عنوان الموضوع : رأي ومساعدة عاجلة من فضلكم
مقدم من طرف منتديات العندليب

السلام عليكم ورحمة الله تعالى وبركاته
انا من متتبعي هذا المنتدى الذي يجمع كل الجزائريين وهو جد مفيد في جميع الميادين
نتمنى دوامه هكذا دائما ونشكر كل من يسهر على إدارته
يا إخوتي أريد رأيكم في قضيتي ورأيكم يهمني جدا
لأصحاب الخبرة في المجال أرجوا مساعدتي
أبدأ بتفاصيل قضيتي
انا متخرج من الجامعة سنة 2016 متحصل على شهادة ماستر في علوم وتقنيات النشاطات البدنية والرياضية
وصلني استدعاء من مكتب الخدمة الوطنية في مارس 2015 يطابونني فيه بتسوية التأجيل الدراسي وأنا كنت قد أنهيت دراستي وذلك لأنني كنت في كل مرة أتأخر في تسوية التأجيل وكانوا يبرمجونني ويصلني الاستدعاء ثم أذهب إليهم مرفوقا بشهادة مدرسية لأسوي وضعيتي
وفي سبتمبر 2015 وصلتني لوردابال ولكن لم تصلني للمنزل ذهبت للدرك الوطني سألت قاولولي باللي جاتك لوردابال الحراش وراهم يوزعوا فيهم هزو رقم الهاتف تاعي ولكن لم تصلني ولم يتصلو بي
وفي مارس 2015 بعثولي لوردابال لخرة معها الأمر بالإلتحاق ولكن لم تصلني (عندما ذهبت لمكتب التجنيد أخبروني بذلك) ولكن في تلك الفترة كنت مع الترسيم في العمل يعني ماكانتش الفترة المناسبة للذهاب
في سبتمبر 2015 ذهبت للدرك الوطني لأسأل على لوردابال ولكن قالولي باللي إسمك ماكانش روح ربي يسهل عليك وكنت متردد نوعا ما لأنو مازال ما خرجتش باللي ولات عام برك في الجريدة الرسمية ولكن بعدما خرجت رسمي رحت لمكتب التجنيد وقالولي ولي بعد شهر بسكو مازال ماراناش نخدمو فيهم باش نخدمولك أوردابال متطوع تهزها وتروح وأنا شفت واحد ثمة قالي باللي نخدمهالك لأي مدرسة حبيت
يا خاوتي راني محتار أي مدرسة أختار يعني اللي فيها حظوظ كبيرة باش نخرج مع العلم أنني خاطب وأنوي أن أعقد قبل الذهاب لأني سمعت باللي متزوجين لهم الأولوية في الفائض
مع العلم أنو عندي عملية على المعدة عندها 14 سنة قديمة بزاف ولكن السيكاتريس تاعها مازالها تبان
راني نخمم في الحراش ولا بسكرة لأنو كاين واحد جارنا ثمة
دبروا عليا خاوتي واش من مدرسة يكون لي فيها حظوظ كبير باش نخرج
وجزاكم الله خيرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

bon kayan harach ychdo wa9il 150 w kayan tfrawi ychdo 100 ci la meilleur je pense ana rani hab tafrawi w alah a3lam win yba3touni !!

=========


>>>> الرد الثاني :

مشكور أخي جزاك الله خيرا

=========


>>>> الرد الثالث :

إخوتي أيضا لمن أضراسه أو أسنانه ناقصة هل يؤخذ بعين الإعتبار
بحيث عندي 8 ما بين أضراس و أنياب ناقصة بالإضافة إلى سن اصطناعي يعني مركبو
أفيدوني جزاكم الله خيرا

=========


>>>> الرد الرابع :

والله يا اخي نور مالمو ما يحكموكش...انا تاني كيما انت معنديش اسناني بكل

=========


>>>> الرد الخامس :

شح في الإفادة والمعلومات
ما هذا ؟؟؟!!!!!!!!!!!!!!!!!!!!!!

=========