عنوان الموضوع : مشكل اثبات وضعية الخدمة الوطنية لـ La das
مقدم من طرف منتديات العندليب

السلااام عليكم و رحمة الله تعالى و بركاااته اخواني ...

ها راكم تشوفو في كل مرة الواحد يقول تهنى و فراها يلقى مشكل أكبر

على كل حال مشكلتي أني بعد ما خرجت من ثكنة تلمسان اينابت مدولي وثيقة توجيه و انا كي البهلول هههه ما درتش فوطو كوبي و مديتهالهم ديركت بقيت بدون اثبات اتجاه الخدمة الوطنية ... و قالولي بعد اكثر من شهرين جيب 2 تصاور ترفد الريفورم تاعك ...
الالمهم ان بعد ما شفت بلي لانام غالقين حبيت نحط في لاداس تفاجئت في الملف تاعهم باثبات وضعيتي اتجاه الخدمة الوطنية

جات في بالي نحط هذيك الوثيقة تع الخدمة الوطنية بلي مسجل في البلدية مانعرف اذا يقبلوها أو لا و في رأيي من الاحسن نهبط لبليدة نقولهم يمدولي كاش اثبات ... هل يمدولي أو لا ؟؟ و كيفاش ندير باش يمدولي ؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ورقة التسجيل لا تقبل ، الحل الوحيد انك تتجه للمركز وتقولهم أني دفعتلكم النسخة الأصلية و مالقيتش باش نشارك في مسابقات التوظيف ، أعطيه البطاقة و هو يشوفلك و يعطيك نسخة جديدة ان شاء الله

=========


>>>> الرد الثاني :

حاول يا منير وروح ليهم في مكتب التجنيد

=========


>>>> الرد الثالث :

ان شاء الله ياارب ... بارك الله فيكم

=========


>>>> الرد الرابع :

امر التوجيه من المدرسة للمركز لا يعد وثيقة تثبت وضعيتك

حتى لو كانت عندك لن تنفعك


لا بد من وثيقة منمركز التجنيد

=========


>>>> الرد الخامس :

لا انا صاحبي شارك بيها وربح في مسابقة ودار محضر التنصيب بيها

وراهو عضو في منتدى ممكن تتكلمو معاه ويفهمكم

=========