شو بطريقة بسمات طريقة جزائرية
عنوان الموضوع : شو بطريقة بسمات طريقة جزائرية
مقدم من طرف منتديات العندليب
اليوم حبيت نعرفكم عل طريقتى فى صنع الشو و الحقيقة منين بديتها ما غيرتهاش
اكثر من13 سنة
جيبي كسرونة حطى فيها ربع لتر ماء ملح مغرفتين سكر مغرفتين زبدة و كى يبداو يغليو ارمى عليهم كاس فرينة مرة وحدة وحركى بسرعة حتى تتنحى العجينة من الكسرونة و تتلم على المضرب زيدى نشفيها و انتى دوري فاها
نحيها من النار و خليها تبرد شوية او ضربيها حتى تبرد شوية
و لكى الاختيار le pétrin ou le batteur
اذا استعملتى شوفى نوع الضراب لى تستعمليه فى الصورة
اضيفى البيضة الاولى و ضربى لازم ترجع العجينة كيما الاول لكن اطرى شوية و البيضة الثانية و ضربى ثم الثالثة و ضربى حتى تولى كما الصورة
حطيها فى الجيب الحلوانى لى تحبى و شكلى بيها اكلير او مينى اكلير البطة و عنق البطة لكن لازم تبدلى الدويla douille الى ارقق plus fin وديري شكل اس s
حاولى انك مادوريش الجيب اثناء وضع العجينة كما فى الصورة
عندك طريقتين ----بلح الشام تحطى فى الجيب و تسخنى الزيت مش ياسر و حاولى تفرغى العجينة و تقصى بصبعك ما تنسايش تدهنى صبعك من قبل الحجم يكون قد التمرة
تحليه فى الوسط و تحشيه كما تحبى من الكريمات
اما البطة تقصى الحبات تع الشو على اثنين و تقصى النصف الفوقانى على اثنين بالمقص تعمريهم كيما تحبىى و تبعى الصورة
même astuce pour les éclairs ou la duchesse
ملاحضات ضعى العجينة على ورق الطهى احسن
لصقى الورق من التحت بطرف عجينة باش مايتحركش
ما تفتحيش الفرن اثناء الطهى مدة20 د170 درجة
حطى السنيوة فى الوسط و ما تشعليش الفوق حتى يفوت ثلث الوقت
اذا حبيتى تحشيهم موالح مثل السلاطة المشوية او بطاطا مقطعة صغيرة مع بيض وتون----------الخ
يفضل تعمروهم فبل الاكل بوقت قصير ما تنساوش كبرو الاكليرشوية ومن فوق زينى بالكاتشوب او مايونيز او كما تحبي
نقصى مغرف سكر اذا راح تحشيهم موالح
URL=https://www.neilshare.com/][/url]
ان شاء الله ما تزيدش وحدة تقول مانجحتليش
و رانى هنا لاى استفسار
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة بسمات
__________________________________________________ __________
>>>> الرد الثاني :
بلى اصبعك بالماء و حاولى تهبطى الشوكات لى من فوق بحذر باش مادجيش محببة
انا نسيت:d:d:d:d:d:d:d:d:d:d
__________________________________________________ __________
>>>> الرد الثالث :
يعطيك الصحة اختي بسمات
يشهيو
__________________________________________________ __________
>>>> الرد الرابع :
__________________________________________________ __________
>>>> الرد الخامس :
ماااااااااااااااااااااااااااااااااااا شاء الله
روووووووووووووووووووووووووووعة
بارك الله فيك
شكرااااااااااااااااااااااااااااااااااااااااااااااا اااااااااااااااااااااااااااا
رد مع اقتباس
