عنوان الموضوع : طريقة بسيطة لطبخ صدر الدجاج
مقدم من طرف منتديات العندليب


السلام عليكن اخواتي الكريمات اليوم نقترح عليكم كيفية طياب صدر الدجاج

طبعا المعروف ان الفخد اطرى من الصدر وفي الطياب الصدر اجي ناشف شوية ومهما تعطريه الا انو يبقى ناقصته البنة مقارنة مع الفخد
المهم تابعي حبيبتي الطريقة وانشاء الله تعجبك وتعتمديها
على بركة الله
شرحي صدر الدجاج بهاد الطريقة بواسطة سكين وكي توصلي للعضم توقفي يعني ما تقطعيهش غير شرحيه كيما في الصورة

حطيه في اناء عريض زيدله شرائح بصل +ثوم مرحي+ ملح+ فلفل اسود+ زعفران +سكنجبير+موطارد +قطرات ليمون + فنجان ماء

خلطي مليح حتي يتشرب الصدر التوابل

دخلي التوابل والبصل وسط الشرائح بهاد الطريقة

انا درت معاه بطاطا طبعا درت فيها بصل + ملح وفلفل وزعفران وباقي النكهة تتشربها من الدجاج

حطيتها في كيس خاص بالفرن وحطي معاه قطع صغيرة من الزبدة

وهاهي منين طابت

ا
اعتدر مصورتش التقديم ماقدنيش الوقت كانو ضياف المهم كل وحدة ولمستها المهم الدوق يجي مخلتف ممكن اديري الجبن وسط الشرائح
نتمنى اني افدتكن بهاد الطريقة البسيطة اخواتي



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

رائعه فعلا انا في الدجاج نحب غير الصدر وبهدي الطريقه رائع فعلا ان شاء الله نجربو يعطيك ال عافيه يا غاليه

__________________________________________________ __________

>>>> الرد الثاني :

يعطيك الصحة باينة هايلة ضرك نرجعلك نزيد نقرا طريقة مليح

__________________________________________________ __________

>>>> الرد الثالث :

امممممممممممممم يعطيك الصحة باينة بنينة بصح نسقسيك انا ديما مين ندير بطاطا في اكياس الشواء جيني ناشفة وتلصق في الكيس و تتحرق مفهمتش وعلاه بلاك نوعية الكيس لاني بدلت النوعية نتمنى تفيديني في هدا الخصوص

__________________________________________________ __________

>>>> الرد الرابع :

المشاركة الأصلية كتبت بواسطة omnadjem.10
رائعه فعلا انا في الدجاج نحب غير الصدر وبهدي الطريقه رائع فعلا ان شاء الله نجربو يعطيك ال عافيه يا غاليه

شكرا حبيبتي انشاء الله تستفادي من الطريقة
المشاركة الأصلية كتبت بواسطة ام فريال
يعطيك الصحة باينة هايلة ضرك نرجعلك نزيد نقرا طريقة مليح

فرحني ردك حبيبتي ربي يخليك
المشاركة الأصلية كتبت بواسطة اماني السلام
امممممممممممممم يعطيك الصحة باينة بنينة بصح نسقسيك انا ديما مين ندير بطاطا في اكياس الشواء جيني ناشفة وتلصق في الكيس و تتحرق مفهمتش وعلاه بلاك نوعية الكيس لاني بدلت النوعية نتمنى تفيديني في هدا الخصوص

حبيبتي المشكلة ماشي فيك ولا في البطاطا كاين انواع كثير ة من الاكياس حتى انا وقعلي نفس المشكل مرة البطاطا لصقتلي وتفتتلي
المهم باش تتفادي المشكلة ادهني كيس الفرن بالزيت اولا ومتنسيش دري قطع صغيرة من الزبدة بين البطاطا باش متتعجنش وتطيب بنينة وطرية
شكرا حبيبتي على المشاركة في موضوعي تحياتي

__________________________________________________ __________

>>>> الرد الخامس :

يمممممممي فكرة هايلة يا وهرانية :-) :-) :-)


تبارك الله يشهي . يعطيك الصحة


ربي يجازيك كل خير عزيزتي