عنوان الموضوع : الفرحة لم تكن بسبب المواضيع السهلة و لكن الغش السهل للثالثة ثانوي
مقدم من طرف منتديات العندليب

الفرحة لم تكن بسبب المواضيع السهلة و لكن الغش السهل
إن لم تتخذ الوزارة إجراءات استعجالية سيكون النجاح حليف الغشاشين و بنسبة غير مسبوقة في تاريخ الجزائر، شاهد عيان يروي بأن استعمال أجهزة غش جد متطورة يقتنيها الأولياء لأبنائهم لاستعمالها في الغش يوم الباك.
- تصوروا يستعملون في داخل الأذن حبة مطاطية شفافة ، وهي عبارة عن جهاز استقبال صوتي، يعمل مع هاتف محمول صغير الحجم و مخفي .و في حالة الإحساس بالخطر يقوم الطالب المتر شح الغشاش ببلع تلك الحبة و تختفي الحجة..للعلم فهي غير مضرة بالجسم.
- و يشارك كذلك الولي بتسبيق نقود لتلميذ غير معني بالباكالوريا و لكن فقط من أجل الخروج قبل الأوان ليسلمهم موضوع الامتحان ثم يقوم الولي و مساعدوه بإملاء الحلول على ابنهم المترشح...
- و تجدر الإشارة أن الأساتذة الحراس لم يتدربوا على طرق الغش بالوسائل التكنولوجية و الكثير منهم يجهل وجودها فما بالك باستعمالها....
- سبق أن وعدت معالي الوزيرة باستعمال أجهزة تشويش في محيط مراكز الامتحان وهو مالم يحدث و تأكد منه المترشحون الغشاشون، فكانت لهم فرصة العمر(النجاح السهل و على حساب التلاميذ المجدين الذين أجهدوا أنفسهم خلال السنوات الماضية) .
- إن كان لا يمكن للوزيرة استعمال أجهزة التشويش على الهواتف النقالة ،فلما لا يقطع استعمال الهواتف النقالة كلها في الوقت الذي تجرى فيه الامتحانات...و هذا في سبيل إنقاذ التلاميذ المجدين من خطر زملائهم الغشاشين.
- ما سيقدم للجامعة سيكون أكثر رداءة من السنوات السابقة .اللهم نسألك اللطف بوطننا و احفظ جامعاتنا من زحف الغشاشين.آمين آمين آمين آمين...


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الغش في الباك اصبح شيئا عاديا
يبدو لي ان الدولة غيرة جادة في محاربته

=========


>>>> الرد الثاني :

صح كاينـة و شفتها في الباك تاعي =>2012 بأم عيني
والله العظيم بالمراقبين برئيس المركز بالحراس كامل متواطئين
تكتب في ورقة المحاولات تاعك , تغفل عليها ما تلقاهاش , تتحم عليك تحل في ورقة الإجابـة مباشرة...
تغفل على ورقة الإجابة تاعك تلقى واحد من الاساتذة صورهالك
الناس كامل تحكي بالبورطابلات.. و ناس تحل مع بعضاها
وش يغيضك تعبك و سهرك عام كامل و مبعد يجي يديها فلان بالساهل .

حسبنا الله و نعم الوكيل منهـم و ما يدوم غير الصح
فما بني على باطل فهو باطل


=========


>>>> الرد الثالث :

واش فيها بصحتهم ان شاء الله ينجحو انت اقرا و انجح بدراستك و الباقي ميهمكش خويا
انا الصراحة لوكان قدرت نقل و الله غير راني نقلت الله غالب راني في بلاد كلش عادي فيها

=========


>>>> الرد الرابع :

سبحان الله !
يدير لي عليه و يقرى , و الباقي على ربي إبتلاء أو نعمـة.

=========


>>>> الرد الخامس :

إذا ماعشناش بالغش و الطرافيك مانقدروش نعيشو في هاذ البلاد اللي سموها الجزاير ياو دير كيما خاوتك ونيّل اللعب مكاش اللي رح يسمع بهدرتك اوفيسيال كاين ولاد الدولة راهم يفوتو......

=========


المشاركة الأصلية كتبت بواسطة walter white
صح كاينـة و شفتها في الباك تاعي =>2012 بأم عيني
والله العظيم بالمراقبين برئيس المركز بالحراس كامل متواطئين
تكتب في ورقة المحاولات تاعك , تغفل عليها ما تلقاهاش , تتحم عليك تحل في ورقة الإجابـة مباشرة...
تغفل على ورقة الإجابة تاعك تلقى واحد من الاساتذة صورهالك
الناس كامل تحكي بالبورطابلات.. و ناس تحل مع بعضاها
وش يغيضك تعبك و سهرك عام كامل و مبعد يجي يديها فلان بالساهل .

