عنوان الموضوع : لحميص التونسي طريقة جزائرية
مقدم من طرف منتديات العندليب

السلام عليكم

اليوم درت لحميص التونسي كسلطة نقدمه في العشاء ان شاء الله الى جانب جاج و بطاطا مقلية

الحميص كان ديما عندي مشكل معاه قبل ما نعرف هاذي الطريقة الي رايحة نقدمهالكم اليوم

اولا تجيبي الفلفل الحلو و اذا حبيتي تزيدي فلفل الحار لليحب الذوق الحار و حابات الطماطم و كل هاذا حسب عدد افراد العائلة



تحطي عليهم الزيت الزيتون و تحطيهم في الفرن


كي يتحمرو يعني تشوفي القشرة تاع الفلفل و الطماطم انفصلت عليهم تجبديهم و تحطيهم في شكارة تاع النيلو باش ليه ليه يتقشرو

كي يبردو قشري الفلفل و قطعيه و الطماطم ارحيها في الروبو



من بعد حطي الفلف المقطع في مقلاة و تبليه بشوية زيت الزيتون و خليه يتشحط حتى يذبال زيديله الثوم خليه شوية ثم زيديله الطماطم المرحية شوية ملح و شوية فلفل اسود و خليه يطبوا مع بعضاهم





و شهية طيبة


لكم مني احلى تحية أم سراج الدين



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممممم ام سراج الدين نموت على الحميص ونحبو حااااااااار يعطيك الصحة يالفحلة
جزاك الله عنا كل خير
طريقتي نرحي الطماطم والفلفل ونخلطهم ثم على النار حتى تنشف واخيرا زيت زيتون وخل وسنات ثوم ونطفي ونزين بالبيض والزيتون الاسود
ونسيت الفلفل لكحل والكسبر والملح
الف شكر حبيبتي جاك روووووووووووووعة

__________________________________________________ __________

>>>> الرد الثاني :

المشاركة الأصلية كتبت بواسطة مقدسية
امممممممممممممم ام سراج الدين نموت على الحميص ونحبو حااااااااار يعطيك الصحة يالفحلة
جزاك الله عنا كل خير
طريقتي نرحي الطماطم والفلفل ونخلطهم ثم على النار حتى تنشف واخيرا زيت زيتون وخل وسنات ثوم ونطفي ونزين بالبيض والزيتون الاسود
ونسيت الفلفل لكحل والكسبر والملح
الف شكر حبيبتي جاك روووووووووووووعة

ربي يعجك عزيزتي

بناتنا و للصراحة هاذ اسرع حميص درته في حياتي هههههههههههه

و التزيين الحق ما عنديش الزيتون ديرلو كي يكون صح

بصح علاه الخل؟ يعطي بنة ؟


__________________________________________________ __________

>>>> الرد الثالث :

اوووووووووووووووووه نموت عليها ياسر ياسر سلمت يداك حنونة

__________________________________________________ __________

>>>> الرد الرابع :

شهية شكلها جاك روعة بصحتك .... باينة حااااااارة

__________________________________________________ __________

>>>> الرد الخامس :

بارك الله فيك