خبز فرينة القمح وغبرة العدس صحي ولذيذ المطبخ الجزائري
عنوان الموضوع : خبز فرينة القمح وغبرة العدس صحي ولذيذ المطبخ الجزائري
مقدم من طرف منتديات العندليب
بسم الله الرحمان الرحيم
السلام عليكم حبيباتي ا ليوم جبتلكم خبز صحي ولذيذ وخفيف وهشوش روووعة
لازملنا 1كغ من الفرينة كيما هذي
هدي الفرينة نلقاوها بنية وفيها نخالة يعني تاع القمح العادي وكبنعجنوها يصبح لونها بني غامق شويايجي الخبز كحلوش
انحطوها في وعاء +حوالي كاس منغبرة العدس يعني عدس من اي نوع ونرحيوه+نصف م ص محسن الخبز او بيكربونات
ومنجهة انحطو وعاء اخر انديرو فيه2كاس حليب دافئ+2بيض+2م ك خميرة الخبز+2م سكر واللي اتحب ذوق القرفة+م ص +م ص كمون ايجي الذوق رووعة+نصف كاس زيت ونخلطو مليييييييييح+عليهم المواد الجافة نتحصلو عليعجينة طرية
كيما هذي انحطها في كيس نغلق عليها ونخليها تخمر
منبعد نهبطلها التخمار ونقسمها الي بولات وندير بيهم خبزات صغار كيما هدو
ندهنهم بصفار البيض مخفف بملعقة قهوة
وتكوني حميتي الفرن ملييييح غير من الجهة السفليةنخليهم يرتاحو في مكان دافئ من15 الي20 دقيقة ودخليهم للفرن كيطيبو مليح مالتحب طلعبهم الفوق باش يتحمرو
نتمني يعجبكم وتجربوه وتقولولي رايكم فيه
ونهدي الوصفة لالهام07 لانها طلبت الوصفة وانشاء الله تشوفها وتعجبها
في امان الله مع وصفا ت ا خري انشاء الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يبدو شهي اول مرة نسمع بالعدس يجي في الخبز بصح عندو قيمة غذائية
__________________________________________________ __________
>>>> الرد الثاني :
المشاركة الأصلية كتبت بواسطة بريق الامل& 
يبدو شهي اول مرة نسمع بالعدس يجي في الخبز بصح عندو قيمة غذائية
ايه ايجي خبز عادي مايبانش فيه عدس ويجي بنين ومن ناحية القيمة الغذائية كل فوائد
__________________________________________________ __________
>>>> الرد الثالث :
بارك الله فيك وصفة في القمة
__________________________________________________ __________
>>>> الرد الرابع :
يعطيك الصحة أختي زهور حاجة وحويجة
__________________________________________________ __________
>>>> الرد الخامس :
ما شاء الله خرج هايل و يشهي مليح للي عندهم فقر الدم كله قيمة غذائية للي عاملين ريجيم
رد مع اقتباس
