عنوان الموضوع : كريات الأرز المحشي من مطبخي-boule de riz من مطبخي
مقدم من طرف منتديات العندليب

مساء الورد والفل والياسمين للغوالي
حبيت نقدملكم طبق ساهل وبنين بزاف بزاف وعلابالي راح يعجبكم ويعجب اولادكم حتى اللي مايحبوش الارز راح يعجبهم بهاد الطريقة نخليكم مع المقادير
حضري صوص بيضاء عادي بالدجاج ولا باللحم حسب الموجود وهدا الرابط فيه طريقة تحضيري

لحم مفروم حسب الرغبة انا استعملت 250 غ
كمية من الارز حسب افراد اسرتك اللي تكوني طيبتيه في ماء وملح وقطرة زيت حتى يطيب تماما قطريه وخليه يبرد مليح
زوج سنات ثوم مبروشة
ملح وفلفل اسود
كمية من الحشيشة او الدبشة ومعاها معدنوس قطعيهم مليح بالسكين تقريبا زوج ملاعق كبار
جبن طري حباة ولا نتاع الميزان
كمية من الزيتون اللي تنحيلو الملح




فرينة-خبز مرحي-بيضة-زيت للقلي


حطي اللحم المفروم النيء مع الثوم والملح والفلفل اسود والثوم والمعدنوس والدبشة وابداي زيدي الروز بالتدريج مع العجن حتى تولي كتلة متماسكة انا عيني هي ميزاني ومالازمش تزيدو الروز بكمية كبيرة لا مايتلمش



شكلي كويرات واحشيها بالتناوب مرة جبن طري ومرة حبة زيتون وعاودي كوريهم







رمدي الكويرات في الفرينة ثم في بيضة مخفوقة ثم في الخبز المرحي






اقليهم في زيت غزير على نار متوسطة حتى يخدو اللون الدهبي


قدميهم مع الصوص بلونش ومعدنوس مقطع وشرائح ليمون






نتمنى ينال اعجابكم وراني متاكدة رح يعجبكم دوقهم بزاف بزاف
راني نستنى رايكم وتقييماتكم وتطبيقاتكم كي العادة
في أمان الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

waaaaaaaaaaaaaaaaaaaaaaaaaaaaw

__________________________________________________ __________

>>>> الرد الثاني :

ممممممممم تشهي

__________________________________________________ __________

>>>> الرد الثالث :

merci rahi tban haylaaaaaaaaaaaaaaa

__________________________________________________ __________

>>>> الرد الرابع :

باهيين يسخفوا موالفة نديرهم يجيو بنااااااان
يعطيك الف صحة

__________________________________________________ __________

>>>> الرد الخامس :

ماشاء الله رووووعه وصفه راءع شكر جزيلا