عنوان الموضوع : اللي تعرف تخدم خبز تقليدي قبائلي بالزيتون تتفضل طبخ جزائري
مقدم من طرف منتديات العندليب


كيفكم
ان شاء الله في تمام الصحة والعافية والسعادة


بما أننا في وقت جمع محصول الزيتون قررت هاد العام نعمل الخبز التقليدي القبائلي اللي يديروه ببقايا الزيتون بعد عصره (اللي نسوماها بالعامية شلمة) ان شاء الله تكونو تعرفوها وتساعدوني
ما عرفتش كيفاش نخدم هاد الخبز
الله يخليكم ما تبخلوش علي يا لوكان بفكرة بسيطة

يا الله يا فحلات

هاتو واش عندكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

راني في بلاد القبايل وجامي شفتهم يخدموه اسمحيلي
بالاك النات يفيدوك

__________________________________________________ __________

>>>> الرد الثاني :

انا تاني قبايلية عندنا معصرة لكن لم اسمع بهذا الخبز ان ساء الله نلقاو وحدة تعرفوا بلاك راح مع العصرنة

__________________________________________________ __________

>>>> الرد الثالث :

شكرا لكما على المرور
الخبز هذا يشبه الفطير ويعملوه بالزيتون معروف بزاف عند القبايل بالأخص منطقة بجاية تيزي وحتى بومرداس

__________________________________________________ __________

>>>> الرد الرابع :

يا أختي انا من بجاية بصح جامي سمعت بيه
وضحي اكثر بلاك نعصر مخي ونجبدهولك ههههه

__________________________________________________ __________

>>>> الرد الخامس :

والله راني في بجاية وجامي سمعت بيه هذاك اللي قلتي عليه واسمو اموروج وياكلو بيه بالكسرة معناها يغمسو الكسرة فيه وباكلوه بصح يطيبو فيه والله ماسمعت بيها
كاين كسرة بانواع الحشيش انتاع الربيع بصح هكذا الله اعلم بالك مع الوقت نساوه مع اني ما ضنيتش خاطر عجوزتي تطيب غير الحوايج القدم ماتعرفش الماكلات جدد مي والله نسقسيهالك ونشوف بالاك كانو يديروها بكري