عنوان الموضوع : أريد الهجرة إلى ألمانيا لإكمال حياتي ولا أجد الدعم الكافي تم الاجابة
مقدم من طرف منتديات العندليب

السلام عليكم اخواني و اخواتي
بداية أعرفكم بنفسي أنا شاب عمري 23 سنة من عائلة متوسطة الحال والحمد لله، أنعم الله علي بنعمة بين أقراني وهي التميز فالحمد لله تميزت في شهادة التعليم المتوسط وتحصلت على مرتية متقدمة وطنيا وكذلك في شهادة البكالوريا نلت معدل جيد للغاية يحلم به الجميع وكنت الأول على ثانويتي ومن بين الأوائل في ولايتي ... المهم ... أنا منذ الصغر كنت احلم بالدراسة والعيش في أوروبا وكنت نصبر ونقول معليش دوك ندي الباك يعطوني منحة وخدمت على هاذ الشي والحمد نلت ما أتمناه لكن الحظ كان ضدي ففي العام الذي نجحت فيه في البكالوريا تم الغاء قانون البعثات الدراسية كرهت حياتي الأليمة و أصبحت أكره الجزائر وكل ما له علاقة بالجزائر خصوصا عندما أرى أصدقائي كانو أقل مني في المستوى وهم الآن في ألمانيا وفي أمريكا وفي فرنسا لا لشيء إلا لأنهم أغنياء أو بسطاء ولكن لديهم الدعم العائلي.... وأنا أتعذب في جامعات هذا البلد ... ليس هذا فقط اخواني فكلما أقترح لأمي فكرة الدراسة في الخارج فهي لا تشجعني ولو حتى بكلمة وكون أن والدي متوفي رحمه الله فأمي تمثل بالنسبة لي كل الدعم أحتاجه لأكمل نجاحاتي ولكن هذا لا يحدث فهي تريدني أن أبقى معها حتى تموت لاقدر الله ثم يفوتني التران كيما يقولوا ونقعد نتعفن في دزاير، أظف إلى ذلك أن لدي اخوة من أمي يغارون مني كوني متميزا فعندي أخي الكبير مثلا لدية أولاده لا يدرسون ولم ينجحوا في شهادة البكالوريا فأصبح يلتقيني وينظر عندي بنظرة الغيرة نحس النار تحرق قلبو حتى تخيلو أنني في الأعياد أتهرب من الجلسات العائلية لهذا السبب، كرهت كرهت كرهت حتى أنني احيانا أفكر في ركوب زوارق الموت والله ما عمبالي بواحد لكن تبقى أمي هي الوحيدة لي تخليني ما نديرهاش ، تحقرت في بلادي والله العظيم فيا عجب عندما أرى طلبة من فلسطين المحتلة يقرو معايا وعطاتهم دولتهم منح نكره ونزيد نكره هاذ البلاد ......... المهم اخواني الرجاء تقتارحولي حل انا كرهت في هاذ البلاد وحياتي مانيش باغيها تكون هنا ... وملاحظة أنا لا أريد المساس بالجزائر لكن الله غالب ما لقيت فيها والو
في انتظاركم والسلام عليكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ياخويا الله يبارك

بصح في الي في اروروبا راه عايش لالا كاين شي ناس في بلادنا الجزائرولاباس عليهم
نح هدي الفكرة تاع نقعد نتعفن في هدي البلاد لالا
قل مايصيبنا الى مكتب الله لنا
وتاني فكر في يماك مسكينة باباك متوفي
يعني امك راهي تشوف ليك ولربي سبحانو راهي بيك تتشجع وتنح على خاطرها انت راك مسؤول على داركم باباك كراح خلاك وراه
عمرك متخمم في حاجة مكاش منها وبعيدة
مزالك صغيرودنيا قدامك
كل واحد ىباه يرزقو ربي
وقول الحمد الله
كاين رجال 30 عام ومزالهم بلا خدمة وبلا مستقبل وتاني هدو خاوتك اضربهم بالبارد كما يقلو متديهاش فيهم وربي يهديهم

ღϠ₡ღ ربكَ موُجوُد،
وَرزقُكَ مكتوُب،
وعُمركَ مَحدوُد,
قُل الحٌمّد لله ღϠ₡ღ

__________________________________________________ __________

>>>> الرد الثاني :

راك غضبان كي معطاوكش منحه علاه يعطوك باه تعيش في اوربا و تخدمها على هذي حبسوها

المنحه يعطوها تروح تقرا و ترجع لبلادك تخدمها

و زيد حاب تخلي الوالدة نتاعك وحدها

__________________________________________________ __________

>>>> الرد الثالث :

يا اخي كل طالب يحلم بالدراسة في الخارج فكلنا نعلم ان المستوى هناك احسن بكثير لكن بصفتك جزائري واش حبيت نقولك مسيفة لكن لا تفقد الامل ابدا في تحقيق مبتغاك لربما توجد منح للمتفوقين في الجامعات(على حسب ظني) اما فيما يخص العيش فلن تجد احسن من وطنك و ابنائه فقد وجب عليك خدمته و ان شاء الله باطارات مثلك سيتحسن حالهارجو ان تواصل في تفوقك و تذكرقوله تعالى :
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}. ارض بما كتبه الله لك و لا تنس والدتك حفظها الله

__________________________________________________ __________

>>>> الرد الرابع :

أنا مع أمك ولا أشجع الى السفر هناك ....

__________________________________________________ __________

>>>> الرد الخامس :

ستندم يوما على بقائك في هذا البلد
حتى وإ ن عملت هنا ستعيش إنسان بسيط
بينما في ظفة اخرى من العالم يحتجون العباقرة
لاتكون مثلهم يرضون بالعيش البسيط أغتنم فرصتك قبل أن يفوتك القطار
أخوك عن قريبا سيحط الترحال في بريطانيا
تحياتي