عنوان الموضوع : بين نارين الاستخلاف ام الادماج اعلان توظيف
مقدم من طرف منتديات العندليب

بسم الله الرحمان الرحيم

السلام عليكم

بعد سنة و نصف من الادماج هل اتخلى عن منصبي الوهمي و انتقل للاستخلاف == لمدة 3 اشهر فقط == على الاقل يحسب في المسابقات

الادماج لا مستقبل له لكن ايضا ماذا بعد الاستخلاف


سؤال محير اتمنى المساعدة اتخلى عن الادماج ام انسى الاستخلاف


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

kan sa3douk win takhdem tnejem tahkem men w men matseyebhmch fi zouz

=========


>>>> الرد الثاني :

السلام اختي انا في رايي ماتخليش الادماج الي كل شهر تسلكي فيه على جال 3 اشهر استخلاف مانعرفش وكتاش يدخلك دورو منو ومنعرف تزيدي تلقاي استخلاف واحد ولا لا لوكان غير جا استخلاف عام بالاك تفرطي المهم نعطيك حل اذا ادماج تاعك في قطاع التربية حاولي انك ديري استخلاف وتجميد مؤقت للادماج مع تعهد بعدم العمل بهما الاثنين و كي تكملي تسترجعي ادماجك عادي .علابالي رايحة تقولي بلي وين صرات هذي انا نحلفلك بلي عندنا في خنشلة وحدة دارولها هكذا .وانت سقسي مليح اذا يصلح هذا الحل والحل الثاني اذا ادماجك من البلدية او اي قطاع اخر تقدري تستخلفي عادي

=========


>>>> الرد الثالث :

إدا راكي حابة تكوني استاذة في المستقبل قري إستخلاف
c vrai الادماج خلاصو كل شهر ( واش من خلاص ) mais مايوصلكش للتعليم

=========


>>>> الرد الرابع :

السلام عليكم
بخصوص الاستخلاف
أولا لاشيء مضمون يعني قادرين في اي لحظة يوقفوك و يعينوا كاش واحد عرف
ثانيا فيما يخص الخبرة بالنسبة للأساتذة لايهم عملتي من قبل في التعليم او في قطاع اخر
و اخيرا بالنسبة للشهرية ما تديهاش حتى السنة القادمة و انتي و زهرك
نعرف واحد خدم استخلاف العام الماضي 3 أشهر
حتى السنة هده خلص و خلصوه على شهرين فقط
نصيحتى ليك اذا المنصب لي راكي حاكماتو مضون ما تبدليش الحاضر بالغايب
و صلي صلاة استخارة و الله ولي التوفيق

=========


>>>> الرد الخامس :

وحدة تخدم معايا عقد تاعها من مديرية التربية دارت إستخلاف شهر و نص في هذاك الشهر ما دفعتش البوانتاج تاعها حتى كملت الاستخلاف ممبعد دفعاتو بالروطار و خلصت عليهم في زوج و ما دارولها والو و الله أعلم ربى يوفقك ان شاء الله

=========