عنوان الموضوع : بزلوف بالبصل في الفرن لذيذ روعة طريقة جزائرية
مقدم من طرف منتديات العندليب

بسم الله الرحمن الرحيم



اول امس طبخت بوزلوف في الفرن مع البصل ..اصلا انا نفضلو في البيت و ماما

اما خيي و بابا يفضلو العصبان او البكبوكة في بعض المناطق و من بعد ان شاء الله نزل لكن طبقها مع البطاطا

نبدي بالاول طبعا بشوي راس اللحمة و الكرعين و اكيد الكل يعرفوها و من بعد نغسله ..اسفة نست ما صورتش هاد لمرحلة

لكن من بعد نقصه بالشاكوش و نحطه يتسلق لحتى نزولو كامل لعظام و تبقى غير اللحمة

على هاد الطريقة :




نزولو العظمة هنا طبعا ماطيبتوش كامل قسمتو على 2 حطيت فقط كراع مع شوية لحمة الراس



هنا حطيتو في طنجرة مع الفلفل اسود و سكين جبير كمون عود قرفة زعفران زيت 4 بصلات كبار معدنوس ريحان
و صلصة الطماطم طبعا لاني ما نستخدمش طماطم المركزة في طياباتي ابدا لانها غير صحية



و نحطوه مع 2 كيسان ما فقط لان البصل لحاله فيه الماء فوق نار
لما يطيب و يظل فقط بش يتحمس المرقة نزولوه من فوق النار و نحطوه في صينية في الفرن معتدل لحرارة حتى يشرب كل المرقةنتاعو و يتحمر .. نحطوله شوية زبيب لكن ما كان عندي وققتا ما حطيتلوش و لكن بزبيب لذيذ جداا

هنا هاهو وجد





قدمتو مع سلاطة الفلفل و ثوم و سلاطة خضرا




نتمنى لوصفة عجبتكن لا تنسوني من الدعاء حبيباتي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :



__________________________________________________ __________

>>>> الرد الثاني :

يعطيك الف عافية


__________________________________________________ __________

>>>> الرد الثالث :

تبارك الله يعطيك الصحة

__________________________________________________ __________

>>>> الرد الرابع :

امممممممممممممممممممم يشهيييي يسلمووووو

__________________________________________________ __________

>>>> الرد الخامس :

امممممممممم يشهي يعطيك الصحه