عنوان الموضوع : الكرنطيطا من مطبخي وصـــــفة لـــــــذيــــذة
مقدم من طرف منتديات العندليب




احببت نشارككم وصفتي الذيذة كرنطيطا
في العادة ندير نص ساشي في لتر ماء تجي هايلة غيرت الطريقة وطبقت هادي الوصفة جات هايلة وشنو شوية ناشفة وانا نحبها جارية وكل وحدة وذوقها
وممكن نعدلو في الوصفة التالية ويصبح الماء تقريبا 2 لترات باش تجي جارية

المقادير
*400 غ حمص مرحي اي ساشي كامل
*لتر و1/2 ماء مايعادل 7 كسان ونص
*حبة بيض
*مغرف كبيرة كمون
*مغرف صغيرة ملح
*1/2 كاس زيت او فنجان كامل

نضع الحمص

نفرغ عليه الماء مع التحريك تم نضيف الملح +الكمون +البيض +الزيت
ونخلط مليح


نحضر سنيوة تكون غامقة ونفرغ الخليط -زدت رشيت عليها كمون- وندخلها الفرن يكون سخون
طيب حوالي ساعة الا ربع




نتمنى تجربوها لانها فعلا تشهي
قبلاتي الحارة لكن حبيباتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مممممممممممممممم أمنيتي ناكل الكرنطيطة يعطيك الصحة بصح حنا عندنا الحمص مايتباعش مرحي خسارة كاشي نهار نشقى للغرب وعلى جالها ههههههههههههههههه تاكلوها بالصحة والهنا نشالله

__________________________________________________ __________

>>>> الرد الثاني :

بنفس طريقة ماما يعطيك الصحة

__________________________________________________ __________

>>>> الرد الثالث :

يعطيك الصحة
راهي نفس طريقتي
الفرق انا ندير 2 بيضات
الكرنطيطة نحبها بزاف خصوصا مع العشية


__________________________________________________ __________

>>>> الرد الرابع :

ربي يبارك بصحتك اختي الكريمة
انا منديرش فيها البيض
وندير معاها رشة خميرة حلوى

__________________________________________________ __________

>>>> الرد الخامس :

مممممممممممممم يعطيك الصحة رودينا تهبل و انا نموت عليها