطة لانو تزوجك انت


انت قلتي الحنان مش هذا دائما اللي يحوس عليه الرجل شوفي وش راه يحوس انت ادرى

بنفسك و حاولي تستدركي الامر

__________________________________________________ __________

>>>> الرد الرابع :

ma3labelich ida kriti wach kotlek mais tatbik yahtaj wakt kayan naw3 ta3 chakhsia ida htamiti bih bezef c bon maykaymekch w kayn l3aks kayn naw3 ida htamiti nti bnafsek 3la jal rohek mechi 3la jalou w thabi nafsek w tfakri rir f hwayaj mlah hada rah yafraz haja asmha phormone ida kan tafkirek ijabi rah tajdhbih liki ama ida kan silbi tba3dih 3lik bla mathasi w hada phormone yatafraz fi manatik taht ibitayn w lmantika hadi mojarad ma3lloma man dawratha akray kisat oum basma w bouroud w matar w chama w haza3 hadou kaml ta3 doctora lhachimi belek tfidek lazmek sabr matkhalich rajlek lheta wahda kayn omor basita nti matatwalhilhech f ta3amlek m3ah w maranich nkol nti ralta mais 3andek asliha example harakat asabi3 nabrat sot tarikat nadhar m3ah jarbi matakhsri walou w khali talak akhir hal wida haba tabaki wach kotlek malazamch twajhih dork hata yarja3 yhabek tema ki twajhih rayah mayatkhalach 3lik fi wahda man kisasha tahki 3la wahda thatmat 3liha walat dir kwaleb beh ba3det rajelha 3la 3achiktou matalan f akher marhala man khota katbet rissala w hatatha fok tomobile ki ja rajalha kraha hsab l3achika ba3tatha lmartou beh tfarak binhom w hia martou li ktabtha alors wach sra wal a ykraha hada rir mital akray dawrat zaw lkha2in tani w hazi rir wach yokhrej 3lik nzid nkolek mechi ay haja talkayha tjarbiha wali jarbtiha w daretlek pblm fouti lhaja tania

__________________________________________________ __________

>>>> الرد الخامس :

أختي الكريمة ربي يكون معاك و يفرج عليك و يهدي زوجك للطريق المستقيم ، أنا تبانلي الحل هو أنك تواجهيه وفرغي كامل لي في قلبك ، لأن لوكان تبقي غير تشوفي و ساكتة و تردي لقلبك و الله غير تجيبيها في صحتك بعيد الشر ، المهم هذا النوع من الرجال لازملو المواجهة ، و خلي الأمر يوصل لعائلتك باه يتكلمو معاه و يزيروه يولي لعقله ، خليه يعرف مراكيش وحدك و عندك سند في كتافك .