عنوان الموضوع : طجين الزتون المطبخ الجزائري
مقدم من طرف منتديات العندليب

ا

السلام عليكم واش راكم يا لحباب اخباركم ان شاء الله الكل بخير وعلى خير ورمضان قرب يخلاص كترو فيه الدعاء وبإخلاص
أما بعد:
انتوما حبيتو طيابي وانا حبيتكم لذلك قررت نحطلكم وصفة جديدة في خاطركم
تخص طاجين الزيتون نقولكم اصح حنا زمان كنا نشرو الزيتون كي كان عزيز فالمناسبات المهمة ولا رمضان كي تشم ريحتو وهو يطيب تعرفو رمضان بصح رانا في عامين ولا كتر كرهناه رجع نهار بنهار مع ماكلة تانية كي لحق رمضان رجع طبسي الزيتون كيما ندوه نرجعوه hay:hay:مكاش اللي يدور بيه طاحت بيه ليامadwalk:adwalk:اختكم سمورة اليوم جابتلكم وصفة من اختراع امي لانقاذ الزيتونhay:hiny: نبداو بالوصفة مباشرة
: لحم مرحي تبليه : ثوم مرحي فلفل اسود حشاوش مقطعين ملح شوية كمون وراس الحانوت مرحي وبياض بيضة (نحتاجو كمية كبيرة انتاع لحم مرحي )
الزيتون : غلي الزيتون فالماء لمدة 15د انزعيه من انار ارحيه فارحيوة اللي نرحو فيها الكوكاو ومن بعد واش نضيفولو فلفل اسود بياض بيضة حشاوش مقطع ثوم ملعقة اكل لاشابور شوية راس الحانوت شوية كمون رشة قبل هادو الاضافات اعصري الزيتون من الماء اللي يطلقوك كي ترحيه وماترميهش ديري بيه لاصوص
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.


خلطي كل خلطة لوحدها ومن بعد : ابداي شكليبخلطة الزيتون دوائر صغار بحجم الزيتونة او اكبر بقليل وغلفيها باللحم وغلفي كرة الزيتون تماما كي تكملي بالحبة زيتون ومن فوق اللحم رمديهم فالفرينة وحضري مقلاة توفا ل فيها نص كاس زيت وابداي تقلي وحركيهم مليح حتى يتقلاو كامل ويصبح لونهم بني انزعيهم
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

لاصوص :لكي الاختيار اما تديريها بيضاء أو حمراء
في طنجرة ضعي حبة بصل مفرومة واللحم اطراف (اذا عندك صحا واذا مكانش تكتفي باللحم المرحي)قلي بالزيت البصل واللحم وحبة طماطم وملعقة اكل طماطم مصبرة ورقة رند وعود زنجبيل والزيت اللي قليتي بيه كراة اللحم وضيفي الماء اللي عصرتيه من الزيتون ورشة صغيرة ملح وماء ضعي الجزر المقطع دوائر وحتى يغلي الماء مليح ضعي حبات اللحم المرحي غير بالشوية حتى تغمريهم كامل بالمرق غطيهم وخليهم يطيبو
كي يطيبو انزعي اللحم وكراة اللحم وعقدي لاصوص بشوية فرينة حليتيها فالماء باه تكون لاصوص ثقيلة
قطعي البطاطا واقليها
وزيني صحنك كيما تحبي
هذي الصورة النهائية نتاعو اعتذر على سوء الديكور يما زربتني كان ياذن يسما حطيت وخلاص
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

فهاد الصورة ضفت شوية زيتون طبخ فالماكلة للزينة فقط
تقدري تقطعي شوية حشاوش وتحطيه من الفوق

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.


هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 2048×1536.

ملاحظة لاصوص حسب ارغبة اما بيضا بالزعفران او حمراء بالطماطم
قولولي وش رايكم وهادي قريوش راناصنعناها بشكل جديد

منقول للفائدة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

يعطيك الصحه. بصح الصور لاتضهر

__________________________________________________ __________

>>>> الرد الثالث :

بارك الله فيك ............يعطيك الصحة و العافية

__________________________________________________ __________

>>>> الرد الرابع :

بارك الله فيك

__________________________________________________ __________

>>>> الرد الخامس :

بارك الله فيك
وايــــــــــــــــــــــــــــــــــن الصور