عنوان الموضوع : تلاعبات جديدة في مسابقات التوظيف 2015 اعلان توظيف
مقدم من طرف منتديات العندليب

السلام عليكم اخوتي موضوع مهم جدا راه يدور هدا الايام لوكان تشوفو بان الكثير من المسابقات التي اعلن عنها سابقا قبل بداية اعلان التقشف من قبل الوزير الاول و كانت المعطيات تقول انو المسابقات تجرى في مواعيدها الان كل شئ تغير صدقوني كاين صديق لي رايح يجوز مسابقة كانت عادية جدا و من بعد هو حوس على المعريفة باش ينجح ايا قالوا واحد تخلص رشوة 30 مليون ندخلوك تخدم الوظائف و المناصب راهي غلات و صدقوني اخر المسابقات هادي لي راهي تجري حاليا راهي عليها ضغط قوي و كبير جدا من طرف اصحاب النفود و المعارف بسبب اعلان التقشف و المناصب اصبح عليها حرب كبيرة انا رسميا كنت رايح نجوز 2 مسابقتين بقاولي و دفعت فيهم في سبتمبر ايا كي عيطتلهم قالولي مازال مكانش جديد و موصلوناش ملفاتكم من الوظيف العمومي و واحد صاحبي قالي كدابين راهم زقاو لمعارفهم يخدمو و نتوما مجرد شباح برك في حين نعرفو بلي اي ملف مسابقة تبعثو و لا تحطو بيدك في شهر يتم اما قبولك او رفضك و المسابقات كانوا ميطولوش فيهم في الوقت يعني الوظيف العمومي يرسل قائمة المقبولين لادارة المؤسسة الممتحنة و درك راهم يعطلو بلعاني و بالتالي مسابقات 2015 خاوتي فيها لعب كبير و صراحة قرررت ان لا ادفع في اي مسابقة من الان فصاعدا لاني راني نشوف بعيني بلي الحالة راهي تصعاب و حنا مكاين والو عندنا ربي ايا نقولكم الله يوفق لي يستهل و ربي ينجحكم ايا سلام.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحالة راخى راح تتخلط جدا

=========


>>>> الرد الثاني :

لا اله الا الله محمد رسول الله، وضعت العديد من الملفات ، ولا جديد حقيقة .الظاهر ان كلامك صائب ياأخي مصطفى .

=========


>>>> الرد الثالث :

و الله فيروز الكلام ماشي قلتو من راسي راني نشوف فيه بعيني المناصب اصبحت غالية و راهم يبزنسو فيها بالشراء و البيع و القادم احلى هادا كلو بسبب الفساد و سياسة جوع كلبلك يتبعك نوكلو ربي عليهم

=========


>>>> الرد الرابع :

السلام عليكم
اخي خلي ايمانك بالله قوي
الله اقوى من هؤلاء الحثالة رزقك عنده وهو لي كاتبلك الوقت انت توكل عليه ربي يفرج على كل مؤمن صابر

=========


>>>> الرد الخامس :

يااااااااااااااااااااا لاطيف الله يكون في العون نشالله

=========


شارك والرزق بيد الله


الحمد لله على كل شئ، ربنا يوفقنا أجمعين ياأخي مصطفى ، لكن شئ أكثر من مؤسف ، الحق في وطني اصبح حلما

حـسبي الله لا إله إلا هو عليه توكلت و هو رب العرش العظيم

حسبنا الله ونعم الوكيل

المشاركة الأصلية كتبت بواسطة mustapha boyka
السلام عليكم اخوتي موضوع مهم جدا راه يدور هدا الايام لوكان تشوفو بان الكثير من المسابقات التي اعلن عنها سابقا قبل بداية اعلان التقشف من قبل الوزير الاول و كانت المعطيات تقول انو المسابقات تجرى في مواعيدها الان كل شئ تغير صدقوني كاين صديق لي رايح يجوز مسابقة كانت عادية جدا و من بعد هو حوس على المعريفة باش ينجح ايا قالوا واحد تخلص رشوة 30 مليون ندخلوك تخدم الوظائف و المناصب راهي غلات و صدقوني اخر المسابقات هادي لي راهي تجري حاليا راهي عليها ضغط قوي و كبير جدا من طرف اصحاب النفود و المعارف بسبب اعلان التقشف و المناصب اصبح عليها حرب كبيرة انا رسميا كنت رايح نجوز 2 مسابقتين بقاولي و دفعت فيهم في سبتمبر ايا كي عيطتلهم قالولي مازال مكانش جديد و موصلوناش ملفاتكم من الوظيف العمومي و واحد صاحبي قالي كدابين راهم زقاو لمعارفهم يخدمو و نتوما مجرد شباح برك في حين نعرفو بلي اي ملف مسابقة تبعثو و لا تحطو بيدك في شهر يتم اما قبولك او رفضك و المسابقات كانوا ميطولوش فيهم في الوقت يعني الوظيف العمومي يرسل قائمة المقبولين لادارة المؤسسة الممتحنة و درك راهم يعطلو بلعاني و بالتالي مسابقات 2015 خاوتي فيها لعب كبير و صراحة قرررت ان لا ادفع في اي مسابقة من الان فصاعدا لاني راني نشوف بعيني بلي الحالة راهي تصعاب و حنا مكاين والو عندنا ربي ايا نقولكم الله يوفق لي يستهل و ربي ينجحكم ايا سلام.

و الله حبيت نعرف كيف يتم التوظيف في الجزائر أنا عندي زميلة شاركت في مسابقة توظيف على أساس الشهادة جامعة قسنطينة 1 رغم أنه لم يتم طلب التخصص الذي درسته إلا أنه تم قبول ملفها و للعلم أنها مرسمة بمنصب و تعمل في مقر الولاية الكائن بحي دقسي و الأمر من هذا أنها نجحت في مسابقة التوظيف الخاصة بجامعة قسنطينة 1 من فضلكم فهموني برك كيفاش واحد مالقاش خدمة واحدة و الأخر يخير و الأمر و الأدهى أن التخصص المطلوب لا يتطابق مع تخصصها و رغم ذلك تقبل ملفها و نجحوها واش نقولوا الله لا تربحكم

نورمال موالفين..............التلاعب من بكري.....و انا من بكري مكانش معريفة...............مليح هكدا باش يذوقو معانا ناس خلاف

اخي مصطفى
اتقي الله و خلي ايمانك بالله وحده و ماتفقدش الامل
اذا سمعت عن مسابقة ادفع و الرزق على الله
الله سبحانه و تعالى قالك اسعى
و مادامك تسعى فأنت في عبادة الله
نحكيلك على قصتي
انا ايضا كنت مثلك
نفوت المسباقات و ندفع les CV
و ماكان والو حتى اصابني الملل و الاحباط
حتى مرة قال لي صديقي انت اسعى و الله يرزقك من حيث لا تحتسب
حتى مرة اتصلت بي زميلتي قاتلي هناك منصب عمل شاغر في شركة روح ليهم (هي كانت حابة تخدم في تلك الشركة و لكن لأنها فتاة و العمل بالشركة يتطلب السفر ماقبلتش)
العبرة هي انت اسعى و توكل على الله
و الله ما تغرف مين تجيك

شكرا و بارك الله فيمن اعطاني دفعة اخرى لاشارك في مسابقات اخرى لكني صدقوني هو قراري و لن اتراجع عنه لان ما يجري مهزلة عشرات المسابقات و المناصب المقترحة 2 و 3 و 4 اخوتي الامور لم تعد كما كانت بارك الله فيكم هرمنا صراحة على العموم بالتوفيق لكم جميعا