عنوان الموضوع : سباقيتي با الدجاج طريقة جزائرية
مقدم من طرف منتديات العندليب

سلام عليكم لبنات و حراير المنتدى هذا غدايا اليوم سباقيتي باالصوص و الدجاج اولا في كاسرونة نحط الماء والملح و ورقة رند وشوية كمون وفلفل اكحل وشوية زيت كي تغلي نلوح السباقيتي نخليها تطيب بلا ما تتعجن ونحيها الصوص تاعها نرابي البصل والثوم انا صراحة نكثر الثوم ونرابي حبة طماطم صغيرة ونضيف الطماطم المصبرة والزيت وفلفل اسود وكمون وبهارات والملح و الرند ونضيف الدجاج كي يتقلى مليح نضيف عليه حبات حمص و زيتون اخضر بطاطا مقطعة مكعبات صغيرة ونمرق بشوية ماء كي يطيب الدجاج نحيه ونخلي الصوص حتى تعقد نرابي حبة طماطم ونضيفلها كمون وفلفل اسود ودبشة و ونرمد قطع الدجاج ونعاود نقليها وكي نكمل نحط في الصحن سباقيتي وفوقها الصوص والدجاج المقلي ونرش عليها اادبشة ونرابي من فوق الفرماج وساعة ندير هذي الطريقة لكن في مكان الدجاج ندير كريات اللحم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا شاوية حرة يعطيك الصحة على الوصفة

__________________________________________________ __________

>>>> الرد الثاني :

الله يعطيك الصحة حبيبتي الشاطرة تشهيي
كون غير حطيتي الصور للاغراااء

__________________________________________________ __________

>>>> الرد الثالث :

شكرا ليك حبيبتي وكان الموضوع اجي ابن ههههه كون مرافق بالصور راني نتخيل فيه مع انموت على ليبات

__________________________________________________ __________

>>>> الرد الرابع :

يعطيك الصحة اختي على الطبق جزاك الله كل خير

__________________________________________________ __________

>>>> الرد الخامس :

ماشاءالله يسلمووووووووووووووووووووووو