حسبنا الله و نعم الوكيل منهـم و ما يدوم غير الصح
فما بني على باطل فهو باطل


راك قلتها بنفسك مراقبين واساتذة ورؤساء اانة وووووووووو فلماذا تلوم فالمساكنالي يزيروعليهم فالباك يعني الغش يا للكل يا يمنععن الكل مش فلان وعلان ولي مش حاب يكوبي يرجعلو بصحاخطوكم يغش ويقرا وبالاك يتصلح حالهم خير من ومن ومن ..... سقسو عالباكات السابقة صرا كتر 2007 كانت كارثة واحد ما هدر وضرك مسكين التلميذ الي مالقاها لا مالاساتذة الي كل يوم فياضراب نهار يقرا ونهار فالدار ولا من المسؤولين الي يتعاملوا مع فلان وفلان ولا ولا حتى المنظومة التربوية مشمفهومة بربيعليكم وشكون يقدر يحف 30 درسفي كل درسمقالة قد المجلد نرمالموا الادبييفوت ادب ورنسيا
فلسفة فرنسية او انجليزية علاه 7 مواد ومبعد يتخصص ادب ولا فلسفة والاخرى لا علاقة يقرا ويفهم ومايهمش الباك واللهام الباك ماه مقياس للعلم خاطر ممكن شخص يكونمش فينهارو الضغط التعب جهد النفسي والجسد ي في اي عام كامل يضيع بسبب ذلك حرام والله لكان يكون لباك امتحان عادينجاحالطالب ويشكل الطالب يحسو عقبةوحاجة تعيقمستقبلو والله رح يتحسن المستوى العليمي فالجزائر خف الضغط عليهم حرام تزيدو عليهم ربي ينجح الجميع


خويا نقولك حاجة وديرها في بالك مليح

الباك تربح ولا ماتربحش سي كيف كيف صدقني

ما ولاش عندو قيمة

انا ضك واحد يقولي رابح الباك تجيني حاجة عادية جداااااااا

ماشي كيما كانت بكري تسمع كلمت يا محاينك ياو ربح الباك (( كان حاجة كبيرة ))

ضك ولاد حاجة صغير بزااااااااف

لان معروف كيفاه ولا يجي النجاح

انا فوت العام اللي فات وما ربحتش

قلت ماتزيدش نفوت خلاص

وتوجهت للحياة المهنية والحمد والشكر لله

وراني قريب نزوج ونعرضكم

بلا باك بلا تياوات و زمارات تاع وجع راس تاع لبلاد

الباك والجاميعة .......الخ

يا والله يجو يطبطبو عليا في دار ههههههه بمعدل مليح مانخرج ليهم ما نستحق

اللي راه يدير على الباك انا في نظري انسان جايح خاصة توع الاحرار هههههههههههههههه


ياو شمر على ذراعتيك ورح تخدم ياو ولد الناس ابني مستقبلك

ماتديرش على التسلية تاع الباك والجاميعة




امييييين و اصلالا الوزيررة لا علاقة :3

انا قريت وجبت الباك في 2009 وتخرجت وراني شاد الحيط يا جماعة ندمت اللي جبت الباك لوكان راني مجبتوش لوكان كي صحابي راهم خدامين شبه طبي واعوان

يا خوية في هذه الدولة اللي يتعب ويقرأ يشد الحيط واللي مايقراش ....

زينو الاغواطي

والله انا واحد من اللي هدرت عليهم

لبلاد ماهيش سيريو كون جات سيريو وشفت العدل فيها والله غير نورمال ونعاود الباك

لكن باي باي

والحمد والشكر لله

الا البكالوريا لا لا لا (( حشوة لشعب ))

الناس تخدم وتبني في مستقبل وناس قاعدة تحلم باه تجيب الباك ههههههههههههههههههههههههه


شكون هدا 007

السلام
انا اختلعت من الردود سبحان الله
لا يغير الله ما بقوم حتى يغيروا ما بهم

و ما تبقاوش تقولو رانا فبلاد الغش و ...و...و...
نتوما هوما جزائر المستقبل ايا اتريقلوا من درك
باش تبنيوا الجزائر اللي راكم تحلموا بيها

شكرا لصاحب الموضوع و يستحق يشوفوا فهاذ المشكل من الوزارة
و الله يسهل على اصحاب الباكالوريا الغير غشاشين

المشاركة الأصلية كتبت بواسطة human-being
nta machi normal sahbi ana rani m3ak wesh rk t9ol wesh bik takol fi rohek ?

راني معاك في الهدرة كنت نهدر على هذا اللي دار الموضوع . واش نقولك يا صاحبي شعب ميت

شكون هدا 007 لغش بهده الطريقة...........