عنوان الموضوع : انتبهوا يابنات من مشغل السيده الاولى وخاصه افنان شيك
مقدم من طرف منتديات العندليب

انتبهوا يابنات من مشغل السيده الاولى وخاصه افنان



السلام عليكم ورحمة الله وبركاته
يابنات اسمعو حكايتي مع مشل السيده الاولى اللي في المدينه وربي تهجولت فيه هجوله مو طبيعيه
في البدايه رحت لهم وقلت لهم انا عروسه وابغى اسوي عندكم وشوفوا الاخلاق والتعامل بتشيلني فوق راسها من حسن التعامل بس سألتها عندكم جناح خاص للعرايس قالت ايوه عندنا قلت لها اوكي انا رح اسوي عندكم بس اهم اشي اتفقت معهم اني اخرج الساعه 8مساء قالت طبعا على الوقت خلاص ويوم الفرح رحت لهم وعلى اساس فيه جناح خاص للعرايس واخذتني لمكان عادي جدا مكشوف لكل اللي في المشغل وقالت هذا جناح العرايس ماشفت فيه شي زيادة ولقيت وحده في هذا المكان اسمها منال شايفه نفسها وقالت روحي لوحده اسمها فاطمه تستشور لك شعرك
ورحت في المكان اللي يسززن فيه لكل الزباين ولما خلصت استشواري جات افنان قالت ايش هذي الصبغه انتي فين صابغه قلت لها في الاصفر قالت الله لايوفقهم الله لايوفقهم ايش هذي الصبغه وبدت تدعي عليهم واتجمعو علي فانان وثلاثه معها هذا مايتسوى له تسريحه بهذا الشكل مع ان الصبغه تجنن بشهادة الكل وقالت لي بغير لك الصبغه روحي سوي فاتوره وخلتني اسوي فاتوره بقيمة 400ريال عشان تسوي لي صبغه زيادة على 1000ريال اللي دفتها عشان التسريحه والمكياج والرموش والاظافير
وقلت لها تغيرين لي الصبغه انا الاسبوع هذا صابغه بلياج قالت عادي وبدأت تصبغ لي عامله عندها وجلستني على الصبغه 2ساعتين الين ماتقطع شعري ولما غسلت لي شعري بدا ينزل معها وتحط لها معالجه
وجلست ساعه عشان تغسله بس وبعدين اخرج الاقي المشغل مليان زباين
وانا اتهجول اروح ادور وحده تستشور لي تخلو عني من بين الناس الف وادور وانا اللي عروسه يصير لي كذا وفي الاخير اجلس تحت المجفف بعد ماستشورو لي شعري على الساعه 8 اللي المفروض اخرج فيها وتقولي منال وهي تنفخ انتي المفروض تجلسي تحته ساعه قلت لها انتم اللي اخرتوني وبديت اتوتر انا المفروض اخرج الساعه 8 والى الان وانا ماسويت شي (حسبي الله عليك يا افنان ) واخلص على الساعه 10:30
تخيلوا والله فقط تسريحه ومكياج ولاشي لابودرة جسم ولا اظافير ولامناكير ولاشي خرجتني وانا كنت متوتره وخلاص ضاقت علي الدنيا بيوم فرحي
بسببك يا افنان والله والله لاقتص منك يوم القيامه كل شي سويتيه فيني
ومارح اسامح انا عمري ماحقدت على احد مثل الان لانه اخرتني وسوت لي فقط تسريحه ومكياج هذي المفروض تكون 300ريال
لاحول ولاقوة الا بالله
اهم شي انا حبيت انبهكم
واترك رساله لمشغل السيده الاولى وافنان (اتقوا الله وربي لتسألن يوم القيامه وتقفن امام العظيم الجليل )

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لا حولا ولا قوة الا بالله العلي العظيم

__________________________________________________ __________

>>>> الرد الثاني :

حسبي الله عليهم انتي من الاساس ليش تسمعين كلامهم
هما همهم الفلووووووس وبس
اهم شئ ريحي بالك ولا تهتمي وكووويس نبهتينا
وتحياتي لك

__________________________________________________ __________

>>>> الرد الثالث :

لا حولا ولا قوة الا بالله العلي العظيم

__________________________________________________ __________

>>>> الرد الرابع :

لاحول ولاقوة الابالله الله ينصرك عليهم

__________________________________________________ __________

>>>> الرد الخامس :

لا حول ولا قوة الا بالله
الله ياخدلك حقك منهم
هدول ماهمهم الا الفلوس
الله لا يشبعهم