عنوان الموضوع : الرفيس القسنطيني عااااااااااااااااااااااااااااااااااااااااااااااااا اااااااجل !
مقدم من طرف منتديات العندليب

اللي يعرف الرفيس القسنطيني ( الرفيس المفور )
يعطيني طريقة صنعو
بليييييييييييييييييييييز ساعدوني
و في أقرب وقت ممكن
أناأحتاجه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رانا حابين نديروه للذّباحة لي يجيو يذبحو النعاج تاع عرس ختي
نعملوه مع اللبن
عاونوني و راكم شاركتو في الفرح التاعنا

__________________________________________________ __________

>>>> الرد الثاني :

يا أختي كاين 2 أنواع نتاع الرفيس الأول يجئ بخبز الدار ويقلولو زيراوي و الثاني بالشخشوخة و يقلولو مشلوش المهم الأول تصنعي خبز الدار عادي و ترحيه أو تعقبيه في الغربال المفتوح نتاع الزرع و مبعد تبخيه شوي برك 1كاس نص حليب و نص ماء زهر ومبعد حطيه يفور و تكوني موجدة زبدة ذائبة مخلطة مع العسل وكي يفور تظيفيلو زبدة مع العسل و تحطيه في الصحن و تذري لو من فوق سكر قلاصي و مكسرات والثاني تصنعي الشخشوخة و تقصيها بالسكين صغيرة و تبخيها كيما الزيراوي و تفوريها وديريلها زبدة والعسل و من فوق سكر قلاصي و مكسرات و نتمنى نكون قدرت نشرحلك غير شويا

__________________________________________________ __________

>>>> الرد الثالث :

هههههههههه
انا راني سكنت في قسنطينة وامي تعرف كيفاه وهي تقولك
1-اشتري رفيس من البائع او اصنعيه من بقايا الي يصنعو منها الشخشوخة
وفوريه 2 مرات او3 مرات
ومبعد ديري واش يعجبك اي تحبي تحطي الغرس او تحطي عسل او سكر او اي شيء يعجبك
وصحة وعافية

__________________________________________________ __________

>>>> الرد الرابع :

ننصحك اختي اشري الواجد راه مليح تلقايه فاليسوبيراث ماعليك غير تفوريه 2خطرات مرة بعد ماترشيه بالحليب والثانية بماء زهر ومبعد دوبي الزبدة تاع البقرة والعسل وضيفيها مع المكسرات الليتحبي وزينيه من فوق بالمكسرات والسكرالرطب

__________________________________________________ __________

>>>> الرد الخامس :

سلام عليكم
ديري 3 كيلات دقيق متوسط +كيلة زيت و شوية ملح +ماء ~~~ بليهم كيما عجينة المقروض يعني ماتعجنيش
دخليهم في بعضاهم و خليهم يرتاحو شوي ~ ومن بعد قرصيهم في صينية نتاع الفرن القرصة ماتكونش خشينة وماتكونش رقيقة باه تحمار مليـح ~ ودخليهم للفرن حتى تشوفيها حمارت مليح ~~~ خرجيها وهي سخونة هرسيها بالمهراس ~~ و جوزيها في السيار تاع الزرع ~~ ومن بعد تبخيه بشوية حليب وفوريه مرتين وفي كل مرة رشيه بالحليــب وفي المرة الثالثة ديريلو الحليبة مع ماء الزهر وفوريه المرة الأخيرة وهو سخون ديريلو الزبدة ولعسل ~عينك هي ميزانك~

ملاحظة ~~ لازم يكون محمر مليح في الفرن باه ميكونش عجين~~
ويصبح جاهز ~~ وشهية طيبة~~