عنوان الموضوع : نصيحتي لكم
مقدم من طرف منتديات العندليب

السلام عليكم
شفت مواضيع كثيرة تتحدث عن تنظيم الدفتر لي راح نقولهلكم التنظيم هو الكتابة بخط مفهوم فقط
الدفاتر لي تهتمو بيها اكثر دفاتر الدروس الخصوصية او التمارين لان دفتر رياضيات القسم لا تحتاجو الدروس و الفيزياء احيانا تحتاجو الدروس
اما العلوم فيلزمله تنظيم خاص والفرنسية لا علاقة بدروس مع الباك https://www.djelfa.info/vb/images/smilies/1.gif
لي بغيت نوصلو اهتمو بكراريس الدروس الخصوصية اكثر هي من تساعدكم واكثرو الالوان
واهم حاجة نظمو وقتكم خاصة في الصباح الباكر ايام الجمعة وسبت متقولوش نقرو مورا الفطور بعد الماكلة يبانلك غير الرقاد خاصة في الشتاء
واي اسئلة عن اي مادة تفضلو


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كل الشكر والامتنان لك اخت ميمي
على النصيحة القيمة
واوافقك في كل ماقلتيه
وان شاء الله نعمل بالنصيحة
بوركت وجزاك الله كل خير
تحياتي


=========


>>>> الرد الثاني :

شكراً................................

=========


>>>> الرد الثالث :

العفو واي استفسار لا تترددو

=========


>>>> الرد الرابع :

Merci pour les conseils
ena rani hayer fi les cahiers li ndirhom fi chaque matière (surtout science+math+physique)
goulouli chta ndir
par exemple kayen fi lmath cahier pour les leçons+pour les exercices+pour les cours de soutien+juste pour les résumés
wela kfech ??
rabi ywafa9na kamel inchallah


=========


>>>> الرد الخامس :

شكرا على النصيحة ممكن تساعديني في كتابة برنامج المنزلي وتبعتيلي ملخص الدروس للعلوم و الفيزياء و الفرنسية الى فايسبوكي samarra krouz plz

=========


اخي انا العام لي فات درت روجيست لكل مادة علوم فيزياء ومات وقسمته لقسمين قسم الدروس وقسم التمارين بصح قليل من حله هه درته على جال الاستاذة فقط
وفي ليكور وصلت ل2 روجيست في الرياضيات و واحد علوم وتقريبا 2 فيزياء منظمين
وفي البت استعمل اوراق لحل التمارين والاستاذة تصححهملي والملخصات في المواد العلمية لا انصحك بها خاصة العلوم مهما اكتسبت معارف اكثر فهي لمصلحتك
انا شخصيا لا اعتمد على الملخصات فيها نقصان ومرات تلقاها خارجة على البرنامج كانت عندي طريقة في العلوم لما نكمل الوحدة اجمع المعلومات الموجودة في دفتري والدفتر الدروس الخصوصية واونها في ورقة اما في المواد الادبية اسلامية وتاريخ وجغرافيا الدروس اعتمد على القسم فقط واذا كنت تجيد التعبير افهم فقط التاريخ واحفظ الشخصيات والمصطلحات و الجغرافيا مصطلحات + فهم وحفظ بعض العناصر متضيعش وقتك وتحفظ كالببغاء
ربي يوفقك خويا


المشاركة الأصلية كتبت بواسطة MIMI STARA
شكرا على النصيحة ممكن تساعديني في كتابة برنامج المنزلي وتبعتيلي ملخص الدروس للعلوم و الفيزياء و الفرنسية الى فايسبوكي samarra krouz plz


