عنوان الموضوع : كل واحدة تقول الحيل الي تديرها ولادها تربية الطفل
مقدم من طرف منتديات العندليب

السلام عليكم اخواتي كل واحدة فينا نهار كامل و هي تعاف في الاولاد و ما يجي يفوت النهار حتى تكون كلحتهم فوق 10 مرات
كل واحدة تقول كيفاه تكلح ولادها و تمشي النهار باش نتعلمو من بعضانا ونعرفو نمشيو مع الاولاد تاع الوقت هاذا راهم قاريين كلش من الصغر
انا ولدي الكبير عندو 7 سنوات ملي كان صغير كي يمرض نشرب المرار معاه في الدواء و خاصة التحميلات اي السيبو ولا الشمعة كل واحد واش يقولها كي نديرهالو حرب و البكاء وليت نحل 2 شمعات كي نشوفو يبكي و يزعبط نعيطلو و نقولو اني راح نحيهالك و نقلبو و زعمة زعمة نحيهالو و نوريهالو يسكت تم تم ههههههههه علاج وهمي
وكي نحب نزيدلهم الغطاء و هو ما يحبش نقولو هذا غطاء الاحلام السعيدة و طبعا اختو كي تشوفو غطا تغطي حتى هى والغريب انو كل ما ينوض يقولي اني حلمت حلم سعيد اتخيلو :m h31::mh3 1:
و تاني و اخطر كذبة انو ابني يظن اني املك قوى خارقة قولو علاه
كي يعود يلعب نروح نطل عليهم بالشوي و نشوفهم واش يديرو و نرجع لمكاني و نقولو مثال حط الوسادة من يدك و انا اصلا شفتو كي رحت طليت عليهم و هو يقولي كيفاه شفتيني نقولو من وراء الجدار اني عندي قوى خارقة وهكذا ....
:m h31::mh3 1:
واش راح نديرو نهار نكذبو نهار نخوفوهم سيرتو الاولاد تاع الوقت الحالي صعاب خلاص
كل وحدة فيكم تقول الحيل تاعها مع الاولاد باش نهزو من بعضانا و نستفادو و هاذان ولادي الله يخليهملي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يحفضلك ولادك ويرزقك برهم
انا عندي اولاد كبارشوي على ولادك عندي 10سنوات و8 سنوات واختهم 4 سنوات واخر العنقود 5اشهر
ولكن كل الناس يقولولي ولادك ماشاء الله عليهم عاقلين .........الا انا يطلعولي القرون وحاستهم يديرولي بلعاني
صحيح في الصغر كانو ماشاء الله لكن كل وين يكبرو يكبر همهم معاهم ويكبر تعابنا ايضا خاصة لما يبدا مسلسل الشجار ....ارواحي انت وافريها
طريقتي الناجعة الوحيدة هي اني نحسب لثلاثة واذا ما حبسوش يا ويلهم مني ومع الوقت نحسب غير واحد زوج نلقاهم كيما يحب الخاطر لانهم يعرفو اني غير هذه الطريقة الي ما نتمسخرش فيها وشحال يخوفهم رقم ثلاثة لانه على بالهم بانهم راح يتعاقبو

طريقة اخرى تاع التشجيع اذا واحد عمل حاجة مليحة الكل يصرفقو عليه ويسلمو عليه وهذا يعززلو ثقتو بنفسو

ربي يقوينا ويساعدنا في تربيتهم

__________________________________________________ __________

>>>> الرد الثاني :

ساامي اختي الكريمة والله هداك الي لازم مع اولا دنا انا عندي 3 الكبيرة 8 5 4 والله تعبانة معاهم في الدار نعرف كيفاش لاهيهم وكل واحد نتعامل معاه بطريقة مي انا لخرجت ما نلقاش روحي مع الصغار 5 4 يتعاندو مي طريقتي هي الشكر كي ر نشكرها نحسها هدت البنت وهك مي مشكلتي الحقيقية ادا بدات الحرب انا نقلها بيناتهم 3 ما نصيب ماندير انا مش ضربا وضد الضرب ربي يحفضهم ويكبرهم في طاعتو

__________________________________________________ __________

>>>> الرد الثالث :

المشاركة الأصلية كتبت بواسطة ام ظافر
ربي يحفضلك ولادك ويرزقك برهم
انا عندي اولاد كبارشوي على ولادك عندي 10سنوات و8 سنوات واختهم 4 سنوات واخر العنقود 5اشهر
ولكن كل الناس يقولولي ولادك ماشاء الله عليهم عاقلين .........الا انا يطلعولي القرون وحاستهم يديرولي بلعاني
صحيح في الصغر كانو ماشاء الله لكن كل وين يكبرو يكبر همهم معاهم ويكبر تعابنا ايضا خاصة لما يبدا مسلسل الشجار ....ارواحي انت وافريها
طريقتي الناجعة الوحيدة هي اني نحسب لثلاثة واذا ما حبسوش يا ويلهم مني ومع الوقت نحسب غير واحد زوج نلقاهم كيما يحب الخاطر لانهم يعرفو اني غير هذه الطريقة الي ما نتمسخرش فيها وشحال يخوفهم رقم ثلاثة لانه على بالهم بانهم راح يتعاقبو

طريقة اخرى تاع التشجيع اذا واحد عمل حاجة مليحة الكل يصرفقو عليه ويسلمو عليه وهذا يعززلو ثقتو بنفسو

ربي يقوينا ويساعدنا في تربيتهم

الله يخليك ام طافر و يعيشلك ولادك انا طبعا على ؤلدي الكبير تنجح معاه التشجيع لاكن لازم معاه حاجة باش يكمل *** سينو يحبس * اما عن طريقة العد سوف اجرلها معه ان شاء الله تنجح يعطيك الصحة على التفاعل وربي يباركلك في ولادك :m h31::mh3 1:

__________________________________________________ __________

>>>> الرد الرابع :

المشاركة الأصلية كتبت بواسطة تيماء الله
ساامي اختي الكريمة والله هداك الي لازم مع اولا دنا انا عندي 3 الكبيرة 8 5 4 والله تعبانة معاهم في الدار نعرف كيفاش لاهيهم وكل واحد نتعامل معاه بطريقة مي انا لخرجت ما نلقاش روحي مع الصغار 5 4 يتعاندو مي طريقتي هي الشكر كي ر نشكرها نحسها هدت البنت وهك مي مشكلتي الحقيقية ادا بدات الحرب انا نقلها بيناتهم 3 ما نصيب ماندير انا مش ضربا وضد الضرب ربي يحفضهم ويكبرهم في طاعتو

ااختي تيماء الله الله يخليلك ولادك والله انا تاني كي نخرج نروح باللينار الكبير يعدم و الصغيرة تعاندوا نولي لازم نخرج في النهار اللي تكون فيه امي في الدار نخلي الصغيرة و الكبير نديه و لاكن لازم الضريبة يا لعبة يا حاجة المهم يشري بصح ما يديرلي والو ****بارك الله فيك على التفاعل

__________________________________________________ __________

>>>> الرد الخامس :

شفي هذا وين دارها بيا جابلي الياغورت وقالي امي بنين هزيت مغرفة وذفت تفكرت بلي راني صايمة هههههههههه
دايما كرشي دايرة فيا حالة