عنوان الموضوع : ساعدوني بنصيحة
مقدم من طرف منتديات العندليب

السلام عليكم
أنا فتاة تقدم لي قبل شهر رمضان شخص من العايلة ما نعرفوش وخويا يعرفو قال عليه أنو شخص رائع
المهم قبلت به ولكني ما نحسش بالراحة النفسية وباغية نبعثلهم ونقولهم راني بطلت
صليت استخارة قبل صلاة الفجر وشفت روحي في المنام نشري حوايج العرس يعني واش تحتاج العروسة في زواجها
ولكن بقيت موسوسة وبغيت نبعثهم وخلاص ونقولهم بطلت رغم أنو يقولهم تشرط واش بغات وكل شروطها مجابة من عمل أو إكمال الدراسة في الماستر أو الماجستير
علما أني ما نعرفوش وما نقدرش نشوفو لأنو في عايلتنا عيب
والرؤية الشرعية أيضا لا تطبق في عايلتنا لأنو عيب الراجل يدخل لبيت البنت اللي بغى يتزوجها
ساعدوني بنصيحة
راني محتارة نكمل ولا نبطل علما أنهم ما جاوش وراح يجيو في العيد إن شاء الله لو كملت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

زيدي صلي استخارة و الحاجة لي ريحتيلها و مقتنعة بيها ديريها و ربي يجيبلك لي فيه الخير.

__________________________________________________ __________

>>>> الرد الثاني :

السلام عليكم جمعة مباركة على الجميع
أنا يظهرلي زيدي خممي مانكذبش عليك مين قلتي صليتي استخارة وحلمتي بالتجهيز للزواج هذا يدعو للاطمئنان
انت زيدي صلي وادعي وما يكون غير لي مكتوب ليك اختي
بالتوفيق ان شاء الله

__________________________________________________ __________

>>>> الرد الثالث :

المشاركة الأصلية كتبت بواسطة مشكلتي
لأنو عيب الراجل يدخل لبيت البنت اللي بغى يتزوجها

كيفاش هاذي عيب يدخل الراجل اللي بغى يتزوج؟؟
رايحين تتزوجو عمياني؟؟
انتي من حقك وهو من حقو النظرة الشرعية
وتهدري معاه
واذا ماعجبكش ولا معجبتيهش
خلاص .. مكاتبش ربي و حد ماهو محتوم على حد
مكانش حشمة في هاذي الامور
هاذي مش يوم ولا سمانة
هاذا عمر كلو رايحين تعيشوه مع بعض
حتى صلاة الاستخارة صليها بعد ماتشوفيه
خلونا من المثاليات..هي سبب المشاكل الزوجية والطلاقات اللي
نسمعو بيها كل يوم



__________________________________________________ __________

>>>> الرد الرابع :

زيدي صلي استخارة و الحاجة لي ريحتيلها و مقتنعة بيها ديريها و ربي يجيبلك لي فيه الخير.

__________________________________________________ __________

>>>> الرد الخامس :

با اختي من حقك تشوفيه ويشوفك كيفاش هذي عيب النظرة الشرعية من حقك يالحبيبة

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :

إِ(ذَا خَطَبَ أَحَدُكُمْ الْمَرْأَةَ فَإِنْ اسْتَطَاعَ أَنْ يَنْظُرَ إِلَى مَا يَدْعُوهُ إِلَى نِكَاحِهَا فَلْيَفْعَلْ )

يا اختي روحي اهدري مع يماك وقوليلها وذا قدرتي توجهي خوك قوليلو

على حسب عقلية داركم عن هذا ولا وحد اخر راح يكون نفس الفعل

اذا جاك وحد اخر تاني مراحش يخلوك يشوفيه خليك صريحة معاهم ضوك

وتاني زيدي استخير وادعي اذا فيه الخير ربي يقدمو واذا مفيش ربي يبعدو

موفقة اخيتي