بطاطا طورطة طبق جزائري
عنوان الموضوع : بطاطا طورطة طبق جزائري
مقدم من طرف منتديات العندليب
السلام عليكماليوم جبتلكم طريقة اقتصادية هي عبارة عن بطاطا
نحتاجو بطاطا ثوم راس ثوم
كمون اخضر فلفل اكحل ملح وزيت
بيض كسبرة خضراء او معدنوس وشوية حليب
اولا بعد ما نقشر البطاطا نرحيها في رحاية تاع البصل ولا اذا عندك ميكسور ارحيها في هذا
بعد ماترحيها ضيفيلها الثوم مرحي والفلفل لكحل والكمون والملح والزيت تقريبا زوج مغارف زيت على حسب الكمية تاع البطاطا
ومبعد حطيها في مول تاع الفور وجيبي البيض والالكسبرة الخضراء مع شوية حليب خلطيهم وفرغيهم من فوق وغطي عليها باه طيبلك بالخف
بعد ما الطيب خرجيها من الفور وخليها مغطية خمس دقايق ومبعد نحيلها لغطا باه تجيك ساهلة كي تحبي تقلبيها
وهذا شكلها بعد ماقطعتها
وقدمتها مع صوص توماط و عصير الجزر
عصير الجزر في عجالة اللي تحب الديرو
تغسلي الجزر وتقطعيه وتفوريه مليح
ومبعد تضيفيلو السكر وحبة قارص والماء وترحي اوتحبي تضيفيلو في بلاصة القارص باطة كريم ديسار راهو ثاني يعطيه بنة مليحة ويغطي على بنة الزرودية
ان شاء الله نكون وفقت في تقديم
بانتظار تعليقاتكم واسئلتكم
هذي الوصفة راكي تقدري تزيدي فيها كيما تحبي لحم مرحي ولا فرماج على حسب امكانياتك
انا عطيتهلكم باقل التكاليف
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
رووووووووووووووووووووووووعة بارك الله فيك ..................................تشهي.
__________________________________________________ __________
>>>> الرد الثاني :
يعطيك الصحة اقتصادية و بنينة
__________________________________________________ __________
>>>> الرد الثالث :
روووووووووووووعة
بارك الله فيك
__________________________________________________ __________
>>>> الرد الرابع :
اممممممممممممممم باينة بنينة و ساهلة و اقتصادية
تسلم ايديك
بالنسبة لعصير الجزر ياريت لو تحطي الوصفة بالمقادير المضبوطة
بارك الله فيك
__________________________________________________ __________
>>>> الرد الخامس :
بارك الله فيك
رد مع اقتباس
