عنوان الموضوع : انا جد جد حيران لتحضير البكالوريا
مقدم من طرف منتديات العندليب

السلام عليكم و رحمة الله و بركاته
اما بعد انا تلميذ 3 ثانوي اريد تقديم طعن لرجوع الى المؤسسة التي ادرس فيها و ليس لدي اي فكرة عن كيفية كتابة الطعن ارجوا منكم المساعدة انا انتظر ردودكم و شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مفهمتش جبت الباك و تحوس تعاودو ؟؟؟؟
و لا حولوك من المؤسسة لكنت تقرى فيها ؟؟؟

=========


>>>> الرد الثاني :

على ما اظن كتب ولي الامر انتاعك مراسلة الى مدير الثانوة او يروح بروحو يقابل المدير

=========


>>>> الرد الثالث :

يا جماعة انا خسرت الباك و راني حاب نولي نقرا بساح فالبيلتا ديرينلي يوجه الى الحيات العملية انا هادي خاترتي لولى لعاودت فيها راني باغي ندير طلب خطي باش نولي .

=========


>>>> الرد الرابع :

روح للمدير أهدر معاه و إذا محبش قول للوالد نتاعك يطلع للأكاديمية يهدر معاهم ثم
نضن يقدرو يفروهالو
+
إذا محبتش تفرالك ننصحك عقب بالمراسلة و اهدر مع المدير يخليك تحضر لدروس مع كاش كلاسا بدون تسجيل ....

=========


>>>> الرد الخامس :

تكلم مع اساتذة تعرفهم وسقسيهم

=========


با اخ قدم شكوى ضد المدير الى الاكاديمية


عندك الحق تعاود جيب ولي امرك يهدر معاه بصح اذا كنت خسرت بخمسة او ستة ما ظنيتش يوافق

أخي في بداية السنة يمكنك وضع طعن ....... وتكتبه مثل ما تكتب طلب خطي بنفس الطريقة وفي الموضوع تكتب طلب استعطاف أو اختر اي عنوان

وبعد تكتب لي عظيم الشرف أن أتقدم إلى سيادتكم المحترمة بطلبي هذا المتمثل في إعادة النظر في قراركم في توجيهي إلى الحياة العملية والسماح ومنح فرصة لي بتكرار السنة والعودة إلى مقاعد الدراسة لأستفيد من اساتذتي ولتبادل المعارف مع زملائي واحيطكم علما أنه لم يسبق لي أن رسبت في البكالوريا في حين تعد هذه الأولى لي ولم اعد السنة في الثانوية.... وهنا زيد كاش كذبات أسباب تضعها لتقوي طلبك مثلا لصعوبة الدراسة وغيرها

وفي انتظار ردكم تقبلوا مني فائق الإحترام والتقدير


امضاء المعني


اخي لاتكتب الطلب وتقعد تستنى بالعكس اذا عندك معرفة استعن بها هذه ادارة جزائرية وزد إلى هذا أن قرار عودتك لا يتخذه مدير الثانوية وحده بل ينعقد مجلس بحضور اساتذة فأنت اسأل لي تعرف من هم الأساتذة الذين سوف يشاركون فيه وتحدث معهم وتمسكن شوي راك تعرف العقلية
بالتوفيق انشاء الله


عندك كامل الحق اخي انس

شكرا لكم لحباب و رابي يحفاضكم و خاليكوم