عنوان الموضوع : كيكة الفرااااااز و الكرام فراش من مطبخي ادخلوا بسرعة!!! قاطو جزائري
مقدم من طرف منتديات العندليب

تفضلوا ذوقوا الا عجبتكم نحطلكم المقادير






وهاني جيت
في مول قطره 25سم
5بيض
كأس تاع 200 ملل زيت
نفس الكأس ناقص شوي سكر
2 كيسان الا ربع طحين
ملح
فانيلا
برش ليمون
2خميرة
خلطي كيما الطريقة المعمول بها في الكيك حطي في مول يا حبذا لو كان اللي يتفتح
طيبيها 200 ° لمدة 5 دقائق ثم نقصي الفرن 175 حتى تطيب
الكريمة عملتها على طريقة التيراميسوا و جأت هائلة و خفييييفة
أخفقي بياض بيضة كالثلج وحطيها في جهة
أخفقي حوالي 150غ crème fraîche épaisse اخفقيها شوي برك
ثم أخفقي صفار بيضتين مع 3 ملاعق سكر وفاني و قرصة ملح وزاست ليمون حتى يبيض خلطيهم مع الكريمة بملعقة خشبية ثم أضيفي البياض وامزجيه جيدا من تحت لفوق
اقسمي الكيكة شربي القسم السفلي و حطي نصف الكريمة وستفي شرائح الفراز غطيها بالقسم الثاني من الكيكة وزيدي شوي شاربات واطلي الكريمة وزيني كيما تحبي
ملاحظة
شرائح الفراز والفراز الكامل حطيتهم عدة دقائق في شاربات مع عصير ليمون باه ما تتاكسدش و مايتبدلش لونها
الكريمة اللي عملتها تكفيني غير الحشو و نحط من فوق اذا حبيتي تطليها كامل زيدي شوي في الكمية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة
تشهي
ممكن المقادير

__________________________________________________ __________

>>>> الرد الثاني :

لسلام عليكم


هايلة
تسلم الايادي

ممكن لو سمحتي المقادير وطريقة التحضير

__________________________________________________ __________

>>>> الرد الثالث :

يعطيك الصحة

__________________________________________________ __________

>>>> الرد الرابع :

يعطيك الصحة و جزاك الله خيرا

__________________________________________________ __________

>>>> الرد الخامس :

يعطيك تالصحة ختي بصحتكم اممممم