عنوان الموضوع : تارت بالاناناس قاطو جديد
مقدم من طرف منتديات العندليب



اسعد الله صباحكم ونور يومكم يا احلى عضوات باحلى منتدى
اليوم جبتلكم تارت درتو في رمضان العام الماضي وكنت مازال مش عضوة مانيش مصورة التفاصيل
2 كيسان فرينة
كاس زبدة
1 كاس سكر عادي
4 حبات بيض
كيس خمارة
فاني
قرصة ملح
ثلاث ارباع كاس حليب سائل
والماء لي فيه الاناناس
اناناس
قطع زبدة و شوية كاس سكر
الطريقة:
نحط المقادير الجافة بجهة ونغربلهم نخفق البيض ثم نزيد عليه الحليب ونخلط ثم نضيف كاس زبدة ونضيف المقادير الجافة ثم نزيد شوية من ماء الاناناس عينك ميزانك حتى تشوفي الخليط كيما المسكوتشو
جيبي مول مدور ديري قطع الزبدة وذري عليها السكر ومن بعد حطي فوقهم حلقات الاناناس وصبي الخليط نتاعك
من الاحسن تكون الكيكة غير سميكة باش تجي بنينة
ديريها تطيب في فور مسخن من قبل و كي تطيب اقلبيها واذا حبيتي كيما درت انا سقيتهابشوية سيرو باش ما تجيش ناشفة وزينيها من فوق كيما حبيتي انا هدي فكرتي
تحياتي








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك ويعطيك الصحة

__________________________________________________ __________

>>>> الرد الثاني :

بارك الله فيك روعة يعطيك الصحة باينة خفيفة وبنينة

__________________________________________________ __________

>>>> الرد الثالث :



يعطيك الصحة ابني يحب الأناناس حالة نطيبهالو و ندعيلك بالخير
شكرا


__________________________________________________ __________

>>>> الرد الرابع :

اممممممممممممممممم
رووووعة والله خرجتلك هايلة بزاف حبيبتي
ومن منظرها تشهي كثير
بارك الله فيك يعطيك الف صحة
دائما وصفاتك مميزة

__________________________________________________ __________

>>>> الرد الخامس :

شكرا على الوصفة الرائع وسمحلى علىالسوال كاس زبد يعنى شحال فيه من غرام