عنوان الموضوع : واش طيبتي اليوم ؟؟؟؟؟؟؟؟؟؟ من مطبخي
مقدم من طرف منتديات العندليب

السلام عليكم أخواتي و رمضان كريم
ليوم أول أيام رمضان , بصح ما نيش عارفة واش نطيب بعد الشربة و البوراك , مالا قلت خليني نشوف أخواتي في الجزائر واش راح يطيبو و راني متأكدة بلي راح يتفنو في مائدة رمضان.
يلا كل واحدة تشاركني مايدتها في هدا رمضان



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم صح رمضانك
بالنسب ليا حنا اصلا ما نتعشاوش لا انا لا زوجي فى الفطار غير وليدي يتسمى اول يوم رمضان الماكلة فى الليل
املا يكون فطور خفيف ان شاء الله شوربة فارميسال +بوراك اكيد لازم زوجي يشوفوا فى الطابلة+لحم الحلو+طبق خفيف بصدر الجاج قالي ما ديريليش المراقي ههههه واخيرا سلطة
صحة فطوركم حبيبتي وكل ناس قطر

__________________________________________________ __________

>>>> الرد الثاني :

المشاركة الأصلية كتبت بواسطة mina-nina16
السلام عليكم صح رمضانك
بالنسب ليا حنا اصلا ما نتعشاوش لا انا لا زوجي فى الفطار غير وليدي يتسمى اول يوم رمضان الماكلة فى الليل
املا يكون فطور خفيف ان شاء الله شوربة فارميسال +بوراك اكيد لازم زوجي يشوفوا فى الطابلة+لحم الحلو+طبق خفيف بصدر الجاج قالي ما ديريليش المراقي ههههه واخيرا سلطة
صحة فطوركم حبيبتي وكل ناس قطر

الله يسلمك, أنا هداوين بديت نطيب : درت شربة بوراك وقيلة نكملها بالمثوم
و رونت شوية قريوش للسهرة
صح فطورك ختي

__________________________________________________ __________

>>>> الرد الثالث :

رمضان مبارك سعيد لكل المسلمين
انا مزال مطيبش مي راني نخمم باه ندير سوب بالخضرا ودجاج وشطيطحة ماشطو وحلو وكا تحلية راني راني حايرة ادا ممكن تساعدوني فيتحلية تكون تحمر وجه وخفيفة
انا رمضان نصومو مع عجوزتي


__________________________________________________ __________

>>>> الرد الرابع :

صح رمضانك اختى و الله انا اليوم بنتى لراها بدات طيب دارت شربة فريك طجين الحلو سﻻطة بوراك حميص المهم وقت المغرب سوف تضع الصور

__________________________________________________ __________

>>>> الرد الخامس :

أنا مزلت مدخلتش للكوزينه وبما انوا اليوم الاول لرمضآن نبدآو بحآجه خفيفه
أولا شربه فريك مع المطلوع
طاجين الحلو والسلطة
حميص
وشواء كبده مع بطاطا فريت
والديسار أنواع الفواكه معاهم فلان أكيد
وصح فطوركم حبيباتي