ماسك هايل لتفتيح البشرة والجسم :: جديدة
عنوان الموضوع : ماسك هايل لتفتيح البشرة والجسم :: جديدة
مقدم من طرف منتديات العندليب
ماسك هايل لتفتيح البشرة والجسم ::
ماسك هايل جداً لتفتيح ونعومة بشرة الوجه والجسم، يعني ممكن نستخدمه لتفتيح أي منطقة في الجسم لأنه آمن جداً جداً ومع المواظبة عليه بيدي للبشرة لون حلو أوي…
ومكونات الماسك :
2 ملعقة كبيرة أرز مصري مطحون
ملعقة كبيرة حبة البركة مطحونة
كوب ماء
طريقة التحضير:
كل اللي عليكي إنك تسخنّي المية على النار وتسيبيها لغاية ما تغلي، وبعد كده بتضيفي الأرز المطحون وتفضلي تقلّبي لغاية ما يبقى الخليط شبه المهلبية، وبعد كده بتضيفي حبة البركة، وتقلبيهم كلهم مع بعض لغاية ما تلاقي الخليط بقى لونه رمادي، وراعي إن الخليط ما يبقاش معجّن ومش جامد أوي.
وبنعمل الماسك ده على بشرة نظيفة جداً، ومغسولة بمية سخنة علشان تفتّح المسام، والبشرة تقدر تتشرب مكونات الماسك، وبعد كده بنبدأ نوزع الماسك على بشرتنا من تحت لفوق في اتجاه فتح المسام، وبنسيب الماسك على البشرة لمدة ساعة، وبعد كده نغسل وشنا كويس وننشفه بطريقة التربيت.
الماسك ده من الماسكات اللي لازم نعملها يوم بيوم لأنه لازم يتحط على البشرة وهو سخن ويتحطّ على بشرة نظيفة تماماً، وتكون متعرّضة لكمية كبيرة من البخار.
وبنكرر الماسك ده يومياً لمدة 3 شهور، وفي النهاية هنحصل على بشرة فاتحة وناعمة وفيها نضارة وكمان الزيوت اللي في حبة البركة بتساعد على علاج التجاعيد الصغيرة اللي بتظهر حول منطقة العيون، وكمان بيستخدم لتفتيح المناطق الحسّاسة في الجسم.
وطبعاً ناس كتير هتقول لي إحنا معندناش وقت نعمل الماسك ده كل يوم، بس بجد لما تجربوه بنفسكم وتلاقوا نتيجة كويسة هتتشجعي إنك تعمليه يومياً، وعلشان تسهلي على نفسك ممكن تخلّي عندك كمية كبيرة من الأرز المطحون وتحطّيها في علبة، وكمية من حبة البركة المطحونة في علبة تانية، علشان تسهلي على نفسك أثناء تحضير الماسك.
وميزة الماسك ده كمان إنك ممكن تعمليه في أي وقت من اليوم يعني بالليل أو الصبح براحتك، يعني إنتي بتختاري الوقت اللي يناسبك وتكوني فاضية فيه وتعمليه.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
المشاركة الأصلية كتبت بواسطة ..ღ أحـلام الـدنيـا ღ.. 
شكرا للتقيييييييييييييييم ياقمرى بيسعدنى كتير مرووك يا احلام
__________________________________________________ __________
>>>> الرد الثالث :
يسلمووووووووووووووووو
ان شاء الله راح اجربه بس ينفع للبشره الحسااسه؟؟؟
لان بشرة وجهي مره حساااااسه تتحسس من اي شي...
__________________________________________________ __________
>>>> الرد الرابع :
جاااري التقييم
__________________________________________________ __________
>>>> الرد الخامس :
المشاركة الأصلية كتبت بواسطة shahad22
يسلمووووووووووووووووو
ان شاء الله راح اجربه بس ينفع للبشره الحسااسه؟؟؟
لان بشرة وجهي مره حساااااسه تتحسس من اي شي...
ياقلبى اسمعينى كوويس طالما بشرتك حساسة زى حقولك شى راح يفيدك كتييير اووى بس ياستى جربى جزء بسيط ع ايدك وسييبة ساعة كاملة ان محصلش حاجة خلاص ان حصل بلاش ارجووووكى لاحسن تتعبى وتدعى عليا بدلا من ان تتدعيلى ارجووكى جربى الاول وان شاء الله نتيجة حلووة ياقلبى
رد مع اقتباس
