عنوان الموضوع : les feuiltté بطريقة جديدة و لذيذة
مقدم من طرف منتديات العندليب

بسم الله الرحمن الرحيم
راني جبتلكم des feuités بطريقة جديدة ساهلة ماهلة معسلة و لذيذة برك بعجينة المسمن
نبداو ديركت
نديروا رطل فرينة + 2 مغارف كبار زيت + مغرف خمارة فورية + ملح + ماء للم العجينة
كي تتكون العجينة لازم تكون قاسحة و ممبعد تبدا تطرى بالدليك و اهم حاجة الدليك يليق تكون مدلوكة غاااااااااااااية
خليها ترتاح 30 د و تكون خمرت شوية ننحولها الخمورة و نحللوها والباقي جايكم مع الصور

نقسمها ل2 او 3 دوائر

نحل كل دويرة رقيقة

ندهنها بالزبدة و نذري عليها السكر مخلط مع الفاني و نديرلها كمية مليحة



نطويها بهاذ الطريقة راني معرفتش نصور و انا نطوي



و كلما نطوي نزيد ندير الزبدة و السكر حتى الطبقة الاخيرة ** و انت حرة في عدد الطبقات انا درت غير ربعة برك

نقسمها الى 2



نحكم الاطراف بالاعواد بعدما نقسموها على 2 بش ما تسيحش الزبدة و تتفتح الطبقات
و ندهن الوجه بالزبدة و معجون المشمش و اللي ماعندهاش تدير غير السكر و خلاص نرشوها بالجلجلان او الكوكاو اللي متوفر






و نخلوهم يخمرو


ندخلوهم يطيبو في الفرن المسخن و كي نخرجوهم نزيدو ندهنوهم بالمعجون بش يطراو اكثر

و ممكن نديروهم بطريقة وحدخرا و ه ي اننا كي نحللو العجينة ندهنوها بالزبدة و نرشو les fruits confis انا درت الزبيب
و نطوي بهاذ الطريقة و نتبع نفس الخطوات لكن مانحكموهاش بالاعواد





نقدرو نقسمو العجينة بش يخرجو صغار انا درت واحدة كبيرة ماكانش عندي الوقت بزاف

على فكرة كلما رققتو العجينة في الحل تخرج النتيجة اروع انا راني ما رققتهاش ياسر و كي تطيب راهي تخرج كراميل
و هاذي النتيجة في الاخير


و هاذي تع الزبيب


ان شاء الله تعجبكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك ويعطيك الصحة

__________________________________________________ __________

>>>> الرد الثاني :

بارك الله فيك هايلة يعطيك الصحة فكرة رائعة ربي يخليك

__________________________________________________ __________

>>>> الرد الثالث :


هايلين يهبلو عزيزتي تقوى وبما اني الاولى لي ترد الحبة الاولى لي ههههه عجبتني ياسر هذي الطريقة الله يعطيك الف عافية


__________________________________________________ __________

>>>> الرد الرابع :

بارك الله فيك اختى تقوى طريقة جديدة و عجبتنى ساجربها مشكورة

__________________________________________________ __________

>>>> الرد الخامس :

بارك الله فيك
شكرا لك فعلا طريقة جديدة وهايلة