عنوان الموضوع : كيفية ملوخية علي طريقة نينا طبخ جزائري
مقدم من طرف منتديات العندليب


في مطبخي

اليوم نقدملكم طبق معروف في الشرق الجزائري لكن علي طريقتي الجديدة شوفو معايا كيفاش طيبتو

استعملت ملوخية باكيات ماركة الذواقة التونسية المعروفة تحياتي للتوانسة

اليكم الصورة



مقدار زيت
لحم غنمي او بقري
فصصات ثوم محكوكة
بصلة محكوكة بسكرفاج
حبة طمام مقطعة قطع
ملوخية طبعا باكي
ملح
فواح توابل (راس الحانوت)
قرن فلفل حار
ورقة رند

في قدرة حطي زيت عينك ميزنك كاين يحب يحط زيت بزاف انا منكثرش
نجيب ملوخية نحلها في قدرة مع زيت
ونمرقها بالماء دافي ماء دافي خوتاتي متنسوش
ونحرك نضيف قطع لحم ثوم بصلة مبروشين وطماطم مقطع قطع صغيرة وملح شوية وتوابل الي هما الفواح ونرمي معاه قرن فلفل حار واذا معندكش مغرفة هريسة
ونخليها طيب متنساوش تحركوها باش متلسقش بزاف في قدرة
ةلما زيت تطلع اعرفو انها طابت
تاخذ وقت اكثر من 3 ساعات متتقلقوش
وهاهو الطبق
وقلولي لعجبكم





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة القلوب عند بعضاها اليوم حبيت نطيبها

__________________________________________________ __________

>>>> الرد الثاني :

الله يخليك عجباتك ولالا
لكاش انتقدات قولي متحشميش ههه

__________________________________________________ __________

>>>> الرد الثالث :

مليحة مشكورة

__________________________________________________ __________

>>>> الرد الرابع :

بارك الله فيك الأخت نينة أنا نحب الملوخية كثيرا بالصدفة درتها اليوم . طريقتي شوية مختلفة على طريقتك أنا نقلي البصل والطماطم واللحم وكل التوابل ومن بعد نضيفلهم الملوخية الي حليتها في الزيت العادي وزيت الزيتون ومن بعد نضيف الماء والباقي كيما ذكرتي . النار تكون هادئة .

__________________________________________________ __________

>>>> الرد الخامس :

مشكورررررررررررررررررررررررة