البرنامج المنزلي يكون على حساب وقتك مثلا تخرجي على4.30 خذي وقت للراحة وبداي على 5.30
المادة لي ضعيفة فيها اقريها كل يوم حتى وتحلي تمرين فيها المهم كل يوم
مثلا من 5.30الى 7 رياضيات من 8 الى 9 فيزياء ومن 9 الى 10 مادة ادبية ولا ارقدي على 9 و 5 صباحا مادة للحفظ واتركي المواد الادبية مثل الفرنسية انجليزية يوم الجمعة والسبت
وهذا مثالhttps://www.ency-education.com/bac-home_timing.html
فيما يخص الفيزياء مكنتش ندير ملخصات لانها لا تفيد احسن طريقة متابعة الدرس في القسم وحل التمارين
العلوم انصحكي بالكتاب المدرسي وثائقه جد مهمة وحضري الدرس باش تفهمي مليح وهي مادة جد ممتعة ولا انصحكي بالملخصات لانها تنسيك معلومات قد تكون عليها نقاط حاولي تكوني ذكية وتتعرفي على الكلمات المفتاحية مثال الانزيم هو وسيط حيوي ذو طبيعة بروتنية يساهم في تسريع التفاعل دون الدخول فيه
تلقاي الكلمات هي وسيط حيوي . بروتينية تسريع التفاعل فهمتي
اما الفرنسية فاكتفي بالمتابعة الاستاذ فقط وتدرب على الوضعيات
ربي يوفقك اختي دك ناجوتيك

المشاركة الأصلية كتبت بواسطة mimi-2014
السلام عليكم
شفت مواضيع كثيرة تتحدث عن تنظيم الدفتر لي راح نقولهلكم التنظيم هو الكتابة بخط مفهوم فقط
الدفاتر لي تهتمو بيها اكثر دفاتر الدروس الخصوصية او التمارين لان دفتر رياضيات القسم لا تحتاجو الدروس و الفيزياء احيانا تحتاجو الدروس
اما العلوم فيلزمله تنظيم خاص والفرنسية لا علاقة بدروس مع الباك https://www.djelfa.info/vb/images/smilies/1.gif
لي بغيت نوصلو اهتمو بكراريس الدروس الخصوصية اكثر هي من تساعدكم واكثرو الالوان
واهم حاجة نظمو وقتكم خاصة في الصباح الباكر ايام الجمعة وسبت متقولوش نقرو مورا الفطور بعد الماكلة يبانلك غير الرقاد خاصة في الشتاء
واي اسئلة عن اي مادة تفضلو

شكرا اختي ميمي انا نحاول اني نظم ولكن في ليكور يزربونا في الوقت تاع الكتابة ومن يروح هداك التنظيم اوافقك الراي 1000% و شكراااااااااااااااااااااااااااااااااااااا

المشاركة الأصلية كتبت بواسطة زهرة الخريف14
شكرا اختي ميمي انا نحاول اني نظم ولكن في ليكور يزربونا في الوقت تاع الكتابة ومن يروح هداك التنظيم اوافقك الراي 1000% و شكراااااااااااااااااااااااااااااااااااااا

صح يزربو في الكتبة بصح تقدري تكتبي ما هو مهم بالاحمر ولا كي تروحي للدار تسطري عليه + المواضيع لي يمدوهم في ليكور متخليهمش مبعثرين
لصقيهم كي توصلي للدار وكي تبداي تراجعي وهاكا يكون منظم فالبساطة لوحدها جمال

شكرا أختي أنا سألتحق عند أستاذين مختلفين في الدروس الخصوصية فيزياء و أحببت أن أضع لهما كراس واحد كبير أقسمه نصفين فهل سيكفي ؟ أو من الأفضل لكل أستاذ كراس

المشاركة الأصلية كتبت بواسطة ضوء شمعة
شكرا أختي أنا سألتحق عند أستاذين مختلفين في الدروس الخصوصية فيزياء و أحببت أن أضع لهما كراس واحد كبير أقسمه نصفين فهل سيكفي ؟ أو من الأفضل لكل أستاذ كراس

اختي من الافضل استاذ واحد اختاري الاحسن هكذا رايحة تتخلطي لان طريقة الاستاذ تاع القسم وتزيدي استاذين اخارين متلقايش روحك
تبقاي مودرة استاذ واحد وركزي احسن من 2 والوقت ضيق ميبقالكش وقت تراجعي في الدار خاصة كي يجي افريل تكرهي من الدروس الخصوصية الافضل واحد لكل مادة ومن بداية العام حوسي على لي يساعدك في جانفي تبداي تبدلي تتخلطي هاذا الخطا درته انا في الفيزياء وتحصلت على علامة ضعيفة وهي لي هودتلي المعدل السبب التنقل بين الاساتذة
ربي يعاونك اختي خمي مليح

شكـــرا على النصيحة ... سوف أعمل بها بإذن الله تـــعالى

وفقك الله اخي

بارك الله فيك اختي العزيزة

شكرا على النصيحة فعلا معك حق