وصفة الرافيولي من مطبخي وبألصور المطبخ الجزائري
عنوان الموضوع : وصفة الرافيولي من مطبخي وبألصور المطبخ الجزائري
مقدم من طرف منتديات العندليب
سلام لبنات ليوم جبتلكوم وصفة رافيولي من مطبخي وهي أفضل من لي تتباع صحيح فيها شوية تعب مي تعبها ما شي علباطل لأنها فعلا كتير بنينة اتمنى انكم جربوها أفضل من أن تشروها بثمن باهض
نبدا مع المقادير بإسم الله
العجينة
500 ج فرينة
قرصة ملح
4 بيض
4 م ك زيت
100 مل ماء تقريبا
نقوم بمزج جميع المقادير إلا الماء
نظيف الماء تدريجيا حتى الحصول علا عجينة نخلوها ترتاح لمدة ساعة
بعد ما تريح نحلوها رقيقة ودا كانت عندك ماشنة رشتا حليها في رقم 5
نقوم بمسح العجينة بالماء
نجيبو لحم مفروم اى أي حاجة تحبي تواسي بها
نضع عجينة أخرى من فوق
ونقطعوها
لي معندهاش لمول تاع ليرافيولي تستعمل الجرارة
ونكمل باقي العجينة ونضعها بجانب
الآن نقوم بتحضير الصلصة
120 ج زبدة
2 بصل مدروس
فروماج
نضع البصل يتقلى في الزبدة مليح
نظيف له الجبن نضعه على نار هادئة حتى يذوب كامل لفروماج مم فعلا بنينة
قبل ما ناكلوهوم ب-10 د نديرو لماء يغلي نرميهوم لداخل لمدة 5 د
نخلوهوم يقطرو ونسربيوهوم مباشرة ونضع الصلصا فوقهوم ويقدم
بهذه الطريقة
فعلا يستحق التعب لئن فعلا بنين بزاف أرجو انكم جربوه
لا تنسوا التقييم لأني فعلا تعبت على الموضوع
وشهية طيبة
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فعلا يعطيك الصحة و من قلبي االله يعطيك على حساب نيتك شكرا
__________________________________________________ __________
>>>> الرد الثاني :
يعطيك الصحة روعة يستاهل يتحرب
__________________________________________________ __________
>>>> الرد الثالث :
موضوع متعوب عليه
يعطيك الصحة
__________________________________________________ __________
>>>> الرد الرابع :
المشاركة الأصلية كتبت بواسطة mereyoucef 
فعلا يعطيك الصحة و من قلبي االله يعطيك على حساب نيتك شكرا
العفو أختي شكرا جزيلا على ردك الجميل
المشاركة الأصلية كتبت بواسطة مونية ك
يعطيك الصحة روعة يستاهل يتحرب
يسلمك أختي شكرا
المشاركة الأصلية كتبت بواسطة omaymen
موضوع متعوب عليه
يعطيك الصحة
الله يسلمك أختي مشكورة
__________________________________________________ __________
>>>> الرد الخامس :
مم راهوم يشهو يعطيك الصحة أختي فعلا أنت مبدعة شكرا على تعبك معنا راح نجربهوم او نرجعلك لخبر
رد مع اقتباس
