عنوان الموضوع : لطلاب 2 ثانوي ادخل باش تتعلم تحفظ تحضير بكالوريا
مقدم من طرف منتديات العندليب

السلام عليكم و رحمة الله و بركاته

قبل ما تبداو بالقراءة عذرا على الخط لاني عندي مشكلة في الميكرو لم استطع ان انظم المعلومات لكن هذا ليس سببا لتجاهل الموضوع لانك والله لستستفيد و اذا ماستفدتش عيطلي نغرملك ال 10 دقائق لي خذيتها من حياتك

انا و الحمد لله نجحت في الحفظ بحيث انني حفظت كل دروس ت اسلامية وجميع المصطلحات و الشخصيات و التواريخ
كما ان رصيدي وصل ل 100 تاريخ و مازلت قابضهم لحد الان الحمد لله
امالا حبيت نعطيكم الخبرة تاعي و انشاء الله تاخذوا بالنصائح لانني والله غير راني نكتب من قلبي و نتمنالكم الفائدة


اولا و قبل كل شيء
نحن كيف نخزن المعلومات
و لعلمكم مخ الانسان قادر يوصل يحفظ 1 million gygabite
و هو ما يعادل تسجيل قناة تلفزيونية 24/7 لطول 360 سنة
الله يبارك


اذن ما احتاجك ان تفعله الان هو ان تمحي و نهائيا و تقتنع انك قادر على الحفظ مثل اي انسان اخر
ماكاش انسان احسن من الاخر في الحفظ هذي خذوها من عندي و اذا مقتنعتش نعطيك الدليل في كومنت
و لكن الاختلاف في طريقة الحفظ


الان نتحدثوا على ألية حفظ المعلومات
حيث ان مخ الانسان يولد خالي من الخبرات (تقراوها في الفلسفة الله يستر ههه ) مثلا انت لا تعلم طعم و شكل تفاحة حتى تراها للمرة الاولي و يقولولك بانها تسمى تفاحة
و لكن لما تراها للمرة الاولى ( و راكم رايحين تقراو هذي العفسة في العلوم ) او تتذوق هذي التفاحة فان المعلومة تصل لمخك عبر اعصاب تتصل ببعضها وفق مشابك و هذه الاعصاب لها القدرة على حفظ الاشارة او المعلومة الواردة اليها عندما رايت التفاحة لاول مرة و بالتالي المرة الثانية اذا باباك جابلك تفاحة مع العلم انو راه غالي فانك بمجرد النظر اليها تعلم انها بالفعل تفاحة لان نفس الاعصاب الواردة الى المخ تنبهت و اعطت الاشارة السابقة و بالتالي راك حفظت معلومة في مخك
واقيل طولت عليكم و جوعتكم و لكن هذي هي الالية لي مخك يحفظ بها المعلومات





و بالتالي اهم النصائح لي عندي على الحفظ هي

اولا ما تحفظش حاجة ماكش فاهمها لانو راك رايح تضيع وقتك

ثانيا دايما احفظ بكامل حواسك يعني انت راك رافد الكراس المرة الاولى اقرا الدرس بعينيك ثم عاودو بصوت مرتفع اي انك لحد الان وظفت السمع و الكلام و الرؤية و زيد اكتب الدرس اذا قدرت و هذي تفيد كثيرا

ثالثا دايما اخدم ملخصات بكلامك الخاص لانك اذا جبت ملخصات واجدة ما راكش رايح تضيفلها اللمسة تاعك يعني الاسلوب اللي يمشي عليه عقلك في الكتابة و طريقة التعبير ...يعني كلما تدير ملخص باسلوبك الخاص راك تقترب من حفظ المعلومة بسرعة لانها بكل بساطة باسلوبك الخاص

رابعا قبل ما تبدا نظم روحك و ابعد كل ما يشتت عقلك كالمسلسلات تاع الترك هههه سيرتو لبنات
و اذا كانت حاجة تشوشلك عقلك حاول تتخلص منها او انساها يعني تجاهلها

سادسا دايما كي تشوف درس طويييييييييييييييييييييل ما تيأسش و تقول انك غير قادر على حفظه
لكن دايما قسموا الى وحدات ضغار و احفظ بلعقل ماكش رايح تجوز الباك غدا
لان المخ تعنا دايما عندو حد لاستيعاب المعلومات و اذا انت فت او تعديت هذا الحد اعرف بانك ماكش رايح تستفاد

