عنوان الموضوع : بيتزا و خلية نحل راهم عاد سخونين وزيدو فولوفون بونيس ههههه طبخ جزائري
مقدم من طرف منتديات العندليب

اليوم عملت عشاء بيتزا واستعملت عجينة 10 دقائق والله غير عجينة سحرية جااااات هباااااال والذوق

انا مداريا نخدم لابات تاع البيتزا العادية واليوم قلت نجرب عجينة 10 د والله غير جات خفيفة وليه ليه خمرت صراحة انا من اليوم ديت عاهد باش نستعملها فكل المعجنات لي نصنعها وبقالي شويا عجين حشيته بشكولا كانت عندي وكورته ودرته على الشكل لي فالصورة خليته شوية مبعد دهنته بالبيض ورشيت عليه سمسم وطيبته ذوقه هايل صدقوني جربوه مغديش تندموا
وزدتكم بونيس معاها هههههه فولوفون والحشو لحم مرحي وبهذه المناسبة حبيت نشكر صاحبت الفضل فإتقاني للعجينة المورقة العضوة saida08 ونتمنى منكم تدعوا معاها ربي يسهل ولادتها ويفرحها بمولودها ويقومها لوليداتها ووعايلتها بخير ان شاء الله











احبكم فالله اخواتي
Rabab08
ردودكم تفرحني فلا تبخلوا عليا بها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

عجينة10 دقائق
الخطوة الاولى : 2 كاسات كبار فرينة زائد 2 كاسات ماء دافئ شوي ملح شوي سكر 2 مغارف كبار خمارة الخبزتخلط كل المقادير و نخلوها ترتاح 10 دقائق
الخطوة الثانية : 3 كاسات فرينة ضيفيها للخليط الاول ثم زيدي نص فنجان زيت وتعجن جيدا ثم تستعمل بلا ما تخليها تخمر

__________________________________________________ __________

>>>> الرد الثاني :

البيتزا تخرج كيما لي تتباع

__________________________________________________ __________

>>>> الرد الثالث :

المشاركة الأصلية كتبت بواسطة بلقاسم 09
البيتزا تخرج كيما لي تتباع

تخرج احسن من لي تتباع

__________________________________________________ __________

>>>> الرد الرابع :

اممممممممممممم يعطيك الصحة

__________________________________________________ __________

>>>> الرد الخامس :