عنوان الموضوع : الجامعة ام الزواج مشكلة
مقدم من طرف منتديات العندليب

السلام عليكم
اليوم احببت طرح مشكلتي عليكم
انا فتاة ابلغ من العمر 15سنة الحمدالله نجحت في شهادة التعليم المتوسط ملتزمة ومتحجبة ولست مقيمة اي علاقة عن قبل والحمدالله
مشكلتي هي في الاونة الاخيرة شخص قريبي لكنه بغيد نوعا ما المهم هو يعرفني وانا اعرفه وهو يحبني ونواني بالحلال واخبر والدته وتكلمت مع امي وكل عائلتي تعلم بحبه لي لكن هو لا يعلم بي انا وانا ايضا احبه لكن بصمت لا احد يعلممم وان شاء الله واحد ماراح يعرف في العائلة وامه لما اخبرت امي انه يريدني قالت لها راني مزال صغيرة قالها نزيدها عامين ونجي نخطبها رسمي وعامين يعني في العام تاع الباك قالها تفوت الباك وكي نوجد روخي انا راني نعرس هاذي معناها بعد الباك بعام على الاكثر ذاك الوقت يكون عمري 18صغيييييرةةة بزاااااف انا حرت انا حابا نقرا في الجامعة وحابا نتخرج ومباعد نخمم في الزواج انا تحيرت ماعرفتش واش نخير قلبي ولا قرايتي بالعلم هو عمرو 20سنة ومزال يقرا في الجامعة اممم ماتقولوش لي حب مراهقة فقط انا نعرف روحي راني كي ندير حاجةة راني جامي نتخلى عليها يعني نحبه رايحا طول عمري نبقى نحبه قولو لي واش نخير ربي يجازيكم الخير ان شاء الله
وماتنساوش تدعولي ربي يجمعني معاه بحلالوو ان شاء الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اذا كان يحبك لا يمانع علي دراستك كي تدي الباك ان شاء الله تزوجو وكاين متزوجات وراهم يكملو في قرايتهم ربي يسهل ان شاء الله اختي

__________________________________________________ __________

>>>> الرد الثاني :

أنت مخطئة بقولك

حين يزيد عمرك عام أو عامين ستتبدل لديك كثير من الأمور

أنا اقول لك تزوجي واخيط من الجامعة

...............

__________________________________________________ __________

>>>> الرد الثالث :

حيبتي اولا لخيرة الا فيما اختاره الله
تانيا قلتي عمرو عشرين
وكتكوني انت باك هو 23 هذا وين متخرج
و يقدر يسناك تكملي 3 سنين تاع الجامعه وهك هو 26 سنة
سن مناس ليه وليك للزواج وان ابى
اتزوجي واقري وانت عندو في جامعه التكوين المتواصل كما فعل الكثير من الزوجات والحمد لله هن تخرجن
الان
و الله اعلم فلا احد يعرف علم الغيب ولماذا نسبق الاحداث

ربنا اغفرلنا وارحمنا انت مولانا
اللهم اغفرلنا وارحمنا واعفوا عنا
امين امين

__________________________________________________ __________

>>>> الرد الرابع :

المشاركة الأصلية كتبت بواسطة مشكلتي
السلام عليكم
اليوم احببت طرح مشكلتي عليكم
انا فتاة ابلغ من العمر 15سنة الحمدالله نجحت في شهادة التعليم المتوسط ملتزمة ومتحجبة ولست مقيمة اي علاقة عن قبل والحمدالله
مشكلتي هي في الاونة الاخيرة شخص قريبي لكنه بغيد نوعا ما المهم هو يعرفني وانا اعرفه وهو يحبني ونواني بالحلال واخبر والدته وتكلمت مع امي وكل عائلتي تعلم بحبه لي لكن هو لا يعلم بي انا وانا ايضا احبه لكن بصمت لا احد يعلممم وان شاء الله واحد ماراح يعرف في العائلة وامه لما اخبرت امي انه يريدني قالت لها راني مزال صغيرة قالها نزيدها عامين ونجي نخطبها رسمي وعامين يعني في العام تاع الباك قالها تفوت الباك وكي نوجد روخي انا راني نعرس هاذي معناها بعد الباك بعام على الاكثر ذاك الوقت يكون عمري 18صغيييييرةةة بزاااااف انا حرت انا حابا نقرا في الجامعة وحابا نتخرج ومباعد نخمم في الزواج انا تحيرت ماعرفتش واش نخير قلبي ولا قرايتي بالعلم هو عمرو 20سنة ومزال يقرا في الجامعة اممم ماتقولوش لي حب مراهقة فقط انا نعرف روحي راني كي ندير حاجة راني جامي نتخلى عليها يعني نحبه رايحا طول عمري نبقى نحبه قولو لي واش نخير ربي يجازيكم الخير ان شاء الله
وماتنساوش تدعولي ربي يجمعني معاه بحلالوو ان شاء الله

و الله أضحكتيني يا بنيتي الصغيرة
عمرك 15 سنة و تحملين هذه الأفكار
و كأنه تلميذ على أبواب إمتحان التعليم الإبتدائي، حيران و مشغول و مهموم على إمتحان البكالوريا
عند قراءة العنوان حسبت أن صاحب الموضوع يدرس في الجامعة و إذ بها حتى الثانوية ما زالت...
شوفي يا بنيتي عيشي قدر سنك فقط لأن هذه الأمور راح تجي في وقتها و تعيشيها و تشبعي منها
لأن كل شيء جميل لا يكون إلا في وقته
و كل ما تزيدي تكبري تكتشفي أمور جديدة و كل ما تزيدي تكبري تكبر معاك مشاكل ما تسمعيش يها و لا تعلمينها الآن
هذه سنة الحياة
إن شاء الله كي تكبري و تتفكري هاذ الموضوع الذي طرحتيه تضحكي على روحك
و تقولي واش كنت نخمم و واش كنت متعبة روحي

نصيحتي ليك يا إبنتي أخطيك من حكاية الحب و يحبني و نحبو...و في صمت

ترهقين نفسك فقط، و تضيعين طاقة نفسية كبيرة ممكن تأثر على دراستك و على حياتك المستقبلية
حكاية فارغة لا أساس لها من الصحة، و عندما تكبرين ستعرفين لوحدك هذا الأمر
بعد الزواج يرحمها ربي حبي و إلا أكرهي ذلك الوقت

ربي يهدي أبنائنا لما فيه الخير و الفلاح


__________________________________________________ __________

>>>> الرد الخامس :

يا اختي كملي قرايتك بعقلك والله

زواج راه مسؤولية كبيرة مهوش حاجة ساهلة

خمي في قريتك وعيشي حياتك

وهذا اذا يحبك صح يستناك ويخاف عليك

عندي وحدة صحبتي قرات معايا فالجامعة تزوجت مع واحد كاين يحبها من الي كانت تقرى فالمتوسطة

سبحان الله بقى يحبها في صمت خلاها حتى كملت قرايتها راح تقدم ليها رسمي

بصح مكانتش مع علاقة معاه قال لخوها خليها قالو خلاص ايه

هي مكانت تهدر معاه وهو مكان يهدر معاه


وضوك تزوجو الحمد الله