سابعا
انا باش حفظت اكثر من 100 تاريخ عندي طريقة و هي مثبتة علميا
و هو انك تخدم الخبال و الابداع و ربط المعلومات مثلا تاريخ مشروع مارشال هو 5 جوان 1947 لكن انت احفظوا
على الشكل 1947/6/5 لان الارقام 5 6 7 على التسلسل
و كما ان ربط المعلومات مهم جدا اي انك وانت تحفظ في الشخصيات مثلا غورباشوف لازم تربطو مع واش دار و واش عمل في الاتحاد السوفييتي و مع الاشياء لي قريتها في الدرس

ثامنا نسيتها ممبعد نجيبهالكم
اه اني تفكرتها لازملك دايما تكرر على النحو التالي
اذا حفظت درس اليوم راجعوا فالليل لان المراجعة قبل النوم لها فائدة كبيرة و مثبتة علميا
ممبعد في اليوم التالي زيد راجعوا و لكن مشي غير تنوض الصباح
ثم بعد اسبوع
ثم بعد شهر
ثم في العطلة
ثم قبل اسبوع من الباك و مبروك عليك راك حفظتوا و تقدر تستعملوا حتى بعد الباك كمعلومات مفيدة

تاسعا انا عندي العاب و الله غير تقوي الذاكرة و تبينلك بانك قادر على تطويرها تحبوا نحطهم

عاشرا ريح ضرك و جيب شوي توت او جوز الهند طبعا اذا ماكنتش زوالي كيما حالتي ههههه
لان الجوز و التوت مليح بزاف للذاكرة و كذلك الحوت لانو ما تصيبش ياباني ميقراش مليح ههه اله يبارك عليهم






و اخيرا عاود ارجع للنصائح ما تصيبش النصيحة الخامسة و لكن لم تنتبه لها ياو ركز معاي و علاش راك مقلق على الباك
و نصيحتي اخيرا للذين راهم حابين يقراو في الصيف انا نقولكم تقدروا تكتشفوا القدرات العقلية لي ربي وهبهالكم احسن من ان تقراو الرياضيات او الفيزياء و زيد صدقني اذا درت منهج تحفظ عليه من ظرك لا خوف عليك لانك راح تتعود عليه و كي تروح طب ان شاء الله ما تنخلعش بالحفاظة بزاف
ممبعد نعطيكم ملخصات ايضا رااااااااااااااااائعة
وش رايكم نحل مدونة بكالوريا فيها كامل وش عندي من خبرات و نزيد نسقسي اعضاء باك 2015
ملاحظة باك 2015 لازم كامل تجيبوا 20 في التاريخ و ت اسلامية متخيبونيش
و السلام عليكم و رحمة الله و بركاته


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الشكر وقليل فيك اخي
فعلا افدتني لدرجة لن تتصورهــــــاــا
بــأركـ الله فيكـ وادخلك فسيح جنّــأتــه
وان سمحت لي سأضيف شيئين فقط
في مرة من المرات سمعت الشيخ شمس الدين يقول ان هذا الدعاء
اللهم اغفرلي ولي والداي
ولاهل الحقوق عليا
والمؤمنين والمؤمنات
والمسلمين والمسلمات الاحياء منهم والاموات
يقال بعد كل صلاة 3مرات يساعد على سهولة الحفظ
اما بالنسبة للشيء الثاني الذي قاله ايضا فضيلة الشيخ وكذلك سمعته من قبله من طرف جدّتي
والمتمثل في الزبيب في الصباح خاصة انه يساعد الذاكرة على الحفظ و التذكّــــر
عسى ان يفيدكمـ♥
تقبّــل مروري وتحيــأــأتــي

=========


>>>> الرد الثاني :

المشاركة الأصلية كتبت بواسطة nada.nawi8
الشكر وقليل فيك اخي
فعلا افدتني لدرجة لن تتصورهــــــاــا
بــأركـ الله فيكـ وادخلك فسيح جنّــأتــه
وان سمحت لي سأضيف شيئين فقط
في مرة من المرات سمعت الشيخ شمس الدين يقول ان هذا الدعاء
اللهم اغفرلي ولي والداي
ولاهل الحقوق عليا
والمؤمنين والمؤمنات
والمسلمين والمسلمات الاحياء منهم والاموات
يقال بعد كل صلاة 3مرات يساعد على سهولة الحفظ
اما بالنسبة للشيء الثاني الذي قاله ايضا فضيلة الشيخ وكذلك سمعته من قبله من طرف جدّتي
والمتمثل في الزبيب في الصباح خاصة انه يساعد الذاكرة على الحفظ و التذكّــــر
عسى ان يفيدكمـ♥
تقبّــل مروري وتحيــأــأتــي

thanks a lot sister
baraka alloho fiki
mazel ndir mawadi3 3la tari9at i5tyar w tandim lwe9t
w kayfa tata3mel m3a el 5awf f bac w others
mezelet el baraka
inchallah testfadou

