عنوان الموضوع : محطمة ثالثة ثانوي
مقدم من طرف منتديات العندليب

ياجماعة ما خدمتش في الفروض وراني في حالة سايي معنديش الثقة في النفس انا فاشلة ياربي كفاش اندير.....راني صايعة
رغم اني اعرف ان الفروض لا تعني لي شئ خاصة انني في 3

ياجماعة كاش واحد ايطلعلي اشوي المورال


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سقسي المجرب
مررت بهذه الظروف من قبل وصدقيتي الفروض لا تعني شيء فهي دوما تكون صعبة وفي مدة قصيرة والبكالوريا شيء آخر تماما لكن المهم في العام الدراسي هو الامتحانات لازم تبازي عليهم...وربي يوفقك

=========


>>>> الرد الثاني :

ما تتقاقيش اختي هادا شيء عادي نوووورمال الفروض لا تعني شيئا لأنو عندك باك و بالعكس هي محفز لبذل المزيد من الجهود في الاختبارات و الباك بوجه خاص المهم انك تأخدي العبرة منها و تراجعي مليح للباكالوريا ربي يوفقك...

=========


>>>> الرد الثالث :

ماتقلقيش روحك


راكي مازلكي في الاول وهاذ الشئ ماهوش مقياس تحكمي بيه على نفسك

=========


>>>> الرد الرابع :

سلام ..
ما تتقلقي ما يهبطلك المورال يا اختي ..نحنا زادا درنا فروض في المواد الرئيسية و نقولك الحق انا زادا ما صبتش واش حبيت اما وليت كي يمدولنا الاساتذة اوراق الفروض ما نركزش على علامتي او بالاحرى ما تهمنيش ياسر و نركز على الحوايج الجدد و وعلاه درت غلطة هنا و كيفاش ما فقتش لهاذيك الحاجة وووووو المهم اذا ما ديتش علامة مليحة اما خرجت بافكار جديدة و هكذا ...اما كون نقعد نتبع في العلامات راح نقضي الوقت في التحسر و يتعكر مزاجي و ما راحش نتقدم ابدا ....
هاذي تجربتي اختي و شوفي انتي ما يصلح بيك و دوما خليك متفائلة و توكلي على ربي و ان شاء الله يكون الباك من نصيب كل مجتهد يا رب...

=========


>>>> الرد الخامس :

اختي الكريمة
هذه السنة مختلفة عن السنوات السابقة
لانه هذا العام مابقيناش نجيرو على النقاط
في الفصول الهدف من الفروض والاختبارات هذه
راه باش نجوزوا للبكالوريا
ماخير تدي 20 في باك و 00 في فصل من الفصول
ولا تدي 20 في الفصل الاول وفي الباك ماتجيبيش
سيبورسا لازمنا نتعلموا من الاخطاء الي نخطءئو فيها في الفروض
هذه ونكونوا على استعداد للباك ومانغشوش رواحنا ونقلو كيما يديرو البعض
رغم انه مانيش فاهمة واش راح يفيدهم التنقال ؟؟ مادمهم يخدعو في رواحهم
تاكدي بلي الثقة الي فيك مالازمهاش تتزعزع رانا قاع نغلطو وقاع مانخدموش في الفروض
وقاع تبانلنا صعيبة مع الوقت نوالفو
والله ولي التوفيق
تم الرد شيكـآم


=========


يــــــــــا رب يوفقنا وينجحنا
bac 2012
انشاء الله


ya khti la3ziza mato9ol9ich ana kount nedi f les devoir 0.5/20 wgoult c bon rah lbac mai kima 9rit fel3am ditou avc 14 de moyenne

سلام الله عليكم
كلنا كنا هكذا انا حاصل على الباكالوريا العام الماضي كنا كلنا قد مللنا الدراسة ويئسنا لكن نحن أنفسنا من أعدنا الروح الى نصابها لانعتمد على أي كان فبإمكانك أختى مراجعة نفسك جيدا والنظر في المدة اللي لازالت تفصلك عن شهادة الباكالوريا وان احسنت النظر والتدبر جيدا تجدين نفسك مخطئة أشد الخطأ تجدين نفسك قد ضيعت وقتا كبيرا وهو الوقت الذي كنت محبطة فيه وهو وقت غال جدا أنا احسست بالوضع الذي انت فيه وقررت ترك الدراسة نهائيا لكن الانسان دائما ينظر بعين بصيرة وييحس بمقدار الرتبة اللتي هو فيها نحت كللنا وتعبنا ولكن بحمد الله وبمعونته وبطاعة الوالدين تمكنا من الفوووووووووووووز

السلام عليكم
لالالا يا اختاه الحبيبة هكذا كفاش راحة تكملي العام متفشليش او انا وحدة من الناس في الفروض بارح مدلنا الفيزياء النقاط وكلاسة كاملولغاشي كامل هكدا هبطلوا المورال مي مهما يكون منحطش نقطة تع فرض نهاية للعالم وخلاص..
الفروض صح تقيمي بها نفسك والامتحانات لكن ماهيش مقياس حقيقي على المستوى تاعك المهم انك فاهمة وتعرفي طبقي هدا الاهم في القراية باه نحضروا للباكالوريا 2012 ان شاء الله ونكونوا من المتفوقين باذن الله تعالى
اقراي وراجعي مليح ودعي اموركي على الله واتكلي عليه وسترين مالم كنتي تنتظرين.
بالتوفيق ربي ينجحك ويجحني وينجح كل من هو مقبل على اجتياز شهادة باكالوريا 2012

صح عيدكم وتقبل الله منا ومنكم صالح الأعمال

لـاـــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ يــــــــا أختاه لا تفعلي بنفسك هذا
أنا أيضا كحالتك أحيانا بنتابني شعور أن bac ليس لــــشخص مثلي لـــكن عندما أتركها لربي أرتاح و يطمئن قلبي
من عندي خليها لمولها هو يعرفلها .................... الخوف هذا مليح مي عندو ليميت