=========


>>>> الرد الثالث :

خدوا بنصيحتوا راها مليحا انا عجبتني بزاف خدوا الخبرة بالتوفيق

=========


>>>> الرد الرابع :

السلام عليكم ورحمة الله تعالى وبركاته
رعاك ربي وسلمك أخي الطيب سليم.
أتيت إلى الموضوع استجابة وارتفاعا إلى طلبك
نشكرك على ثقتك وطلب تقييمنا لموضوعك
أبصم على ما كتبته بجميع اصابعي وكفيَّ
أُكبر فيك اهتمامَك بغيرك، وإرادتَك الخير لهم، ونصحَك إيَّاهم.
نرجو من الله لك السَّداد والرَّشاد كما نسأله أن يرزقك الصدق والإخلاص والفوز والخلاص يوم لا مناص
كتبك الله في الناجحين في الدارين
سلام..


=========


>>>> الرد الخامس :

ان شاء الله استفيد من نصائحك

شكراااااااااااا


=========


حفظكم الله على تجاوبكم مع الموضوع
شكر خاص لاستاذنا الفاضل قاسم و حفظك الله في مشوار التدريس و ما اعظم هذا المشوار و اصعبه من ناحية المسؤولية


المشاركة الأصلية كتبت بواسطة salimabdi
حفظكم الله على تجاوبكم مع الموضوع
شكر خاص لاستاذنا الفاضل قاسم و حفظك الله في مشوار التدريس و ما اعظم هذا المشوار و اصعبه من ناحية المسؤولية

السلام عليكم ورحمة الله تعالى وبركاته
بوركت فاضلي "سليم"
لا شكر على ما أوجب علينا ربُّنا "الدين النصيحة"
والله نحن مُقصرون نسأل اللله العفو والمعافاة على ما بدر منّا مِن هِنَات وزلات وهفوات..
كلنا راع وكلنا مسؤول عن رعيته فالتلميذ مسؤوووووول كذلك إن كان ناصحاً
بوركت أخي نحن أقل بكثير من مدحك ولَيْتَني "فاضل" كما أشرت
بارك الله فيك..


الله يوفق كل واحد منا لما يحب و يرضى

upppppppppppppppppppppppppppppppppp

win rakoooooooooooooooooooooooum

موضوع رائع ومهم
انا طريقتي في حفظ التواريخ تعتمد على تقسيمها حسب الشهور
حيث يمكن بهذه الطريقة اكتشاف التشابه بين التواريخ
مثل
24 فيفري 1955
24 فيفري 1956

علاه مقلاهاش من زمان انا التاريخ والجفرافيا كنت داخلة على الله ماعدا الاسلامية اليدرت فيها مجهود

ana 8ad l3am 3aguebt m3akum hhhh
ya ali nta ak t5amem kifi ana tan dert 8adiik l 3afsa
tari5 lewel te3 7ilf berded w zewedj te3 iti7ad 3am lil3oumal djazayriyine hhhh
w zid tegder tdir 14/2/1956 te3 iktichaf pitrol fel sa7ra

aya bon ani tfakart 3afsa jdida
عاشرا لما تكون تحفظ حاول تدخل مشاعرك في الحفظ مثلا الحقد على الوم ا و ما فعلته في العراق و هذا في درس مظاهر النظام الدولي الجديد و لما تكون تراجع سوف تصلك المعلومة بسرعة لانك وظفت فيها مشاعرك و هذي المعلومة صح تبقى راسخة حتى بعد الباك جرب ثم احكي
والسلام

kayen 3afsa tani for ani tfacart8a
la memoire ta3i ay tro7 hhh
النصيحة الحادية عشر
اذا مقدرتش تحفظ درس تع تاريخ لي هو مثلا عبارة عن حرب بين فلسطين و الوم ا
لا تحاول وضع خريطة ذهنية لانها ماهيش فعالة في دروس الباك و تخربطك برك
و لكن اذا كانت عندك مخيلة حية كيما انا ههه حاول ان توظفها يعني اتخيل السيناريو تع الحرب و دير فيه ما يهم من المعلومات و لكن جسذها و رد لي الخبر